[viviannee]

المصري هو اللّي

· بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ
· والسياسة والكورة وهو أبيض ياورد
· بيحط الريموت كونترول في كيس بلاستيك كعادة فرعونية
· يقف يتكلم على الباب نص ساعة بعد إنتهاء الزيارة والسلام
· لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد
· ييجي بعد معاده بساعتين ويفتكر إن ده عادي
· لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه
· بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال
· بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش
· عنده صينية مكسرات متقسمة لتلات او أربع أقسام لزوم المزاج وعمره ماإستخدمها
· ممكن يعدي التلاتين ولسه عايش مع أمه وأبوه وماعندهومش مشكلة
· بيكون عنده شواية لزوم الرحلات أقصى استخدام لها كان مرة واحدة في العيد
· بيشيل طابع البريد من على الظرف لو الختم ماكانش عليه
· بيفتكر إن أي حد بيشتغل في الخليج بيغرف فلوس من غير حساب
· بيكون مشغول بقيمة التيبس أو البقشيش طول العشا ياترى ربع جنيه ولا نص جنيه
· برده بيتخانق ساعة دفع الحساب بحرارة شديدة على إنه هو اللي لازم يدفع
· بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا
· والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية

منقووووول

المصدر: †† ارثوذكس †† - من قسم: الضحك والفرفشة

[menovich]

بجد هو دة المصرى ههههههههههههههههه

تسلم ايدك

[menalouka]

ههههههههههههههههههههههههه ههههه
المصرى يكسب طبعاً

[viviannee]

المشاركة الأصلية كتبت بواسطة menovich بجد هو دة المصرى ههههههههههههههههه تسلم ايدك

ميرسى لمشاركتك الجميلة

[viviannee]

[QUOTE=menalouka;574501]

ههههههههههههههههههههههههه ههههه


المصرى يكسب طبعاً
ميرسى يامينا
ههههههههه
فعلا المصرى علطول كسبان

[iyiy]

هو دة بظبط
ههههههههههه بس موضوع حلو

[jakleen]

المصريين اهما ههههههههههههههههه... ... صدقني مفيش زي المصريين أصلا... ههههههههههه الحمدللة يعني

[viviannee]

المشاركة الأصلية كتبت بواسطة iyiy هو دة بظبط ههههههههههه بس موضوع حلو

ميرسى لمرورك الجميل يا قمر

[viviannee]

المشاركة الأصلية كتبت بواسطة jakleen المصريين اهما ههههههههههههههههه... ... صدقني مفيش زي المصريين أصلا... ههههههههههه الحمدللة يعني

ميرسى لمرورك الجميل يا جاكى

[لؤلؤة الصعيد]

ههههههههههههههه
تسلم ايديك
الموضوع حلو قوى