الحقيقه انا قلت انوع موضوع غم "" او حقيقه بس مؤسفه "" و موضوع ظريف علشان الناس متزهقش مني
طبعاً موضوعي القديم " من القلب ..1 " كان واقعي بس حزين و كان من تاليفي و بأذن الله هستمر في النوع ده و ياا رب يعجبكوا .
اما الموضوع ده فهو منقول انا بس عملت عليه تعديلات في الاسلوب و اللغه لكن اساس الموضوع حقيقه و الأجابات حقيقه من غير أي تعديل غير فرق اللغة بس زي ما قلت ....
----------------------------------------------
المعروف ان الدول العربيه مستوي التعليم فيها اقل بكثييير من مصر و دي اكيد مش قاعده عامه علشان محدش يزعل و لكن يمكن علشان كده الجامعات المصريه هي الافضل و فيها نسبه ضخمه من العرب . " احنا عارفيين اللي فيها ههههههه "
الموضوع ده هو عباره عن اجابات طلبه من السعوديه في احد الامتحانات تعالوا نشوفها و نحكم و بكرر دي حقيييييييييييييقه --------------------
(1) سؤال :: لماذا تشرق الشمس بالرياض قبل مكه ؟
الأجابه :: علشان الرياض هي العاصمه
ممكن برضوا ولا ايه ؟؟
---
(2) سؤال :: عرف البراكين ؟
الأجابه :: هي زي الزلازل بس زياده عنها انها فيها نار سائله و للتاكيد انظر صورة الكتاب في صفحة 104
مشاء الله حافظ الكتاب
---
(3) سؤال :: في امتحان اللفة النجليزيه و ضعت صورة طماطم و تحتها اسمها بالأنجليزيه Tomatoes ثم وضعت صوره تفاحه و طلب الاسم بالجليزيه ؟
الأجابه :: Tofahtoes
ههههه ممتازووووس
---
(4) سؤال :: في العلوم ما هي الجاذبيه الارضيه ؟
الأجابه :: ان الواحد ميعرفش ينط لفوق عالي قوي
بصراحه الواد مقننننننننننننع
---
(5) سؤال :: في الأدب خطبة البتراء من قائلها و ما السبب ؟
الأجابه :: قالتها البتراء ,, و سبب التسميه انها بترت يديها و قدميها قبل الخطبه
ههههههه بصراحه انا معرفش الاجابه بس ليه لأ !!!!
---
(6) سؤال :: في اللغة الأنجليزيه كان يطلب التعبير عن عادات الاكل في السعوديه ؟
الأجابه :: The Eating Customs In Saudi Arabia Is Very Good
The Eating Customs In Saudi Arabia Is Very Very Good
The Eating Customs In Saudi Arabia Is Very And Very Very Good
من اروع الاجابااااااااااات
---
(7) سؤال :: ما هو تعريف القتل بالعمد ؟ و القتل الخطأ ؟
الأجابه :: قتل العمد "" انا الحقيقه مينفعش اكتبها بس اكيد في ناس فهمت هههه !!! ""
أما القتل الخطأ انك تقصد تقتل واحد لكن تقتل واحد تاني
تماااااااااام
---
(8) سؤال :: من النحو , أعرب " يا تركي اجتهد " ؟
الأجابه :: يا --> حرف نداء
تر --> اسم و هو مضاف
كي --> مضاف اليه مستعار من الحرف الانجليزي K , و هو اعجمياً ممنوع من الصرف
أجتهد --> خبر بمعني أبذل قصاري جهدك
---
(9) سؤال اخير حبيت اختتم بيه الأسئله :: اكتب عن حبك لوطنك ؟
الأجابه :: الحقيقه هو كتب موضوع كويس و اقتبس بيت شعر من احد الشعراء قائلاً
" وطني الحبيب و هل احب سواه
يا عيني عليك يا وطني "
ههههههههههه No Comment
-----------------
ايه رايكوا ؟؟ طبعاً دي مش صوره عامه للسعوديه علشان محدش يزعل لكن دي فعلاً اجابات حقيقيه و مهازل بتحصل و حتي هنا في مصر ههههه
مستني الردود خدوا كده نفسكوا و بطلوا ضحك و ردوا هههههههههه ..
منقول