[ELMAGEK]

احمد مكي


شكرا يا ماما



كلمات بجد رائعة




يااااااااه حنان ملووش حدوود اعظم انسانة فى الوجود


ماما مهما احكى اللى فى قلبى واللى نفسى اقوله ليكى


مش حيطلع حتى نقطة فى بحر احساسى بيكى

كان حلمك تبقى سعيدة مع زوج حنون عليكى تبنوو حياة جديدة وولادك حواليكى


ويدوب حققتى حلمك جيه وهد البيت عليكى فجأة راح سابك وحيدة ساب ولادك حتى ليكى سابك محتارة وحزينة والولاد مسكين اديكى


وبقا عندك الاختيار بيت جديد وفرصة تانية او تعيشى عمرك وحيدة مع اولادك الصغار


مسؤولية صعبة جداا كنتى قد الاختبار قلت حختار ولادى ولو حربيهم فى نار... النهردة دول حياتى مش حسيبهم مهما صار

اللى قالك ليه تضحى واللى قالك ده انتحار واللى قالت بكرا تيجى دنتقى سوء الاختيار


الولاد دووول كانوو احنا انا واخواتى الكبار ..قدرت اتعدى بينا وتربينا وده انتصار


وجاى اقولك ببتسامة جوا قلبى شكرا يا ماما

.......


دعوة حلوة منك واديكى فى السما يسمع ربى منك وينورلى الايام



كان فيه اوقات كتير الضرووف كانت واقفة ضدك كنتى بتخبى علينا وتدخلى تبكى لوحدك


وما يدخل حد فينا بتضحكى وبتدارى دمعك بس كنت ببقا عارف مرة بالصدفة سمعتك


وقتها انا رحت حالف باللى خلقك وبغلاوتك انو ما حتغفل عيونى الا لو فرحت قلبك


ويجى اليوم اللى تكونى فيه فخورة انو انا ابنك لما بشوفك وانتى قاعدة بفضل اراقبك من سكات


وألقى نفسى بقول لنفسى بحبك فيكى كتير حجات لما بتحكى يوم ولدتى يوم ما اختينى باديكى


رحتى حضنانى بمحبة كل تعبك راح عليكى قمتى بصالى بعنيا قلتى يومها سألتى نفسك انتا ايه

وحتبقا مين يارب طهرلى قلبك كنت بهرب من اديكى وياما بتدلع عليكى ولما احس بخوف وغربة بجرى وبستخبا فيكى


ولو فيوم حسيت تعب جوا حضنك تحتوينى وبصوت حنون ودافى تلقى ربنا يشفينى ولما بنكسر او افشل والامل يبقا فانى


بتقوليلى قوم وكمل قوم وحاول مرة تانى طول ما فيك روح يا ابنى قوم وحقق الامانى


ثق فى ربك ثق فى نفسك قوم عشانك قوم عشانى بسببك انتى بقيت بقدر طبعا انتى ست ايمة لانى طول انا بكبر شايفك انتى الزاى عظيمة

دنا مهما مهما كبرت حاجى اوطى على رجلك وابوسها


دنتى امى وانتى عمرى وكل حاجة حاسسها


من كل قلبى شكرا يا ماما ......


دعوة حلوة واديكى فى السما يسمع ربى منك وينورلى الايام .....


***********

المصدر: †† ارثوذكس †† - من قسم: القسم الادبي

[كيرو رافت]

ميرسى يا اغلى واعظم فادى فى الوجود
حتى فى اختياراتك للموضوعات المنقوله بتختااااااار كلمات
لا يوجد لها مثيل واحاسيس رائعه

بجد يا فادى الكلمات دى من اروع واجمل ما قرأت عن الام وافضالها وتعبها وحبها وحنانها

ربنا يخليك يا ابو الفدا يا غالى وتعيش وتكتب وتنور القسم دايما باعمالك
حتى وان كان منها المنقول اللى بتختاره بعنايه فائقه

[نبيل نصيف جرجس]

مهما كتبنا مش هنوفى حقها مرسى يا احلى فادى فى الدنيا على الكلمات الحلوة دى ربنا يباركك

[ميلاد صدقى]

الام يا فادى هى الاصل والاساس
هى منبع الحب وصوامع الاحساس
وكلمة ماما اكيد اغلى من الدهب والماس
ميرسى يا ماجيك على اختيارك ومحبتك
وشكرا لك على هذة الكلمات والنسمات
وربنا يباركك ويكون معاك دايما

[الناى الحزين]

موضوع وكلمات فوق الروعه بجد
شكرا يا فادى
ربنا يفرح قلبك
بجد عندك حسن اختيار لمواضيعك