انت مع او ضد
(الموضوعات الشبابية)
الثقة بالنفس لدرجة الكبرياء
ضد-الثقه بالنفس درجات مفيش مانع من اكتساب الثقه لكن متوصلش لدرجه ديه
التدخين للشباب علامة رجولة وللبنت تحضر ورقي
ضد-التدخيل عموما مضر وليه اضراره وبالنسبه للرجوله والتحضر فى مقاييس ليهم كتير مش هتتقاس بالتدخين يعنى
الانترنت سلبيات اكتر من ايجابيات للمراهقين والشباب
ضد-الانترنت للمراهقين والشباب لو استخدموه صح بمعنى انهم يستفيدوا منه بقدر يفيد مرحلتهم وليس بطريقه تضر وده بيرجع لشخصيه الشباب
الاختلاط واقع ومتطلب عصري وعلامة رقي للمجتمعات
مع-الاختلاط بيساعد على التجاوب والاستمرار بين الافراد
وبيكسر حاجز العزله ولكن لحدود لان له اضرار
تأخر الشباب والفتيات برا البيت لأي سبب كان
ضد-التأخير فى حد ذاته مش محبب للولد وللبنت
في اسباب لكن لحدود وبيكون له مبررات
لازم يكون فى اعتبارنا اننا فى مجتمع لازم نراعى ده
هتقول كلام الناس ميهمش
هقول "فليُضئ نوركم هكذا للناس، ليروا أعمالكم الصالحة، فيمجدوا أباكم الذي في السماوات" (متى 5، 16)
لازم نعرف اننا صوره المسيح على الارض
ما بشتغل الا بمجال عملي وتخصصي لو بصير على العكاز
ضد-العمل جميل فى اساسه
قال الرب لآدم " بعرق وجهك تأكل خبزك "
بس مش شرط يكون فى نفس المجال
لكن الاجمل انك تتميز وتبدع فى عملك ده اللى يميزك
أنت مع او ضد
(حقوق المرأة)
المرأة مكانها الطبيعي البيت وتربية الأولاد
ضد-المرآه تعمل وتثبت وجودها وتحقق ذاتها وطموحها
بجانب مراعتها لبيتها وشريك حياتها وتربيه اولادها
مش كله بيقدر يجمع بين الاثنين
هى اللى بتحدد
المرأة شريك موازي للرجل
مع-كل منهم يكملوا بعض لانهم اصبحو شخص واحد فى المسيح
عمل المرأة لإيفاء بمتطلبات البيت والحياة الأسريةوالرجل عاطل عن العمل
ضد-العكس صحيح
الرجل هو المطالب بأسيفاء متطلبات البيت لانه رب البيت ومسؤل عنه وعن زوجته
الرجل رأس المرأه-أنت المسؤل عنها بعد والديها
{ لازم يكملوا بعض}
الرجل يأخذ دور المرأة في المنزل
ضد-هو يساعد معها فى المنزل ده مش غلط
وده بيرجع لمدى علمهم بطبيعه الحياه الزوجيه وهى التعاون المتبادل بين الطرفين
ولكن يأخذ دورها ده غير صحيح بالمره
يحق للرجل السلطة المطلقة على المرأة مهما علا شأنها
ضد-مفيش سلطه ولكن مسؤوليه
واللى بيحكم النقطه ديه مدى المحبه والاحترام والتجاوب بينهم
ممكن يكون مديرك والمسؤول عنك في العمل امرأة
مع-المرأه الان اصبحت تشغل مراكز كبيره ومرموقه فى مجتمعنا هذا
وهى بتوصل لذلك بمدى تميزها وجدارتها وتألقها فى عملها فبتكون ليها الافضليه عن غيرها- فليه لآ
التمسك بالرأي من شيم الرجولة واثبات للذات بغض النظر عن صحته على اعتبار الرجل يربط بكلامه
ضد-للاسف البعض بيفتكر كده لكن الصح هو التشاور واخذ الرأى للوصول الى الحل السليم والاصح وممكن يكون رأيها صح ونأخذ بيه علشان نوصل بمركبنا {بتنا} الى بر الامان
وزى ما قلت ان الرجوله بتتقاس بموازين تانيه ليس لنقطه الحديث دخل بها
أنت مع او ضد
(موضوعات الأسرة)
الأسرة المسيحية الناجحة هي التي تنتمي لفكر كنسي بحت بغض النظر عن المؤثرات الاجتماعية المحيطة من تطورات عصرية
مع-لا تحبوا العالم ولا الاشياء التى فى العالم
ثقافة الأهل عنصر مهم في التربية الأسرية
مع-الثقافه عنصر مهم لرقى مستوى التفكير بين الطرفين ذاتهم
ولتربيه اجيال واعيه مدركه للامور
الحرص الشديد من الأهل مسموح حتى لو وصل لمرحلة التقيد لشخصية الأبناء
مقوله اجتماعية مباحة الغاية تبرر الوسيلة
ضد-الحرص مطلوب ولكن لحدود
لازم نعطى حريه التصرف ولكن مراقبه بالتوجيه والارشاد من جانبنا
