[nana222]

صباح الخير لاحلى منتدى
حبيت انقل لكم محاضرة كنت حضرتها وحسيت انها اكيد هاتفيد ناس كتير

من انجيل معلمنا لوقا الاصحاح 14 من اية 25 و حتى 33

25- وَكَانَ جُمُوعٌ كَثِيرَةٌ سَائِرِينَ مَعَهُ فَالْتَفَتَ وَقَالَ لَهُمْ:.

26- «إِنْ كَانَ أَحَدٌ يَأْتِي إِلَيَّ وَلاَ يُبْغِضُ أَبَاهُ وَأُمَّهُ وَامْرَأَتَهُ وَأَوْلاَدَهُ وَإِخْوَتَهُ وَأَخَوَاتِهِ حَتَّى نَفْسَهُ أَيْضاً فَلاَ يَقْدِرُ أَنْ يَكُونَ لِي تِلْمِيذاً.
27- وَمَنْ لاَ يَحْمِلُ صَلِيبَهُ وَيَأْتِي وَرَائِي فَلاَ يَقْدِرُ أَنْ يَكُونَ لِي تِلْمِيذاً.
28- وَمَنْ مِنْكُمْ وَهُوَ يُرِيدُ أَنْ يَبْنِيَ بُرْجاً لاَ يَجْلِسُ أَوَّلاً وَيَحْسِبُ النَّفَقَةَ هَلْ عِنْدَهُ مَا يَلْزَمُ لِكَمَالِهِ؟.
29- لِئَلاَّ يَضَعَ الأَسَاسَ وَلاَ يَقْدِرَ أَنْ يُكَمِّلَ فَيَبْتَدِئَ جَمِيعُ النَّاظِرِينَ يَهْزَأُونَ بِهِ.
30- قَائِلِينَ: هَذَا الإِنْسَانُ ابْتَدَأَ يَبْنِي وَلَمْ يَقْدِرْ أَنْ يُكَمِّلَ.
31- وَأَيُّ مَلِكٍ إِنْ ذَهَبَ لِمُقَاتَلَةِ مَلِكٍ آخَرَ فِي حَرْبٍ لاَ يَجْلِسُ أَوَّلاً وَيَتَشَاوَرُ: هَلْ يَسْتَطِيعُ أَنْ يُلاَقِيَ بِعَشَرَةِ آلاَفٍ الَّذِي يَأْتِي عَلَيْهِ بِعِشْرِينَ أَلْفاً؟.
32- وَإِلاَّ فَمَا دَامَ ذَلِكَ بَعِيداً يُرْسِلُ سَفَارَةً وَيَسْأَلُ مَا هُوَ لِلصُّلْحِ.
33- فَكَذَلِكَ كُلُّ وَاحِدٍ مِنْكُمْ لاَ يَتْرُكُ جَمِيعَ أَمْوَالِهِ لاَ يَقْدِرُ أَنْ يَكُونَ لِي تِلْمِيذاً.

اية هى مطالب الرب؟
هل الرب يريد منا ان نكرة اقاربنا ان نبتعد عن اصدقائنا وننعزل هل يرد منا ان نكون فقراء؟؟
الاجابة لا
الرب يريد منا ان لا نعطى اولويات فى حياتنا عنة
لا يريد ان تكون محبتنا لانفسنا اكبر من محبتنا لة
لا يريد لنا ان ننصب الهة ونعبدها ويكون لنا اكثر من الهة
يرد منا ان نقدر ان نكون تلاميذ لة
بالبلدى كدة ابوك وامك و اخواتك واصحابك حتى نفسك واموالك
ميبقوش نمرة واحد فى حياتى

"من أحب أبًا أو أمًا أكثر مني فلا يستحقني، ومن أحب ابنًا أو ابنة أكثر مني فلا يستحقني" (مت 10: 37).

