تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



التأملات الروحية والخواطر الفكرية يتناول التأملات الروحية للأباء الأولين أو القديسين المعاصرين أو أعضاء المنتدى

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


آآآآآآآآآآآآآآآآآه يا ابويـــا

من قعدته قصاد الكمبيوتر وقت طويل – حس بـ إرهاق عينيه فـ قرر يسترخي شوية غمض عينيه .. وبـإيـديـه عملها مساج كـ محاولة لـ تخفيف التعب ولأن شاشة الكمبيوتر بتتقفل

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية Jesuslittlegirl
Jesuslittlegirl
ارثوذكسي متقدم
Jesuslittlegirl غير متواجد حالياً
 
رقم العضوية : 11361
تاريخ التسجيل : Jan 2008
مكان الإقامة : In Heaven
عدد المشاركات : 236
عدد النقاط : 10
قوة التقييم : Jesuslittlegirl is on a distinguished road
آآآآآآآآآآآآآآآآآه يا ابويـــا

كُتب : [ 02-24-2009 - 10:25 PM ]


من قعدته قصاد الكمبيوتر وقت طويل – حس بـ إرهاق عينيه
فـ قرر يسترخي شوية

غمض عينيه .. وبـإيـديـه عملها مساج كـ محاولة لـ تخفيف التعب
ولأن شاشة الكمبيوتر بتتقفل كل دقيقة ( في حالة عدم لمسه الكيبورد والماوس أو عدم وجوده )
إنطفت الشاشة
وبعـد وقت مش كتير – فتح عينيه.. وفي سواد الشاشة - شاف ملامحه .. شاف حياته


وفجأة بدون مقدمات بدأ يتكلم بس مع نفسه .. مع الإنسان الغامض اللي محدش يعرفه غيره
كلامه كان صعب .. بس دي الحقيقة اللي واجه بيها نفسه

كانت دي صرخة صريحة منه بتعلن تسليمه الكامل لـ أبوه السماوي الطبيب الأعظم
بـ إنه يدوس ع الجرح .. يطلع منه صديد الماضي المؤلم وينضفه .. يضمده بـ إيديه الحنونة ويشفيه

مفكرش في الآلم ولا في صرخة الوجع
كل تفكيره كان في إزاي يحسبها ويعيشها صح..بنفس حسابات وتدبير ابوه لـ حياته
وبدأ يحس بالألم


بس الغريب إن صرخاته وكلماته مع كل قولة آآآآه .. كانت هي دي

+ يوم ما قلت أنا الاساس ومن غيري اللي حواليا هيقعوا .. كنت غبي

- وأعمى يوم ما شـُـفت الاساس سليم ومبني صح – للأسف كان ع الرمل



+ لما فكرت إني اختار لـ نفسي بـ نفسي .. كنت غبي

- والتجربة فتحت لي عينيا وعرفت اني كنت أعمى



+ لما مشيت في موضوع مصيري – من غير ما أخد مشورة ربنا .. كنت غبي

- وأعمى لما شـُـفت إني ماشي في الطريق الصح.. لمجرد إني صدقت أوهام




+ لما افتكرت إن عيوبي وخطاياي الصعبة أكبر من غفران و دم يسوع .. كنت غبي

- وأعمى لاني مشـُـفـتـش دوووووول



لــــوط – اللي كان بيعذب نفسه البارة كل يوم بأفعاله الاثيمة.. بس ربنا تحنن وأنقذه



يعقوب – لما كذب على ابوه وخدع خاله لابان..لكنه اعترف وصرخ " لن أطلقك إن لم تباركني "



يوسف – اللي هرب وقال " كيف أصنع هذا الشر العظيم وأخطيء إلى الله "



داود – خطيته كانت صعبة .. لكن ندم وصلى عنها – ربنا غفرهاله وقال عنه انه

" رجل حسب قلبي "



بطرس – اللي انكر معرفته بـ يسوع .. برغم انه شاف معجزاته وأكل معاه وكان أقرب الناس لـه


الإبن الضال – بعد ما طلب ميراثه من ابوه وهو لسة عايش – راح ضيعه – لكن لما رجع لـ حضن ابوه – كل اللي عمله اتنسى وبدأ حياة جديدة .. وعاش فرحته بـ محبة ابوه الكبيرة العظيمة الفريدة في نوعها