لان ده بيبنى شخصيه قويه مجربه تقدر تتعامل بكل سهوله فى المراحل القادمه
مجتمعاتنا العربية تحكمها نظرة تقليدية للأمور
هل في بمجتمعاتنا اليوم الإباء يأكلون الحصرم والأبناء يضرسون
(يؤخذ الولد أو الفتاة بذنب الأهل)
ضد-الولد او الفتاه يأخذوا بأفعالهم هم
ما زنبهم بأفعال ابائهم
مع او ضد
(قضايا مثيرة للجدل )
التبرع بالأعضاء بعد الموت
مع-لانقاذ حياه الافراد
الموت الرحيم
مع- احنا نطلب الراحه لاناس عزاز على قلوبنا
ولوكان ده يألمنا ويحزننا جدا
وده بأمر الله هو الخالق وهو مسترد وديعته
عمالة الأطفال
ضد- ممكن فى سن مبكر شويه للاعتماد على النفس وليس لاستغلالهم
قلة الحيلة مبرر للاستجداء او الانحراف
ضد-لازم الانسان يقدر يتعامل ويجد حل للمشكله
لان فيه كتير وضعوا فى ظروف واستطاعوا التغلب عليها والاستمرار بل والنجاح ايضا { للاسف الناس بتستسهل وده غلط}
مع او ضد
( هموم وقضايا روحية )
الانشغال بالوظيفة والدراسة سبب مقنع لعدم الذهاب للكنيسة
-ضد- لازم يكون فى وقت لربنا لانه هو اللى بيساعدنا فى كل شئ
"بدوني لا تقدروا أن تفعلوا شيئاً"
الظروف بتحكم بس لازم التحكم فيها بقدر الامكان
التكنولوجية وتيارات العصر تعاكس الحياة الكنسية
ضد- الكنيسه متجاوبه مع التكنولوجيه
واحنا بنستطيع ونجيد استخدامها فى الكنيسه فى الاجتماعات والخدمات المختلفه
ده مش غلط والكنيسه مبتحرمش ده
الشباب المسيحي شباب ملتزم ومقيد الحرية بنفس الوقت
ضد- الشباب ملتزم بتعليم الانجيل وتعليم الاباء
ولكن غير مقيد الحريه هو بيعمل كده لاقتناعه التام بذالك
اجتماعات الكنيسة على اختلافها فرصة لتعارف فقط
ضد- احنا نستفاد بكل ما تحمله لنا الاجتماعات من معرفه دينيه وثقافيه واجتماعيه
وليس مكان للتعارف
الخادم(المرشد) مسؤوليتهم تنحصر داخل أسوار الخدمة والكنيسة
ضد- الخادم يعمل من اجل المسيح ولحبه فى الخدمه ذاتها
داخل وخارج الكنيسه وفى كل زمان ومكان
لباس الأسود الحداد له بعد روحي بعيد عن التقليد الاجتماعي
ضد-لو اتكلمنا عن الحداد فنقول الحزن فى القلب
اللبس مش حاجه الا انه تقليد موروث
ولكن لباس الاسود بالنسبه لرتب الكهنوت ده بيبقى بمعنى الوقار والاحترام للرساله التى يقومون بها
يمكن للعلم والمعرفة ان تصب في أهداف روحية
مع-دراسه الانجيل بعهديه وتعاليم الاباء وتاريخ الكنيسه
كل ذالك واكتر نوع من المعرفه بتساعد على النمو الروحى
مع او ضد
(إعادة النظر في )
دور الرعاية لمسنين الذين ليدهم ذوي
ضد- دور الرعايه بالنسبه للمسنين الذين ليس لهم من يرعاهم
لكن الذين لديهم ذوى فده غير مرغوب ومخالف للتعليم
اول وصية بوعد
"اكرم اباك وامك كما اوصاك الرب الهك لكي تطول ايامك ولكي يكون لك خير على الارض التي يعطيك الرب الهك"تث 5 : 16
دمج ذوي الاحتياجات الخاصة بالمجتمع
مع-لانه يحتاج لذلك ولكى لايشعر انه معزول عن المجتمع وده ليه اثار سيئه للغايه عليه
وان كان صعب ان يتعاملوا مع المجتمع فى الموقت الراهن
فده عاوز مجهود كبير
أنت مع أو ضد
مقولة اخطب لبنتك قبل ابنك
مع-لان البنت اذا اتأخرت فى الجواز بيتقال كلام غير مستصاغ
لكن الولد معتقدش
الزواج المبكر
مع- بس مشروط بشرط مدى التفاهم بينهم ومعرفتهم للحياه الزوجيه بكل معانيها وما تحتويه من امكانيه تكوين اسره وما الى ذالك
علشان يكون زواج ناجح
فحوصات قبل الزواج مهم فقط لزواج الأقارب
ضد- مهم فى الزواج عموما
تدخل العلم في تحديد نوعية الجنين حسب رغبة الأهل و ولد أو بنت
مع-لاستعدادهم لاستقبال عطيه الله
الإجهاض لسبب طبي أو عدم رغبة الأهل بالطفل
مع-لسبب طبى
ضد-لعدم رغبة الأهل بالطفل ده غلطا طبعا
عطيه ربنا لازم نتقبلها بشكر
وغير كده القانون يعاقب على كده
ديه جنايه