اية بقة موضوع حسابات النفقة؟
اكيد قبل ما الواحد يبدا حاجة جديدة فى حياتة بيقعد ويحسب انا معايا كام وعليا كام؟
هادفع اية وهاجيب منين و هاخد كام
هاضحى باية فى حياتى علشان احصل على حاجات تانية؟
موش كدة؟ موش كل واحد بيعمل كدة؟
فية ناس بتحسب حسبتها دية صح و فية ناس بتحسبها غلط
مثلا الناس اللى حتط فلوسها فى البورصة
فلوسها دية هى كل تعب سنين عمرها
هى سنين من اللف و الدوران و المجهود
كتير بردة حطوا فلوسهم فى بنوك عالمية وقالوا احنا كدة فى امان
اية اللى حصلهم؟
فى ثوانى كل مدخرات عمرهم راحت
البورصة وقعت وكل اللى حاطط فلوس خسرها كلها تقريبا
والبنوك العاملية افلست واللى كان حاطط ملايين ومليارات راحت علية
حسبها غلط موش كدة؟
ياااااة فى ثوانى كلة انهار؟ انا حسبت انى هاتعب سنين فى حياتى وارتاح سنين طويلة جاية كانت حسبة غلط؟

امتى احس انى حسبتها غلط؟
لما تلاقى ان ربنا موش هو نمرة واحد فى حياتك
موش كل اولويات حياتك انك تكون لية تلميذ
لما يكون كل تفكيرك فى المال و محبة الناس و محبة ربنا اخر حاجة
لما تلاقى نفسك مربوط وموش قادر تتقدم وعمال تلف فى دايرة مقفولة
اخر كل سنة تحسب حسباتك و تانى يوم فى السنة الجديدة ترجع زى ما كنت وهكذا كل سنة
فية احد الاصدقاء اعرفة من فترة طويلة وصل لمراحل وحشة جدا من الخطية
لما فاق من اللى هو فية قرر انة هايبطل فقعد يحسب انا هابطل ازاى؟
سنين وهو عمال بيحسب ازاى يبطل
مربوط بشلة سيئة و شهوات فى حياتة
موش قارد يهرب وكل اللى عندة انة ابتدا اهوة وربنا يسهل
ادينا بنحاول كلمة على لسانة على طول
الحق اقولكم عمرة ما هايتحرر ولا هايعرف يحسبها صح
لان بداية الحسبة الصح انك تسيب ربنا هو اللى يحسبهالك
تقولة يا رب انا عندى خطية كذا منعانى عنك
انا مربروط بمحبة المال انا مربوط بمحبة امى و موش قادر اتصور انها تزعل منى لكن زعلك انت عندى موش مهم
تقولة يا رب انت اللى صنعت الكون كلة بكلمة منك موش صعب عليك انك تصنع لى امرا جديدا
لازم تقعد تحسب النفقة بتاعتك مظبوط
متبقاش داخل حرب قدام ابليس وانت معاك عشرة الاف جندى و هو معاة عشرين الف هاتخسر صدقنى وتطلب الصلح مع ابليس وتعقد اتفاق
انت قوتك كانسان هى العشر الاف جندى لكن قوة الله لا محدودة

ميبقاش عندك امور ابليس يستغلها علشان توقف بنى البرج العالى و تسبها كدة
ميبقاش عندك مواقع للشهوة و افلام على جهازك وتقول انا من بكرة هابطل شهوة بس خلى الافلام موجودة
ميبقاش عندك شلة سجاير و لف حشيش و تقول انا هابدا بداية جديدة موش هاتقدر تكمل البرج
والناس هايستهزؤا بيك
ارجوك احسبها صح
ارجوك هو عايزك تكون لية تلميذ لانك موش هاتقدر تكون تلميذ لو حسبتها غلط

المصدر: †† ارثوذكس †† - من قسم: التأملات الروحية والخواطر الفكرية

[نبيل نصيف جرجس]

مش غريبة يا نانا كل تاملاتك تجنن بجد ربنا يباركك ويحافظ عليكى يا حبيبة ابوكى ربنا يسوع

[nana222]

شكرا نبيل لمرورك الجميل