[zaza2006]

"من الذى يقول فيكون والرب لم يأمر "

نحمدو بنت 24 سنة جميلة جدا خادمة وطول عمرها فى الكنيسة عمرها ما كان لها اى علاقات مع اى شاب المهم كان فى شاب خادم اتقدم يخطبها هو كيرلس خادم وشماس فرحت جدا نحمدو ان ربنا اعطها واحد من اولاده هو انسان كويس جدا ونحمدو هى كمان الف مين يتمنها


مع الاسف الشديد موضوع الخطوبة ما كملش اصل ربنا كان ليه رأى تانى والموضوع ما كملش وكل واحد راح لحاله لكن نحمدوا كان قلبها متعلق جدا بكيرلس وكانت بتصلى بدموع نحمدوا : يا رب انا عوزة كيرلس....... انا قلبى متعلق بيه انا بحبه يا رب .....!الخير كله من عندك وهو ابنك ومن عندك.......ايه اردتك الصالحة ؟؟؟؟

راحت لأب الاعتراف نحمدو : انا تعبانة....... يا ابونا كيرلس انسان كويس وممتاز وابن ربنا حقيقى..... بس انا عاوزة اعرف ليه ربنا سمح بالموضوع ده؟؟؟ ابونا : يا بنتى احنا ما نقولش لربنا ليه ونحتج ونزعل احنا نقوله نشكرك يا رب نحمدو : يا ابونا انا عارف كويس الكلام ده بس انا انسان وعاوزة اجابة ...... ليه كده يا رب؟؟


ابونا : اسمعى يا بنتى عاوزة ربنا يرسم حياتك ??? نحمدو : اكيدابونا : بلاش تمسكى ايده ابونا : لوعاوزة ربنا يرسم حياتك ما تمسكيش ايده ربنا بيرتب دايما لصالحك ولخيرك تمر سنة وجيه شاب تانى اتقدم وربنا وفق وتم الموضع على خير ونحمدو اتجوزت الشخص التانى لكن نحمدو كانت دايما تسال ربنا ايه حكمتك يا رب عرفنى ايه حكمتك مدام انت يارب كنت عاوزلى حد تانى؟ كان دايما تسال رغم انها بتحب جوزها لكن عاوزة تعرف ايه السبب؟؟؟؟


وبعد خمس سنين من الجواز ونحمدوا بتسال ربنا ليه يا رب ؟؟؟ وايه حكمتك و و و و و و دخلت مرة الكنيسة وكان بعد الظهر وكانت الكنيسة زحمة جدا نحمدو : ايه فى ايه الكنيسة زحمة ليه؟؟؟؟ لا مش ممكن ايه ده امتى مستحيل ليه يا رب كانت الكنيسة زحمة ودموع الناس نازلة كانت جنازة كيرلس ... اللى كان متقدم لنحمدو


ياااااااااااااه يا رب حكمتك لمح ابونا نحمدواابونا : ها يا بنتى لسه بتسالى ربنا ؟؟؟؟؟؟ربنا ما حبش انك تكونى ارملة جريت نحمدوا وركعت قدام المذبح تطلب من ربنا يسمحها على كلمة.... ليه؟؟؟


يارب علمنى ان اسالك فى كل موضوع ... علمنى اشكرك على كل عطياك علمنى ان ارى بقلبى ما لم تراه عينى علمنى انى اصدق وعودك و انك بتحبنى وعارف مصلحتى بشكرك يا رب لانك شغال 24 ساعة ارسم انت حياتى وانا مش همسك يدك تانى

المصدر: †† ارثوذكس †† - من قسم: القصص النصية

[nemnema2010]

الله يانهى بجد قصه حلوة جدا جدا فعلا كلنا لما بيحصل حاجه بنعاتب ربنا وبنزعل واحنا مش بنعرف ان ربنا عمل دا ليه بيكون للاصلح واحنا مش بنؤمن بكدا لا بنزعل ونقول ليه ميرسى ليكى ربنا يعوضك

[finyara]

احنا على طول برضوا بنعمل زى نحمدو لكن فعلا لو عاوزين ربنا يرسم لنا حياتنا بلاش نمسك ايده ومرسى ليكى يا نهى على القصة الجميلة ديه وربنا معاكى

[حيران]

ياما خطوبات كتير بتفشل لاتفه سبب ربنا معاها ويرزقها بابن الحلال التانى لكن الاولانى ده على جثتى ههههههه طبعا كله بازن ربنا لو ربنا اعطانا العمر اكيد حنشوف تجارب كتير مش خطوبات وبس وصوها تطول بالها عازرها عشان اول تجربه بس انا واثق انها حتتعلم منها كتير

[bassem8800370]

امسك يارب ايدى زى بطرس زمان لما قريب يغرق
سيب ربنا هو اللى يرسم مستقبللك مش الانسان ولا انت
شكرا ليك

[zaza2006]

شكرا لردودكم

[ميرولاا]

يارب علمنى ان اسالك فى كل موضوع ... علمنى اشكرك على كل عطياك علمنى ان ارى بقلبى ما لم تراه عينى علمنى انى اصدق وعودك و انك بتحبنى وعارف مصلحتى بشكرك يا رب لانك شغال 24 ساعة ارسم انت حياتى

امين
جميله اوى يانهى

[zaza2006]

شكرا ميرولا لردك

[twaty]

يارب علمنى ان اسالك فى كل موضوع ... علمنى اشكرك على كل عطياك علمنى ان ارى بقلبى ما لم تراه عينى علمنى انى اصدق وعودك و انك بتحبنى وعارف مصلحتى بشكرك يا رب لانك شغال 24 ساعة ارسم انت حياتى وانا مش همسك يدك تانى

اللة يانهى بجد قصة فى منتهى الروعة
تسلم ايدك ياقمر