[emmmy]

مدى إستمرارية الخادم مع فصله

بعض الخدام في مدارس الأحد يؤيدون فكرة إستمرار الخادم مع تلاميذه لمدة طويلة بحجة أن هذه الفترة الطويلة تتيح له إقامة علاقة طيبة تساعده على متابعتهم وتعليمهم.
ونحن لا ننكر أهمية العلاقة القوية التي يمكن أن تنشأ بين الخادم وتلاميذه خلال هذه الفترة كما أن إنتقال التلميذ من خادم إلى آخر قد تؤثر في قوة هذه العلاقة إلى حد كبير .
ولكننا نرى أنه من الأفضل جدا أن لا يستمر الخادم مع تلاميذه هذه الفترة الطويلة بل يجب أن يكون الحد الأقصى لهذه الفترة ثلاث سنوات وذلك للأسباب الآتية:

1. هذه الفترة – ثلاث سنوات – كافية جدا لإقامة علاقة طيبة مع التلاميذ تسمح بمتابعتهم وتقديم التعليم اللازمة لهم.

2. إتاحة الفرصة للتلاميذ لتصير لهم علاقات طيبة مع كثيرين من الخدام الذين يتوافدون على فصلهم.

3. لا يمكن لخادم واحد أن يقدم المساعدة اللازمة لتلاميذه إذا استمر معهم عشر سنوات أو أكثر.

4. بعض الخدام لهم مقدرة ممتازة على تعليم الصغار ولكنهم يفشلون تماما في تعليم التلاميذ الكبار والعكس صحيح.

5. طريقة تدريس الصغار تختلف عن طريقة تدريس الكبار ، لذلك يكون من الصعب على الخادم تدريس تلاميذه وهم صغار ويستمر معهم حتى يقوم بتدريسهم وهم كبار.

6. تعاقب الخدام على التلاميذ يكسبهم اختبارات وأفكار جديدة يستمدونها من كل خادم بمفرده.

7. قد تكون مقدرة أحد الخدام في التعليم محدودة أو غير مقبول كثيرا من تلاميذه ، فتؤدي إستمراريته معهم فترة طويلة إلى تشتت التلاميذ وهروبهم من مدارس الأحد.

اية رايكم يا خدام فى الكلام دة ؟؟؟

المصدر: †† ارثوذكس †† - من قسم: قسم اعداد الخدام واجتماعات الخدمة

[aymonded]

سلام ونعمة لشخصك المحبوب في الرب
أحب اتكلم في 3 نقط ، نقطين اتكلم فيهم والنقطة الأخيرة ساتركها للتفكير بدون أن أخوض في تفاصيلها ...

أولاً لهذا الموضوع نقاط مختلفة كثيرة جداً ، ولكن لن نخوض فيها ونتفرع ، ولكن في الأساس أن لكل واحد موهبة لا يقدر أن يرتأي فوقها ، لأن من المستحيل لو واحد عنده موهبة خدمة أطفال ويستمر معهم مدة طفولتهم ، أو يستطيع ان يخدم من هم تعدوا مرحلة الطفولة !!!! هذا لا ينفع إطلاقاً !!!

ثانياً : العجيب أنه حينما يظهر خادم أو خادمة ليست لديهم مواهب وقدرة على التوصيل لبعض المراحل أنه يستمر في نفس الخدمة سنوات ويتركه أمين الخدمة يستمر يخدم وهو على يقين أنه لا يفيد أحد ، ويتركه بحجة شجعوا صغار النفوس ، مع أنه بذلك يضره هو شخصياً كما يضر من يخدمهم أيضاً !!! وهذه نقطة قد تفتح باباً للمناقشة طويل ليس مجاله الآن !!!

ثالثاً : والنقطة الأخيرة ، أن من كثرة تنقل الخدام وبخاصة في مراحل الشباب بالذات ، يقضي على حياة التلمذة والتسليم من أب محنك يقدر أن يقود نفوس للنمو الروحي واللاهوتي في سر الشركة مع الله والكنيسة ، وهناك في القديم وإلى وقت قريب كان هناك تلاميذ لخدام وكهنة وأساقفة كثيرين ولم يتنوعوا ما بين خادم وآخر أو كاهن وآخر أو أسقف وآخر ، طبعاً باتكلم عن من لهم موهبة قيادة النفوس بالروح ولا أتكلم عن اي واحد بالطبع ، وبالطبع ممكن الإنسان يسمع لكثيرين إنما يتتلمذ عند القليلين جداً والذين يتابعون حياته في جو كنسي صحيح .... ولن أخوض في هذه النقطة بل ساتركها للبحث والتفكير ...

