الوجه الاخر:مؤهلك؟
مرمر:لسة في ثانوية عامة
تالته ثانوي
الوجه الاخر: ايه هى هواياتك؟
مرمر:بحب أعزف علي الأورج أوي
وبحب أرنم الترانيم بصوتي
الوجه الاخر: مين هو مثل مرمر الاعلى؟
مرمر: من القديسين حبيبتي العدرا
ومن الدنيا بابا
الوجه الاخر: ايه هى صفات شخصية مرمر؟
مرمر:شخصية بسيطة أوي أوي
مش بحب الكلام الكتير
وممكن أكون ذكية نوعا ما وهادية شوية
بس لما حد يعصبني يبقي أمه داعيه عليه
الوجه الاخر:هههههههه ربنا يستر عليه
وياترى ايه صفات شريك حياتك؟
مرمر: لازم أول حاجة يكون بتاع ربنا يعني مواظب علي الكنيسة والصلاة
يكون كريم يعني لا مبذر ولا بخيل
يكون بيحبني بجد بجد وحنين أوي
وطيب وشهم ويكون مش بيحب السجاير
وكفاية كدا لحسن شكلي مش هلاقي حد كدا
هههههههههههههه
الوجه الاخر: ههههههههه كل دى صفات ربنا يديكى يااختى
طيب ايه هو الحلم اللى كان نفسك تحققيه وفشلتى؟
مرمر:أنا كنت بحلم أني أطلع من أوائل الجمهورية
بس مش عارفة الحلم دا هيتحقق ولا لأ
الوجه الاخر: باذن الله ياقمر ربنا يديكى اللى نفسك فيه
مرمر شايفه ليها اكتر من وجه؟
مرمر: لو قلت لأ يبقي بكدب عليكوا
أنا ممكن يكون ليا وجه أخر بس مش بحبه أبدا
الوجه الاخر: لو ليكى هتكون ايه صفات الوجه الاخر؟
مرمر: يعني صفاته أنه بيغضب بسرعة ومش متفاهم
علشان كدا مش بحبه خالص ونفسي أخلص منه وأعيش بطبعتي
الوجه الاخر: ايه الكلمة اللى نفسك تحذفيها من قاموس حياتك؟
مرمر:الخيانة
الوجه الاخر: لو طلبنا من مرمر امنية تتمنى ايه؟
مرمر:أتمني أني أدخل كلية صيدلة وأن ربنا يحافظلي علي بابا وماما
الوجه الاخر: لو رجع الزمن لورا تحبى تعملى ايه معملتهوش زمان؟
مرمر: كنت حاولت أبقي خادمة في الكنيسة وأشتركت في النشاطات بتاعة الكنيسة
لان دا حلم حياتي اللي بسعي ليه وهفضل اسعي ليه لحد ما أوصله
الوجه الاخر: لو حبيتى توعدى ربنا بوعد توعديه بايه؟
مرمر:أوعده أني عمري ما هعمل حاجة تزعله مني أبدا
وأني هستغل كل حاجة إدهاني بمساعدتة ليا
الوجه الاخر: ايه هو حلم حياتك؟
مرمر:نفسي أحقق مستقبلي وألاقي الإنسان اللي يستاهلني
الوجه الاخر:
دول شوية كلمات شوف تقولها لمين
اسفة
مقدرش استغنى عنك
كان احلى يوم فحياتى يوم ماعرفتك
هنساك
مرمر:
اسفة:لكل واحد زعلته في المنتدي هنا سواء كنت قاصدة أو مش قاصدة
مقدرش استغنى عنك: لحبيبي المستقبلي
ههههههههههه
كان احلى يوم فحياتى يوم ماعرفتك:واحد أعرفه من قريب
هنساك: لواحدة أتصدمت فيها
الوجه الاخر: قوليلنا يا مرمر لو كنتى مكان رئيس الجمهورية كنتى هتعملى ايه؟
مرمر: كنت هعمل حاجتين
الأولي: أحافظ علي حق المسيحين هنا وأرحمهم من الضيق اللي شايفينه
تاني حاجة : كنت هشيل وزير التربية والتعليم اللي تعبنا في عشتنا وناوي يجيب أجلنا قريب
ههههههههههههه
الوجه الاخر: ايه معنى الحب من وجهه نظرك؟
مرمر : الحب هو العطاء والتضحية والبذل من أجل الحبيب
زي المسيح ما عمل
ياريت نتعلم منه الحب الحقيقي
الوجه الاخر: هل حبيتى قبل كده؟
مرمر: مقدرش أقول علي اللي كان بيحصل وأنا صغيرة أنه حب
الحب ليه معني كبير أوي لسة ميتفهمش دلوقتي في السن دا
ولكل شئ تحت السماء وقت
الوجه الاخر: ايه الحاجة اللى ممكن تفرق بينك وبين شخص بتحبيه؟
