[cat girl]

20 جمله 95% من شباب مصر بيقوولها للبنات

1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقابلتك
(على أساس ان والدته كانت حامل فيه 20 سنه وولدته قبل مايقابلها بيومين )

6-يااه يا حبيبتى انتى تأمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ما أكًون نفسى قريب إن شاء الله
(موووووووووووت يا حمااااااااااار)

9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان
(بففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جيرانه وقرايبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه أبوه )

13- ياحبيبتى انتى بتتكلمى فى أيه انا كل عطورى أورجينال
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض
(طبعا من الخضه انها تكون فقسته )

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس أو مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معذور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الشوية اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده) </span>

المصدر: †† ارثوذكس †† - من قسم: الضحك والفرفشة

[bolalover]

ههههههههههههههههههههه
طيب ارد اقول ايه
لا تعليق و خلاص
هههههههههههههههههههه

[cat girl]

هههههههههههه ميرسى بولا متزعلش ده مجرد راى ميرسى ليك

[bolalover]

انا مش زعلان يا كات اطلاقا
ههههههههههههههههههههه
بس علي فكرة بقا في جمل برده بتقولها البنات
يعني البت تقول مثلا
انا عمري ما عرفت حد غيرك
انت اول واحد في حياتي
و تلاقيها عدا عليها 50 ولد قبله
و يا لهوي لو مسك اديها
تقوله عمر ما في حد مسك ايدي انت اول واحد يمسك ايدي
و اتريها نص مصر مسكت اديها
بس بس يا ستي ربنا يستر علي ولياه
هههههههههههههههههههههه

[keroo82]

يا كاتى ارحمينا بقة يا شيخة
ماشى يا بنات ليكم يوم
ههههههههههههههههههه

موضوع هايل يا كاتى
ربنا يعوضك

[cat girl]

المشاركة الأصلية كتبت بواسطة keroo82 يا كاتى ارحمينا بقة يا شيخة ماشى يا بنات ليكم يوم ههههههههههههههههههه موضوع هايل يا كاتى ربنا يعوضك

هههههه ربنا هو اللى بيرحم يا كيرو مش انا

[per]

no idea i dont know what she say

[بنت الراعي]

هههههههههههههه
برافوووووووووو يا كات هايل يا بنتي
ربنا يقويك كمان وكمان

[القيثارة]

هههههههههههههه
احنا اتفضحنا يا شباب الواحد مش هيعرف يشوف شغلة بعد كده
بجد موضوع رائع

[جون مواهب]

شوفوا بقى البنات بتقول ايه للأولاد
حبيبي حاسه اني اعرفك من زمااااان
..........
بتقولها وهيامطلعة لسانها
ـــــــــــــــــــــــــ ــــــــ
حبيبي بحس انك غير عن كل الشباب والله
......
تحس ان عندك اربع عيون وانت مش واخد بالك

ـــــــــــــــــــــــــ ـــــ
ياريتني ياقلبي عرفتك من زمان
...........
وهيا عرفت اكتر من 73 واحد قبلي
ـــــــــــــــــــــــــ ــــــ
انامبطلعش خالص من البيت ويوم ما بطلع راسي علي طول في
الارض وعمري ما بشوف حد
.......متقولش الي خلقك مخلقش غيرك

ـــــــــــــــــــــــــ ــــــ
الصيف دا احتمال نسافر باريس ولندن وجنيف ....... وهيا
لو طلعت بره بيتهم تستهوي
ـــــــــــــــــــــــــ ــــــ
تصدق حبيبي انامبحبش ألبس إلا ماركات عالميه
..........
وهيا بتشتري هدومها بالجمله
ـــــــــــــــــــــــــ ــــــ
حبيبيى انا النهارده مقدرتش ارنلك معلش علشان مش معايا
رصيد
.....
يا أخي افهم وهاتلي كارت شحن
ـــــــــــــــــــــــــ ـــــ
تعرف انا من البنات الي تحب طول ما هيا ماشيه تصرف فلوس
.................
متفهمش في ايه
... لا تعليق
ـــــــــــــــــــــــــ ــــ
النهارده يا قلبي كانوا هيخطبوني لواحد معرفوش ...
تعالي اخطبني واتدبس يلا
ـــــــــــــــــــــــــ ــــ
النهارده عيد ميلادي يا قلبي ... اول عيد ميلاد ليا
معاك ..... نفسها في هديه بس على مين ؟ بعينها
ـــــــــــــــــــــــــ ــــ
ياروح قلبي والله بابا كان في اوضتي طول النهار
امبارح معرفتش اتصل بيك ..... سبحان الله ساب الشقه كلها
وقعد في اوضتها ... تقريبا هيا اوضه واحد اللى فى البيت
ـــــــــــــــــــــــــ ــ
معلش يا حبيبي رايحه للكوافير علشان اعمل شعري ... وهوا
ليفه اساسا والموضع بيخلص لو في خلاط
ـــــــــــــــــــــــــ ـــ
انت أملي الوحيد ... الفارس الي بحلم بيه ... راكب
حصان ..... متقولش بتحب ابو لهب
ـــــــــــــــــــــــــ ــــ
انا النهارده مش هخرج معاك اصلي هاعمل شوبنج وجيه

.....
وهيا اخرها سوق الخضار تجيب طماطم وخيار