انا هحكيلكم حكاية غريبة اوى وانا متعمدة احطها ف القسم دا لان احنا الايام دى عاوزين حاجة تطمنا وتعزينا وتعرفنا ان بابا يسوع دايما معانا ومش ممكن ينسانا ابدا بجد
الحكاية دى حصلت مع ماما من كام يوم كدة
ف يوم ماما كانت تعبانة جدا من الشغل وغير ضغوط الحياة الى مش بتخلص مانتو عارفين
المهم ماما قبل ما تنام اليوم دا دخلت صلت بجد من قلبها ومتأكدة ان ربى يسوع هو المعين وهو الى هيقويها وهيشيل عنها اى ضغوط
تانى يوم راحت الشغل عادى جدا زى كل يوم وماما شغلها كله ف الدفاتر الكبيرة اوى دى الى متجلدة بورق الناشف دا اكيد كلنا عارفينه
ف مسكت دفتر من الدفاتر دى علشان تشتغل فيه زى كل يوم برضه
المهم بعد ما خلصت بتقفل الدفتر واليها المفاجاة الجميلة جداااااااااااااااااا
لاقيت رسالة مكتوب ع الدفتر
ملحوظة الدفتر لونه اسود واللون الخط الى مكتوب بيه الرسالة برضه اسود مع ذالك واضح جداااااا جداا فيه نور
لاقيت مكتوب كدة
رسالة من قلب يســـــــــوع
وطبعا بعديه كلام بجد مش قادرة اوصف جماله وقد ايه هو معزى جدااا جداااا جدااااا
وف الاخر مكتوب
المراسل
من احبك حتـــــــى الموت
***
طبعا كله الى هيقرا الحكاية دى مش هيصدقنى وانتو ممكن يكون عندكم حق لان انا ماكنتش مصدقة غير لما شوفت بعينا وكمان ماكنتش مصدقة ان قد ايه ربنا حنين اوى كدة
وع فكرة فى ناس ممكن تقول ممكن من المطبعة او حاجة
المطبعة لما عملت الدفاتر عملتهم كلهم واكيد مش عند حد مسيحى ( صاحب المطبعة ) وهو اظن لو لاقى حاجة زى كدة عنده اكيد مش هيحطها جنب شغله واكيد هيرميها علشان مش حاسس بالكلام الى فيها ولا يعرف قيمته
انا حبيت اكتب الحكاية دى وعارفة انى طولت عليكم اوى بس بجد الحكاية دى بتخلينا نطمن اوى اوى ان ربنا دايما معانا وحاسس بينا اووووى وبكل كلمة نقولهالو وهو بيكون فرحان بيها لما يحس انك بتصليلو من قلبك
وواثق تمام انه ممكن يخفف عنك ويطمنك
ربنا يكون معاكم ويفرح قلوبكم جميعا
وسامحونى مرة تانية ع الاطالة
اختكم الخاطية كاتى