حقيقي اشكرك لأنك أجدتِ الحديث عن الموضوع في طرحه بصورة مختصرة ومركزة يا أجمل أخت حلوة محبوبة الله والقديسين ؛ النعمة معك كل حين

[elphilasouf]

هي المشكله اللي ذكرها في نقطتين أستاذ أيمن أعتقد انها مشكله واحده
وهي قله وجود مرشدين روحيين علي مستوي عالي
أنا أعتقد أصلا إن أي مشكله أو أغلبيه المشاكل اللي بتعوق الخدمه السبب فيها الخادم بشكل ما
فالحاجه إلي الإهتمام بوجود مرشدين علي مستوي عالي في كل المراحل وبعدد كافي
وفي مجهود كبير بتعمله اسقفيه الخدمات في الحكايه دي منقدرش ننكره

الموضوع الأساسي بتعنا كان علي إستمراريه الخدام مع مخدوميه

أنا بصراحه لسا خبرتي قليله جدا يدوبك سنه واحده فمش عندي خبره كفايا
لكن رأيي أن زي ماطرحتي في الموضوع 3 سنين معقولين
مش عاوز أخوض في السلبيات والإيجابيات من كده لكن
3 سنين معقولين بحيث نتلاشي السلبيات ونستفيد من الإيجابيات بتاعه أستمراريه الخدام مع مخدوميه .

، أشكرك إيمي علي موضوعك ، أرجوا نتناقش في السلبيات والإيجابيات بتاعه الموضوع ده

[emmmy]

شكرا للاستاذ ايمن على التعليق الجميل
وشكرا لجورج على تعليقة الرائع
ملحوظة :
الكنيسة اللى بتوافق على نزول خدام ليس لهم الخبرة او العلم الكافى حتى للبداية دة مش بسبب تشجيع صغار النفوس يا استاذ ايمن ولكن بسبب انهم قليلين الفعلة كتير يعنى مفيش للاسف خدااام كفاية على وعى روحى وثقافى روحية وغيرة
وحتى فصول اعداد الخدام لو قلنا لازم الكنيسة تهتم بعمل فصول اعدام خدام مش هتلاقى الخدام اللى يعملوا خدام ويعلموا الشباب الخدمة وروح الخدمة الحقيقية حتى دى صدقونى مش متوفرة فى كنائس كتير
وفى حاجة كمان ----
لما خادم بيمسك خدمة والمخدومين بيتعلقوا بية جدا
ويجى يسبهم ويمسكهم خادم تانى بتقابلوا مشكلة رفضهم لية وعاوزين الخادم اللى اتعلقوا بية يا كدة يا مش هيجوا ومش هيحضروا
الخادم بيقع فى خطأ انة بيخلى المخدوم يحبة لشخصة مش يحب المسيح من خلالة
ولو بقت العلاقة بينة وبين مخدومينة محدودة برضوا مش هينفع هتقابلنا مشكلة اننا مش هنعرف نوصل ليهم الرسالة وخصوصا مراحل اعدادى وثانوى والشباب
لازم يبقى فى علاقة قوية جدا وحلوة بين الخادم والمخدوم
علشان كدة التطويل مع المخدومين لية سلبيات ولية برضوا ايجابيات

[aymonded]

سلام لشخصك الحلو يا أجمل أخت حلوة
أنا مش قصدي أن لازم الخادم أول لما ينزل الخدمة يكون في قمة الفضيلة وكمال المعرفة لأن هذا مستحيل ، إنما يكون نازل في المكان الذي يتناسب مع قدارته وموهبته من الله وبحسب إمكانياته المعطاه له بالروح ، ولكن لا يستمر خادم في غير مكانه أو في مكان لا يتناسب معه ، أو ترك خادم في مكان لا يستطيع ان يُعطي فيه شيئاً لأن وجوده سيكون ضاراً لنفسه ولغيره ، وهذا خطير ، ويفضل أن يكون الفعلة قليلون من ان يكونوا كثيرون ويهدموا الخدمة ويضروا الناس عن دون وعي منهم أو إدراك ....

