[بنت الراعي]

سلام المسيح يا اخواتي
انا نفسي اتكلم معاكم النهارده عن حاجه مضيقاني في نفسي
اووووووووووي ومش عارفه اغيرها وهي الصلاه
انا بلاقي نفسي اكتر في الصلاه الارتجاليه يعني اني اقعد احكي مع
ربنا عن مشاكلي عن اللي بيتعبني اللي بيفرحني عن اخطائي كده
بحب اتكلم معاه زي اي اتنين اصحاب بيحكوا مع بعض
لكن انا عارفه ان الصلاه بالاجبيه مهمه وبحاول اوفق بين الاتنين وبصراحه
مش عارفه لاني اما بصلي بالاجبيه بتعب ومش بقدر اتكلم كتير مع ربنا بعد كده
ومش ينفع اصلي من غير الاجبيه لاني مش بااخد وقت طويل يعني مش بتطول وقفتي وكلامي مع ربنا
فياتري ايه نصيحتكم لحاتي دي

المصدر: †† ارثوذكس †† - من قسم: حوار من الاعماق

[aymonded]

أولاً كثيرين بيهتموا انهم يصلوا بالأجبية بشكل ناموسي ومن أولها لآخرها فيحدث أن الإنسان ينهار ولا يقدر أن يكمل وأن أكملها يسرح بعد أول مزمور أو تاني مزمور ، والآباء نصحونا أننا نبدأ الصلاة ولو بمزمور واحد فقط ثم كلمة الله وقانون الإيمان ونصلي بقلبنا صلاة ارتجالية فيها حديث النفس مع الله بالحب ...

لأن دور الأجبية أنها تفتح لنا كلام حلو مع الله ، ودور كلمة الله أن تهيأ القلب لصلاة نقية من خلال كلمة الله ووعده الحلو ...
وعموما صلي بقلبك وبالحب لله وانتظري قوة النعمة يا محوبة الله والقديسين ، ولك أن تصلي بمزمور واحد أو بعدة آيات من المزمور وهذا في البداية كطفل يطلب الله ولا يقدر أن يأخذ الطعام الجامد إلى أن ينمو ويأخذ قوة من الله حتى يكون قادر على التواصل مع النعمة ...

أقبلي مني كل تقدير يا أجمل أخت حلوة محبوبة ربنا يسوع ؛ النعمة معك

[تونى كويك]

ربنا مش عايزمننا نصلى بطريقة فيها شىء
من الفرض او الروتين ربنا عايزنا نتكلم معاه
ابن اوبنت مع ابوهما فالصلاة الربانية لاتقراء من كتب
وان شخصيا سمعت من البابا شنودة ربنا يبارك حياته
ان الانسان ممكن يبداء الصلاة بأية ويتدرب واحدة واحدة
أية مع أية حتى يصبح اصحاحا كاملا
والاهم من ده كله اننا نصلى بأى طريقة المهم اننا نصلى

[samerco75]

ربنا يباركك استاذ ايمن

[maryan alfady]

بجد ربنا يباركك يا استاذ ايمن كلمك كتير حلو

[سامى ادوارد]

الرب معاكى

[سامى ادوارد]

ربنا يباركك