+ لما قلت فين ربنا مني.. وإزاي ابويا وهو مش حاسس بيا وسايبني اتألم.. كنت غبي

- وأعمى .. عشان مش شايف حنية لمساته.. وباصص بس لـ ضعفي وتعبي.. مش لـ قوته ومشيئته



+ لما سلمت نفسي لـ مشاعر جريحة وحزينة.. وإنعزلت جوة دايرة يأس وصراع ذاتي.. كنت غبي

- وأعمى .. عشان مشـُـفتـش إيده وهي ممدودالي .. عايز يشفي كل جرح فيا ويرفعني.. ياخدني من بين ذكريات مؤلمة ويفرح قلبي من جديد



+ لما حصرت تفكيري في ضلمة ليل الهموم وأنا طالع نازل والموجة تخبط فيا .. كنت غبي

- وأعمى لإني مشـُـفتـكش بـ عين الإيمان.. الإيمان اللي انا جايلك بيه وهو متكسر جوايا


آآآآآآآآآآآآآآآآآه يا ابويـــا




عشان كده..إمسكني إنت..حاوطني بإيديك
لاني كتير بستسلم لما الحرب بتقوىَ عليا
وده عـشــان مـش بـبــدأ يــومي بـيـــك
كنت بفضَّـــل حاجــات تانـيـــة علـيــــك
بكون عارف الصح و بصمم أعمل الغلط
وكتير كنت بدور على راحتي بعيد عنـك
ووقــت ألمي مكـنـتــش بـجـري عليــــك
برغم ان جوايا ليك كتير لكن مش بعيشه
تعالى علمني الدرس .. درس عمري كله
اللي ياريتـني اتعلمته وفهمته من زمـــان


منقول



رد مع إقتباس
Sponsored Links
بياناتي
 رقم المشاركة : ( 2 )
نبيل نصيف جرجس
ارثوذكسي فضى
رقم العضوية : 2264
تاريخ التسجيل : Sep 2007
مكان الإقامة :
عدد المشاركات : 3,510
عدد النقاط : 21

نبيل نصيف جرجس غير متواجد حالياً

افتراضي رد: آآآآآآآآآآآآآآآآآه يا ابويـــا

كُتب : [ 02-25-2009 - 02:35 PM ]


موضوع حلو اوى ربنا يباركك ويفرح قلبك يا رب


رد مع إقتباس
بياناتي
 رقم المشاركة : ( 3 )
nana222
ارثوذكسي ذهبي
رقم العضوية : 497
تاريخ التسجيل : May 2007
مكان الإقامة :
عدد المشاركات : 6,286
عدد النقاط : 19

nana222 غير متواجد حالياً

افتراضي رد: آآآآآآآآآآآآآآآآآه يا ابويـــا

كُتب : [ 03-27-2009 - 06:37 PM ]


شكرا على الموضوع الجميل


رد مع إقتباس
بياناتي
 رقم المشاركة : ( 4 )
rozy lover
ارثوذكسي بارع
رقم العضوية : 25803
تاريخ التسجيل : Apr 2008
مكان الإقامة :
عدد المشاركات : 1,633
عدد النقاط : 10

rozy lover غير متواجد حالياً

افتراضي رد: آآآآآآآآآآآآآآآآآه يا ابويـــا

كُتب : [ 03-27-2009 - 07:13 PM ]


عشان كده..إمسكني إنت..حاوطني بإيديك
لاني كتير بستسلم لما الحرب بتقوىَ عليا
وده عـشــان مـش بـبــدأ يــومي بـيـــك
كنت بفضَّـــل حاجــات تانـيـــة علـيــــك
بكون عارف الصح و بصمم أعمل الغلط
وكتير كنت بدور على راحتي بعيد عنـك
ووقــت ألمي مكـنـتــش بـجـري عليــــك
برغم ان جوايا ليك كتير لكن مش بعيشه
تعالى علمني الدرس .. درس عمري كله
اللي ياريتـني اتعلمته وفهمته من زمـــان
بجد بجد تامل رااااااااااااااائع جداً

ميرسى كتير وربنا يفرح قلبك

رد مع إقتباس

اضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 06:38 AM.