[solofanty]

مجانا أخذتم ... مجانا أعطوا

باختصار

My name : Peter Magdy ... My age : 15 Years

و بقالى حوالى سنتين بتعلم فى مجال التصميمات و الفوتوشوب

و انا جاى النهارده و بكتب الموضوع دا علشان
أى حد مش بيعرف يصمم أو حتى بيعرف

و عاوزنى أصممله صوره أو توقيع . أنا تحت أمره

المطلوب :

1 - لو مطلوب كلام ع الصوره ( تكتبهولى فى الرد ) .

2 - لو اسم ع الصوره ( تكتبلى الاسم اللى عاوزه ع الصوره ) .

3 - لو عاوز الصوره لقديس معين ( شفيعك مثلا ) .

4 - تقوللى لونك المفضل علشان أحاول أحطهولك فى الصوره .

5 - لو عاوز الصوره تدل على الحزن أو الفرح تقوللى .

بس هو دا المطلوب

و انا هبذل كل جهدى فى ان انا أخلى التصميم فى أحسن صوره

و دا الوقت اللى أقدر أقدم فيه حاجه للمنتدى اللى أخدت منه كتير

و كمان علشان تطمئنوا ... دى أحلى تصميمات عملتها :

Design 1 By : Peter Magdy

Design 2 By : Peter Magdy

Design 3 By : Peter Magdy

Design 4 By : Peter Magdy

و دى أخر صوره صممتها لسه قريب

Design 5 By : Peter Magdy

طبعا الصور دى مكتوب عليها اسمى

لكن صوركم مش هيبقى مكتوب عليها اسمى

يا رب أكون بعرف أصمم كويس و تكون الصور عجبتكم

و يا رب أكون بعمل حاجه تسعدكم

مستنى ردودكم و طلبات تصميماتكم

أذكرونى فى صلواتكم

المصدر: †† ارثوذكس †† - من قسم: تصميمات الأعضاء

[القطة كيتي]

ربنا يعودك ويباركك ميرثي اوى اوى

[كارا س]

موضوع جامد جداااااااا
ربنا يعوضك ويبارركك
وانا لى طلب انا عايز تصميم لابونا بيشوى كامل اللوان يريت تكون غامقة زى الاسود او الرمادى
وطلب تانى لو سمحت تصميم للعدرا التجلى بالوان غامقة

[solofanty]

ميرسى كتير ( القطه كيتى ) على مرورك و ردك
و ( كار ا س ) سيتم تنفيذ طلبك خلال 24 ساعه ان شاء الله

[كارا س]

ربنا يعوضك ويبارركك
شكرا جداااااااااااااا

[hana montana 2010]

الله عليك يابيتر
تصاميم روعه

[solofanty]

ميرسى كتير ( hana montana 2010 ) على مرورك و ردك

و ( كار ا س ) دى التصميمات اللى طلبتها

تصميم أبونا بيشوى كامل



تصميم العذراء مريم

1



2



يا رب تكون التصميمات عجبتك
معلش هما مش حلوين قوى
علشان أبونا بيشوى كامل معظم صوره اللى لاقيتها أبيض و أسود
و العذراء مريم فى التجلى ملهاش غير منظر واحد

لو ليك نقد أو تعليق ممكن تقولهولى أو لو عاوز تعدل أى حاجه

أذكرونى فى صواتكم

[jakleen]

ال مش حلوين قوي ال... بيتر إنت شغلك جميل جميل جميل... لا كده مش كفاية... بجد رائع... إيه الحاجات الحلوة ده كلها.... أنا كده مش هأقدر أقعد ساكتة... بس ابقى افتكر إنت اللي جبته لنفسك....ههههههه

بص بقى يا بيتر أنا عايزة واحدة للقديسة دميانا وياريت تكون الصورة الاصلية ليها .. اللي هي مثلا زي ده

مش شرت ديه بس أي صورة اصلية.. وهسيب الألوان ليك والباقي تعمله على ذوقك ... وعلى فكرة الصورة بتاعتي عايزك تكتب اسمك عليها علشان ده مجهودك إنت
وأنا الاسم مش هيفرق معايا كتير المهم الصورة.... ههههههه

خلص ده وهسأل حاجات تانية.... شوية وشوية وهخليك تعلمني الفوتوشوب كله.... ههههههه مرسي بجد خدمة جميلة... ربنا يعوضك

[كارا س]

الصور جميلة جدااااااااااااااااااااا
بصراحة انا مش عارف اشكرك ازاى على مجهودك
ربنا يباركك ويعوضك

[solofanty]

ميرسى كتير ( Jaleen ) على مرورك و ردكـ ... و انشاء الله أعملهولك النهارده أو بكره بالكتير بس انشاء الله النهارده بالليل

و كمان ( كار ا س ) أنا مش بعمل الحاجات دى علشان مستنى شكر من حد ولا كمان علشان أكتب اسمى على الصوره بس أنا بعمل كده علشان أنا بحب مجال التصميم و الفوتوشوب و ببقى فرحان لما أعمل حاجه زى دى حتى لو من غير مقابل و كمان بفرح لما أشوف حد سعيد بسببى و كل دا فى الأخر لمصلحتى ... ههههههههههههههههه ... علشان ببقى سعيد و أنا بعمل حاجه زى دى

يللا مستنى باقى طلبات التصميمات ... و ميرسى كتير ع الفرصه اللى اديتوهانى دى

أذكرونى فى صلواتكم