[nermos1982]

فاتت سنة من عمرى

وسنة بتجر سنة

وسنة بتجرى تلحق سنة

وانا لسه زى مانا

بعيد عنك يارب

قلبى قاسى عليك يارب

كل يوم فى شر وخطية جديدة

وقلبى مش عايز يتوب

ولا يقول ابتدى بداية جديدة

كل يوم خطايا وشرور امر

ولا قلبى بيحرم ولا بيقول تبت

كل يوم اغرس شوكة فى جبينك بارادتى

وادق مسمار فى ايدك بايدى

امسك حربة واطعن جنبك

واقول استحمل مانا ابنك

كل يوم بسياط اجلدك

وبرضه اقولك انا ابنك

اجرح واالم فيك واجلد

وانت بحنان تضم وتطبطب

تطبطب عليا يارب وتاخدنى فى حضنك

تقولى تعالى يابنى

حضنى يساعك رغم اثامك

قلبى مسامح رغم شرورك

فاتحلك ايدى تعالى فى حضنى

تعالى يابنى ماليش غيرك

فاتحلك ايدى على الصليب

ماددلك ايدى تعالى من غير تفكير

هاتلاقى حنانى وحبى ماليك

هاتلاقى خطاياك مغفورة ليك

تعالى يابنى لحضن ابوك

وحشتنى كلمة محتاجك يا حنون

ورغم كل ده بجرح فيك يارب كل يوم

اسمع كلامك ده كل ثانية وكل يوم

واقول من حنانك هاتسامح وتغفر الذنوب

وافضل تايه فى خطيتى سنين وسنين

واهى سنة بتجر سنة

وسنة بتجرى تلحق سنة

وانا لسه فى شرورى زى مانا

المصدر: †† ارثوذكس †† - من قسم: القسم الادبي

[عماد حسنى]

امسك حربة واطعن جنبك



واقول استحمل مانا ابنك

الموضوع والكلمات كلها رائعه يا نرمين بجد
عايزين من الموضوعات دى كتير

[الناى الحزين]

بجد يا نانا معرفتش اقتبس ايه واسيب ايه
هايل فعلا
ربنا يفرحك يارب
ودايماً تكونى قريبه منه

وكل سنه وانتى طيبه

[نبيل نصيف جرجس]

جميلة اوى الكلمات
ربنا يدينا حياة الرجاء والايمان اللى بجد
مش ايمان كلام
بتمنى من ربنا يسوع ان يسكن قلبى ويسيرنى حسب مشيئتة
اريدة ان يسلب منى حريتى لانى هوقع نفسى فى الشر
بجد مش عارف اقول اية
كلمات جميلة
ربنا يرحمنا

[أسير الحبايب]

ميرسي أختى نيرمين على هذه الكلمات الجميلة

[امير الاحزان]

تعالى يابنى ماليش غيرك

فاتحلك ايدى على الصليب

ماددلك ايدى تعالى من غير تفكير

هاتلاقى حنانى وحبى ماليك

هاتلاقى خطاياك مغفورة ليك

تحفه تحفه ومش غريب عليكي يطلع منك الكلام الجميل دا
هاااااااااااااااااااااااا اااايل

امير الاحزان

[nermos1982]

المشاركة الأصلية كتبت بواسطة عماد حسنى امسك حربة واطعن جنبك واقول استحمل مانا ابنك الموضوع والكلمات كلها رائعه يا نرمين بجد عايزين من الموضوعات دى كتير

ميرسى بجد ياعماد على ردك الجميل ده. ربنا يفرح قلبك ويكون معاك

[nermos1982]

المشاركة الأصلية كتبت بواسطة الناى الحزين بجد يا نانا معرفتش اقتبس ايه واسيب ايه هايل فعلا ربنا يفرحك يارب ودايماً تكونى قريبه منه وكل سنه وانتى طيبه

يارب يا ناى صليلى انى بجد اقدر اكون قريبة منه ومزعلوش منى
ربنا يفرح قلبك يارب ويكون معاك دايما

[nermos1982]

المشاركة الأصلية كتبت بواسطة نبيل نصيف جرجس جميلة اوى الكلمات ربنا يدينا حياة الرجاء والايمان اللى بجد مش ايمان كلام بتمنى من ربنا يسوع ان يسكن قلبى ويسيرنى حسب مشيئتة اريدة ان يسلب منى حريتى لانى هوقع نفسى فى الشر بجد مش عارف اقول اية كلمات جميلة ربنا يرحمنا

ميرسى يا نبيل على ردك الجميل ده . ربنا يباركك ويكون معاك دايما ويفرح قلبك

[nermos1982]

المشاركة الأصلية كتبت بواسطة أسير الحبايب ميرسي أختى نيرمين على هذه الكلمات الجميلة

ميرسى يا اسير الحبايب على الرد الجميل ده .ربنا يباركك ويكون معاك