والخادم الذي لم ينال نعمة من الله ولم يحيا حياة التوبة من الطبيعي جداً أنه يخدم من أجل ذاته لذلك في النهاية لا يمجد شخص المسيح الكلمة إنما يسرق الرعية لحساب مجده الخاص ليكرموه ويتعلقوا نفسياً به وينسوا الله ، أما إن أحبوه كأخ حلو في المسيح وتعلقوا به كأخ محبوب في الرب سلمهم الإيمان وحياة التوبه وأكرموا المسيح الساكن فيه بتوبتهم وإخلاصهم للرب وحده فهذا مشروع ولا يوجد فيه سلبيه إطلاقاً ، مثلما أحب الكثيرين القديسين من جهة أنهم آباء ومرشدين سلموا الإيمان ، لأننا لا نقدر أن نلغي العواطف إنما لا نتكل عليها وحدها ، ولكن المشكلة لو جعل الخادم نفسه مكان المسيح الرب أمام مخدوميه ، ولو الخادم سقط أو ضعف أو بعد عن الخدمة- لأي سبب ان كان - المخدومين ينسوا المسيح الرب ولا يحضروا القداس ولا الخدمة ولا يكملوا الحياة مع المسيح الرب ، وهنا يظهر الخادم الأمين الذي لم يوصل شخصيته الخاصة إنما وصل كلمة الله بكل أمانة وإخلاص قلب حتى يتوب الكل ويحيا لله بكل إخلاص ، وايضاً يظهر الخادم البعيد عن الله محباً لذاته مقدماً نفسه وكأنه بلا خطية ويجعل الكثيرين يشتركون معه في عبادة ذاته !!!!

أقبلي مني كل تقدير لشخصك المحبوب في الرب ...

[emmmy]

اشكرك يا استاذ ايمن على الاضافة الجميلة دى
والخادم محتاج يعرف ازاى ينفذ النقطة دى فعلا
ومينساش انة مجرد وسيط بين المخدوم وبين اللة
بس المشكلة فى بعض المخدومين
اللى فعلا بيكون عندهم مشاكل نفسية وهنا بتبقى مشكلة للخادم بيكون مشدود جدا بين علاقتة بية
وبين علاقة المخدوم بربنا فى ظروف بتجبر الخادم احيانا انة يقرب جدا من المخدوم علشان يقدر يساعدة
وعلشان كدة 00
بتقف قدامنا مشكلة الخادم يفضل مع المخدومين افضل ولا كفاية سنة واتنين بالكتير ويسبهم وخصوصا لو كانوا كبار اعدادى وثانوى مثلا
لو فضل معاهم مدة 3 او 5 سنين هتيجى مشكلة تعلق الخادم بالمخدوم وهيتعب الخادم اللى هيستلم المخدوم بعد كدة
ولو قلنا كفاية سنة واحدة هتقف قدامنا مشكلة انة مش بيبقى فى انتماء ولا علاقة حية ملموسة حلوة بين الخادم والمخدوم علشان يقدر يوصل رسالة الرب لية

[aymonded]

المشاركة الأصلية كتبت بواسطة emmmy اشكرك يا استاذ ايمن على الاضافة الجميلة دى والخادم محتاج يعرف ازاى ينفذ النقطة دى فعلا ومينساش انة مجرد وسيط بين المخدوم وبين اللة بس المشكلة فى بعض المخدومين اللى فعلا بيكون عندهم مشاكل نفسية وهنا بتبقى مشكلة للخادم بيكون مشدود جدا بين علاقتة بية وبين علاقة المخدوم بربنا فى ظروف بتجبر الخادم احيانا انة يقرب جدا من المخدوم علشان يقدر يساعدة وعلشان كدة 00 بتقف قدامنا مشكلة الخادم يفضل مع المخدومين افضل ولا كفاية سنة واتنين بالكتير ويسبهم وخصوصا لو كانوا كبار اعدادى وثانوى مثلا لو فضل معاهم مدة 3 او 5 سنين هتيجى مشكلة تعلق الخادم بالمخدوم وهيتعب الخادم اللى هيستلم المخدوم بعد كدة ولو قلنا كفاية سنة واحدة هتقف قدامنا مشكلة انة مش بيبقى فى انتماء ولا علاقة حية ملموسة حلوة بين الخادم والمخدوم علشان يقدر يوصل رسالة الرب لية

