[kamel]

من مدة قليلة قام الجيش بأحاطة مدافنى بأسيوط بأسلاك شائكة
وتأكدت من الخبر .. لماذا ؟؟؟ أذا اردت أن تسمع الخبر فأستمع الى
نشرة الأخبار القبطية

رسالة من الأموات الى الأحياء
-------------
للفدا واقف تملى
همتك فى كل جندى
حما ليا ورمزا لبلدى
وانا نايم فى سكونى
أحسستُ صدى أصواتُ جايا عليا
قلت حبيب جاى يزورنى
ولا غالى أتتهة المنيا!!!
لقيتك ياجيشى يا غالى عليا
واقف حواليا
وبتضرب اللبوق.. وكبيرك يتلقى تحية
وجنودك نصبوا.. أسوارهم حواليا
قلى.. غيرت وظيفتك لية؟؟؟
من حما للأحيائى
وبقيت تحرس أمواتى!!!!!!
وتركت حدودى لمن يهوا
وجئتُ إليا بتستقوا
فإليك ندائى
_____________

ياأيها الجيش المرابض حولنا
ياأيها الجيش الذى..
لسنا نصدق أنة منا
بحق قل لنا
من أى صوب أتيتنا ؟؟؟
فأين إلتزامك بالشرعية والتقوى
وبعد أن كنتُ تحرس حدود بلادى
أصبحتُ اليوم حرس على قبرى
ولا.. أنت بقيت خالى ؟
وأن أجبتُ بالنفى
طب مالك.. ومالى ؟
أنا نايم منك مخنوق
وبدعيلك الرب يسامحك
ويفك قيودى وحصارى منك
أسمع همساتى
هتقلك
أجئتُ تواسينى وحالك يطلب ُالدمعات
أم تركتُ حدودك وجئتُ تزرف البكائى
ياأكذوبة فى شكل أنسان
مدفنى لا.. لا.. تقترب منة؟؟؟
________
أنا لاعندى موشى ديان ولاجولدا مائتر
ولا متفجرات ... ولا مسامير
جاى عليا يامسكين.. عامل غفير؟؟
أنا لا بهاتى ولا.. بقول هات هات
أنا نايم فى سكات !!!!
مين كتفك ؟ مين لجمك ؟
مين سقاك كاس المرار
ياحلم أنهزم.. قبل الأوان
ولا القدر.. ولا الزمان
سرق الأمل من دنيتك ؟؟
كان اللى كان
وبقيت تحرس مدفنى
فضل السؤال.. وجوابة حير مهجتك
رغم السؤال ؟؟
على قبرى ماسك سلاح
أخاف أنك تصير فى يوم سفاح
حدد معالم وجهتك
وأرحل بعيد
مابقتش فعلا قادر أفهمك
وحصدت أأأية غير المرار
كان القرار هو.. هو.. الفرار
أفهم كلامى
مش قادر أتحمل غلطتك
ولا حتى قوة نزوتك
مش قادر أتحملك.. فى سكتتك
فى النهاية الموت ع الجميع مكتوب
والكفن مالة جيوب
فى عهدكم شفنا ياناس أزمات
ماسمعنا عنها حتى فى الخرافات
-------------
ولا أقلك
تعالى جنبى ونام
ريحنى وأرتاح
------------------
أبو مجدى................... kamel

المصدر: †† ارثوذكس †† - من قسم: القسم الادبي

[عماد حسنى]

حلو جدا يا استاذ كامل
ربنا يباركك
ونشوف المزيد لحضرتك

[kamel]

المشاركة الأصلية كتبت بواسطة عماد حسنى حلو جدا يا استاذ كامل ربنا يباركك ونشوف المزيد لحضرتك

الرب يباركك ويديك نعمة
وكل سنة وانت طيب

[mask of zoro]

الرب يباركك ويديك نعمة
وكل سنة وانت طيب
ربنا يبارك حياتك

[minabobos]

حلوة اوى اوى يا استاذى الغالى ع الكلمات الجميل دىى
بس الخبر ده صحيح ولا لا

وربنا يفرح قلبك

[bolalover]

مش عارف ارد اقول ايه بصراحة
بجد شكرااا ليك كتير

[kamel]

المشاركة الأصلية كتبت بواسطة mask of zoro الرب يباركك ويديك نعمة وكل سنة وانت طيب ربنا يبارك حياتك

الرب يباركك ويخليك
وكل سنة وانت طيب

[kamel]

المشاركة الأصلية كتبت بواسطة minabobos حلوة اوى اوى يا استاذى الغالى ع الكلمات الجميل دىى بس الخبر ده صحيح ولا لا وربنا يفرح قلبك

الرب يباركك ياغالى
وان دخلت موقع نشرة الأخبار القبطية
تسمع كتير وكتير
الرب معنا ولنا
موجود
مهما يكون مهما يكون

[kamel]

المشاركة الأصلية كتبت بواسطة bolalover مش عارف ارد اقول ايه بصراحة بجد شكرااا ليك كتير

الرب يباركك يابولا
أدعى لأمواتى الرب يفك حصرتهم
ويدوم نومهم بسلام
والرب موجود
مهما يكون مهما يكون
-----------
الغيور على جميع
أخوتة

[MICKEY]

انا مش لاقي كلام اقوله
مش عارف اقول ايه
اتمني ان تمتعنا باستمرار
وربنا يباركك ويحفظك