[kamel]

كل عام وجميع حضراتكم بخير
وسلام المسيح مع الجميع
-------------------------
رسالة فرخة للأنسان
----
الزمن دار عليا
وبقيت على كل لسان فى البشرية
طب أستحملنى أشوية
لما تعدى الأزمات
أأأأأأأأأأأأية أعمل أنا ياأنسان؟؟
ماأنت كنت فرحان بيا
لما تلاقى بيضة تحتيا
وكنت تدعى ليا
يارب يخليكى ليا
فاكر لما كنت تشد ريشى
تعمل بيها منشة هيشى
تهش بيها الدبان
طب أستحملنى أشوية
ياأنسان؟
منتاش فاكر جوزى الديك
لما كان يصيح.. ويصحيك
ويقلك
كووووووكو.. كوكو
أصحى ياحبيبى الله يخليك
الأتوبيس مش هاااااااااايستنيك
وعلى شغلك يوديك
ع الباب أثبت حضورك
بدل كلالالالالالالالام رئيسك
وتقطيعة فيك
أأأأأأأأأأاااية أعمل أنا !!!
ياأنسان؟؟
ماأنتاش فاكر كتاكيتى الصغننين!
كنت تشفهم .. يسروا عنيك
وزقزقتهم تبان عليك
وكنت بيهم فرحان مسرور
وهم مليين عليك البيت
طب أستحملنى أشوية
ياأنسان؟؟؟
----
طب أسال عنى ياأنسان؟
ست البيت والدار كمان
أيديهم للسما رافعين
منى بيضة فطار ليك
ولا.. من أخواتى واخدين
فرخة ثمينة عشا ليك
ومن كتر حبك فى قلبى !!
كنت أديك بيضة بالدمى
أصل مراتك مستعجلة منى
طب أستحملنى أشوية
ياأنسان؟؟؟؟
----
هو أنا بس المعدية
ماتبصوا.. ع الحيوان!!!
اللى عندة جنان
واللى كان.. وكان
ولا يعنى عشان أنا فرخة
وديكى بعافية أشوية
وأبنى لسة كتكوت
تستقوا القلب عليا
ياأنسان؟؟؟؟
---------
أنا قلت أعمل أية ياديك؟
أصل أنت جوزى والشورة ليك
قلى تعال نستخبى أشوية
سنة جديدة جااااااااية عليا
يمكن واحد من الأنسانية
يخترع دواااا ليا وليكى
لقيتك ياانسان؟
بالسكاكين.. جاى عليا
والشعراء.. والكتاب !!
بالأقلام يضربوا فيا
واللى برجلة يضربنى بالشلوت
ويزقونى ف الخرابات
أأأأأية أعمل أنا..
ياأنسان؟؟
----
طب خد بالك لما هانشفا
وتعدى.. ديا الأزااااااامات
أن كنت أتشوف بيضة منى
يقى خيالك.. واسع
وااااااااااااااااااسع
ياأنسان؟؟
حتى اللحمة ماتلاقى فيا
أصل أنا لسة معدية
من الأزااااامات
وحياة عرفى
وشوشة ديكى
أن كنت ماخد حقى
متلت م الستات
بس أستنى.. أستنى عليا
لما تعدى الأزااااااامات
---
واللى مصبرنى فيكى يادنيا
لسة فية ناس حنينين عليا
ربنا يا.(بيتر) يخليك
ياللى شبهتنى بمسيحك
فى مقالك قصص نصية
صفحة 4 ياعنيا
روح الله يخليك
ويحرسك
ليا
--
وها أزمة وتعدى... زى كل الأزمات
أبو مجدى....kamel
------
,وأستعدى.... يابشرية

المصدر: †† ارثوذكس †† - من قسم: القسم الادبي

[عماد حسنى]

حلوه بجد يا
استاذ كامل
اشكرك جدا على كلماتك الجميله دى
ربنا يكون معاك ومع كل اولاده

[MICKEY]

بجد كلام رائع ياابو مجدي
وربنا يخليلك مجدي

وكمان توني كتب عن الفراخ في القسم الادبي

الفراخ لقت اللي ياخدلها حقهاااااااااا



كلامك جميل جدا جدا
واحساسه عالي

اقبل مني مشاركتي الحقيرة في موضووووعك العظيم

[Team Work®]

مش عارف بتجيبوا الكلام دة منين بجد حلوة قوى

[bolalover]

ههههههه بجد حلوة اوووووووي مش عارف اقول ايه

[kamel]

[quote=عماد حسنى;73682]

حلوه بجد يا

استاذ كامل
اشكرك جدا على كلماتك الجميله دى

ربنا يكون معاك ومع كل اولاده
الرب يباركك ياغالى
أسعدنى مرورك
ويكون معك سلام يسوع

[tony_algamid]

وعلى الرغم من ذلك
برده هندبح الفراخ وناكل بيضها أأأأأأأأأأأأأأأأأ
داحنا ماصدقنا فطرنا ياعم الحاج
كمان هتحرمونا من أكل الفراخ وبيضها
هههههههه
طبعا الموضوع جميل ياأبو مجدى
وكل سنة والجميع بخير ...

[kamel]

[quote=MICKEY;73734]بجد كلام رائع ياابو مجدي
وربنا يخليلك مجدي

وكمان توني كتب عن الفراخ في القسم الادبي

الفراخ لقت اللي ياخدلها حقهاااااااااا



كلامك جميل جدا جدا
واحساسه عالي

]الرب يباركك ياغالى
على الرد الجميل
ومعلش لحزف جزء من الرد
------
وانت عارف الفرخة زعلانة من تونى
شفت سعادة البية
اللى تونى كتب علية
لما أكل الفرخة
حصل لية
أية
هههههه

[kamel]

المشاركة الأصلية كتبت بواسطة Team Work® مش عارف بتجيبوا الكلام دة منين بجد حلوة قوى

هقلك ياغالى
تأمل الفرخة والست داخلة عليا
بالسكين
بجد منظر مرعب
ولا عند بتاع الفراخ وهوة بيمد أيدة عشان
يطلع فرخة من القفص
وياعينى تلاقى الفراخ كلها بتجرى
شمال ويمين
صحيح كلهم مكتوب عليم الأعدام ذبحا
بس حلاوة روح
هههههههههههههه

[kamel]

المشاركة الأصلية كتبت بواسطة bolalover ههههههه بجد حلوة اوووووووي مش عارف اقول ايه

أقلك تعمل أأأأأأأأأأأية
أنضم للمحاماة
وهتلاقى كلام كتير تواسى بية
الفرخة من ظلم البشرية
ههههههههههههه
أسعدنى مرورك