سلام لشخصك المحبوب في الرب معلشي بس عايز استفسر عن نقطين
أولاً كلمة أن الخادم وسيط بين المخدوم والله ، هذا مستحيل وغير دقيق إطلاقاً ، لأنه يستحيل أن يكون الخادم وسيط ، لأن الخادم يحمل رسالة [ توبوا وآمنوا بالإنجيل ] ولم ولن يكون وسيط بين المخدوم والله على الإطلاق ، وانا أعلم يقيناً أنك لا تقصدي التعبير الحرفي في حد ذاته بالطبع ، لأن الوساطة تعني أنه لا يقدر أن يقترب من الله ولابد من أن يكون هناك من ينوب عنه أمام الله ليجعله مستحقاً للدخول إليه ، والوحيد الذي أعطى لجميع الخطاة ان يقتربوا من الله بدون وساطة أحد هو شخص المسيح الكلمة الذي مات وقام ، وهو الوسيط الوحيد بين الله والناس ولا يوجد غيره إطلاقاً ....
هو الخادم فقط بيوصل رسالة الله للمخدوم ويمسك بيده ليدخله للطريق الروحي ليبني علاقة حية مع الله والكنيسة لا بصفته وسيط إنما بصفتة خادم المسيح الرب الذي أعطاه بالروح هذه الموهبة ....

ثانياً : أنا مش فاهم القصد من النقطة الثانية أو مش واضحة الفكرة أمامي كاملة كما تقصديها يا أجمل أخت حلوة فيا ريت بس توضحي ماذا تقصدي بهذه الجملة لكي أعلق تعليق يتناسب مع الفكرة ؟ [ اللى فعلا بيكون عندهم مشاكل نفسية وهنا بتبقى مشكلة للخادم بيكون مشدود جدا بين علاقتة بية
وبين علاقة المخدوم بربنا ] ، معلشي بس لو ممكن التوضيح !!!

[emmmy]

بالنسبة للجزء الاول من كلامك
اعتقد الاختلاف فى استخدام التعبير فقط
يعنى انا قلت الخادم وسيط بين المخدوم واللة بمعنى ان الخادم جسر بين المخدوم وربنا حامل رسالة معينة بيوصلها للمخدوم
بس تدقيقك فى المعانى والالفاظ هو المشكلة بينى وبينك دايما
عموما ممكن يكون خانى التعبير لكن اعتقد اننا متفقين فى الجوهر
على فكرة --
اللفظ دة بنسمعة كتير فى علاقة اب الاعتراف والمعترف
الكاهن وسيط بين اللة والمعترف
اية رايك مرفوض برضوا ؟؟

بالنسبة للجزء التانى من كلامك وسؤالك

[ اللى فعلا بيكون عندهم مشاكل نفسية وهنا بتبقى مشكلة للخادم بيكون مشدود جدا بين علاقتة بية
وبين علاقة المخدوم بربنا ] ،

الخادم المفروض انة بيتستخدمشى اسلوب التعلق العاطفى الشديد بينة وبين المخدوم علشان ميتحولشى الموضوع لعلاقة شخصية بين الخادم والمخدوم ويتعب لما يسيبة لاى سبب ويتعب الخادم اللى هيجى بعدة
وتبقى العلاقة عادية فى حدود معينة وصح
لكن احيانا مع بعض المخدومين اللى بيكون عندهم مشاكل نفسية معينة بيتضر الخادم يقرب جدا من المخدوم ويستعمل معاة كل الاساليب ولازم يكون فى علاقة قوية جدا علشان يقدر يوصلة وهنا بتحصل المشكلة ان المخدوم بيتعلق بالخادم لشخصة وبيكون بالنسبة لة الشبع النفسى اكتر منة الشبع الروحى
ودى بتبقى مشكلة للخادم انة بيبقى محتار بين علاقتة بالمخدمو معلاقة المخدوم بربنا بيبقى مش عارف يخرج من الدايرة ويحط ربنا مكانة قدام المخدوم
فهمتنى يا استاذ ايمن ؟؟

[aymonded]