مرمر: لو الشخص دا بيحبني أوي أوي
يبقي اللي يفرق بيني وبينه الموت
الوجه الاخر: ايه اكتر موقف مضحك حصلك؟
مرمر:مفيش أكتر من الموقف اللي أنا فيه دلوقتي دا
صدقيني أقعدت أضحك لما لقيت نفسي الضيف
ههههههههههههه
الوجه الاخر: تدى الالقاب دى لمين من اعضاء ارثوذكس؟
النشيط
مدمن نت
لماح
كاتم اسرار
مرمر:
النشيط؟
هيما
و
kiro0oalex
مدمن نت؟
dodielpop
لماح؟
nermos1982
و
دميانة لطفي
كاتم اسرار؟
الأمير الحزين
الوجه الاخر: لو فيوم خطيبك طلب منك مش تشتغلى هتسمعى كلامه مع انك متمكسة بشغلك جدا؟
مرمر:لأ مش هقدر أسمع كلامه لأن دا مستقبلي ولازم أفهمه دا كويس ولو إعترض يبقي مش بيحبني وبيفكر في نفسه بس
الوجه الاخر: ايه هى الفترة اللى نفسك ترجع من حياتك؟ وليه؟
مرمر:أنا بعتبر نفسي في أحلي أوقات في حياتي
والفترة دي أبتديت من ساعة ما دخلت إبتدائي
أجمل الأوقات بقضيها مع أصحابي ومش بعمل حاجة غير المذاكرة
أه ممكن تكون فترة متعبه لكن الواحد هيحس بيها لما يعديها ويلاقي مشغولياته كتيرة وأصحابه مبقاش عارف يشوفهم زي الأول
الوجه الاخر: عمرك اتظلمتى قبل كده؟ وياترى كان ايه السبب؟
مرمر: بصراحة أتظلمت كتيييييييييييييير
أخرها في نتيجة السنة اللي فاتت
والسبب أن كتييييييييير بيحكموا عليا من غير ما يتعملوا معايا ولا حتي يتكلموا معايا
ودا في حد ذاته ظلم ليا
الوجه الاخر: مرمر شايفة الحياة ازاى؟وايه اكتر حاجة حلوة فحياتك؟
مرمر: الحياة عامله زي المركب لو قودتيها صح هتوصلك لبر الأمان و مش هتعذبك
لكن لومعرفتيش تمشيها ممكن تعاندك وللأسف ممكن تغرقك
وأكتر حاجة حلوة في حياتي أني ألاقي ناس بتحبني وبتخاف عليا ومهتمه بيا
ودا أبتديت أحس بيه أكتر لما دخلت المنتدي هنا
الوجه الاخر: ايه اكتر شىء بتكرهيه فالحياة؟
مرمر: الكراهية والكذب والغدر والانانية
وان حد يهملني
حاجات صعبة أوي
صح؟؟؟؟؟؟؟؟؟
الوجه الاخر: من وجهه نظرك ايه اللى كان زمان موجود حلو ودلوقتى مبقاش موجود؟
مرمر: زمان الحب كان حقيقي وبجد
دلوقتي بعض الشباب مش كلهم هدفهم التسلية واللعب بالمشاعر
وكمان زمان كان في حشمة وإحترام
دلوقتي للأسف الكلام دا إنعدم
مش عايزة حد يزعل مني بس هو دا اللي أنا شايفاه ومزعلني أوي التجديف اللي بنجيبه إحنا علي أسم الله بأفعالنا
ويل لمن تأتي منه العثرات
الوجه الاخر: ايه الحاجة الحلوة اللى استفدتيها من ارثوذكس؟
مرمر: بجد المحبة اللي بين الأعضاء والتسامح
وكل يوم بطلع بمعلومة جديدة منه
ولقيت كمية مواهب ملهاش حل هنا
ربنا يعوض تعبكم كلكم بجد علي كل اللي بتعملوه هنا
وربنا هيكافئ كل واحد علي قد تعبه
الوجه الاخر: ايه الكلمة اللى تحبى تقوليها ل اعضاء منتدى ارثوذكس؟
مرمر:ربنا يخليكوا ليا كلكم يا أحلي وأغلي أصحاب ممكن أقبلها في حياتي
بجد أي كلمة ممكن تتقال ليكم هتبقي قليلة أوي ومش هتوفيكم حقكم
وعايزين ننمي المنتدي أكتر وأكتر بمشركاتكم الرائعة يا أغلي أعضاء في الدنيا
الوجه الاخر: لو حبيت تقولى كلمة لبرنامجنا تقولى ايه؟
مرمر:أقولكم ربنا يسامحكم علي الموقف الصعب اللي أنتوا حطتوني فيه
ههههههههههههبجد ربنا يعوض تعب محبتكم أنتي ومجدي علي تعبكم الكبير دا