المشاركة الأصلية كتبت بواسطة emmmy بالنسبة للجزء الاول من كلامك اعتقد الاختلاف فى استخدام التعبير فقط يعنى انا قلت الخادم وسيط بين المخدوم واللة بمعنى ان الخادم جسر بين المخدوم وربنا حامل رسالة معينة بيوصلها للمخدوم بس تدقيقك فى المعانى والالفاظ هو المشكلة بينى وبينك دايما عموما ممكن يكون خانى التعبير لكن اعتقد اننا متفقين فى الجوهر على فكرة -- اللفظ دة بنسمعة كتير فى علاقة اب الاعتراف والمعترف الكاهن وسيط بين اللة والمعترف اية رايك مرفوض برضوا ؟؟ بالنسبة للجزء التانى من كلامك وسؤالك [ اللى فعلا بيكون عندهم مشاكل نفسية وهنا بتبقى مشكلة للخادم بيكون مشدود جدا بين علاقتة بية وبين علاقة المخدوم بربنا ] ، الخادم المفروض انة بيتستخدمشى اسلوب التعلق العاطفى الشديد بينة وبين المخدوم علشان ميتحولشى الموضوع لعلاقة شخصية بين الخادم والمخدوم ويتعب لما يسيبة لاى سبب ويتعب الخادم اللى هيجى بعدة وتبقى العلاقة عادية فى حدود معينة وصح لكن احيانا مع بعض المخدومين اللى بيكون عندهم مشاكل نفسية معينة بيتضر الخادم يقرب جدا من المخدوم ويستعمل معاة كل الاساليب ولازم يكون فى علاقة قوية جدا علشان يقدر يوصلة وهنا بتحصل المشكلة ان المخدوم بيتعلق بالخادم لشخصة وبيكون بالنسبة لة الشبع النفسى اكتر منة الشبع الروحى ودى بتبقى مشكلة للخادم انة بيبقى محتار بين علاقتة بالمخدمو معلاقة المخدوم بربنا بيبقى مش عارف يخرج من الدايرة ويحط ربنا مكانة قدام المخدوم فهمتنى يا استاذ ايمن ؟؟

بالنسبة للنقطة الأولى لموضوع الوسيط :
[ لأنه يوجد إله واحد ووسيط واحد بين الله و الناس الإنسان يسوع المسيح (1تي 2 : 5)
و لأجل هذا هو وسيط عهد جديد لكي يكون المدعوون إذ صار موت لفداء التعديات التي في العهد الأول ينالون وعد الميراث الأبدي (عب 9 : 15)
و إلى وسيط العهد الجديد يسوع و إلى دم رش يتكلم أفضل من هابيل (عب 12 : 24)
كلمة وسيط التي تطلق على الكاهن أو على خادم خطأ ، هذا يعتبر عند الآباء خطأ لاهوتي جسيم ، لأن لا يوجد وسيط إطلاقاً إلا الرب يسوع فقط لا غير ويستحيل يقوم إنسان على وجه الأرض بهذا الدور على الإطلاق ، هو فقط هناك عند البعض لبس في المفاهيم اللاهوتية والإنجيلية والكنسية غير مقصود وانتشرت بين الناس فأدت لشرح خاطئ ومنها تم استخراج تأملات وتعليم لخبط الكثيرين في علاقتهم مع الله ، لأن في الواقع الخادم والكاهن والأسقف كلهم خدام عمل المسيح الرب فقط لاغير يوصلوا رسالة الله لا كوسطاء بل كخدام لكهنوت المسيح كل واحد حسب موهبته وما قسم له الله بالروح لأجل اكتمال الكنيسة في كل شيء وبنيان النفوس ، لأن لايوجد خادم أو كاهن أو حتى أسقف مات من أجل أحد أو اعتمد أحد باسمه أو له قدرة على غفران خطايا أحد بدون المسيح الرب المانح للغفران الحقيقي بجسده المبذول ودمه المسفوك ، لذلك يعتبر هذا التعبير لا يصح أن يطلق على خادم أو كاهن ، ولكي نضبط الكلام ينبغي أن نقول أن معظم الذين يقولونه لا يقصدون المعنى الحرفي للكلمة ]

بالنسبة للنقطة الثانية :
أنا فهمت قصدك طبعاً ، بس المشكلة أن احياناً لقلة الخبرة وعدم الوعي للخادم ممكن أن يقع بسهولة في هذات الفخ ، لذلك يفضل دائماً أنه حينما يلتقي بمثل هذه الشخصيات يلجأ دائماً لب محنك ذو خبره ليوجهه لكي لا يقع في مشكلة أنه يتعلق بالمخدوم أو المخدوم يتعلق به نفسياً ....

أشكرك على التوضيح يا أجمل أخت حلوة محبوبة الله والقديسين ؛ النعمة معك

[emmmy]

لبس في المفاهيم اللاهوتية والإنجيلية والكنسية غير مقصود وانتشرت بين الناس فأدت لشرح خاطئ

لا اذا كان على اللبس فى المفاهيم فهو كتير جدا لا حصر لة
بقولك اية انا عندى اقتراح حلو بجد
ما تاخد انت الامور ببساطة ومتمشكى على الواحدة
ههههههههه علشان تعرف تعيش انا قلبى عليك صدقنى