[SNoW]

ايام ما كنت بصلى و بروح الكنيسة جت عليا فترة كنت بشتم فيها كتير جدا و كنت عصبية و بتنرفز على طول ... و انا كانت من عادتى انى اول ما اصحى من النوم اروح اصلى قدام صورة بابا يسوع ... و لو عدى يوم معملتش كدة كنت احس انى مخنوقة و انى مزعلة ربنا و كنت اضايق من نفسى جدا ... على الرغم من حبى لبابا يسوع الا انى كنت بشتم و مش كويسة !!!

فا في يوم نمت و حلمت انى صحيت من النوم عشان اصلى زى كل يوم الصبح و رحت لصورة بابا يسوع و لسة ببصلها عشان اصلى لقيت الصورة بتبكى دموع غزيرة ... الصورة كانت بتبكى بحزن شديد و بابا يسوع كان حزين جدا و من كتر الدموع عينية بقى لونها احمر و فضلت الصورة تبكى بكاء شديد فا انا اتخضيت زى ما تكون روحى اتسحبت منى و زعلت جدا و ابتديت اعيط انا كمان و قلت لبابا يسوع " انا اسفة ان الخطايا بتاعتى جرحتك اوى كدة و خليتك تبكى و اتسببت فى الدموع دى .. ارجوك تسامحنى "

و صحيت من النوم و انا حاسة انى مهزوزة من جوايا و زعلانة و مفزوعة جدا عشان جرحت بابا يسوع و كنت بحاول على قد ما اقدر انى ابقى كويسة و ابطل شتيمة....

انا بتأسف لبابا يسوع انى سببتله و بسببله كل الجراح و الدموع دى ... بجد انا اسفة ... و اتمنى انكم تصلولى عشان ابقى قريبة من ربنا عشان انا بعيدة عن ربنا جدا دلوقت و بجد واحشنى احساس انى كنت بصلى و اروح الكنيسة و فرحانة فا ارجوكم تصلولى ... شكرا ليكم

المصدر: †† ارثوذكس †† - من قسم: معجزات القديسين والقديسات

[اللة يرعانى]

اشكرك على هذا الكلام
وياريت مزعلهوش تانى منك
ربنا معاكى ويفرح قلبك

[markoky]

يا بختيك ان ربنا بنفسة بيفكرك و يصحيكي

[marian william]

الحنيه والطيبه الى عنده ملهاش حدود بس اتى اطلبى منه(يا مخلصى اعطينى سلامك و هدوئك) و هو يستجيب دائما

[elphilasouf]

المشاركة الأصلية كتبت بواسطة markoky يا بختيك ان ربنا بنفسة بيفكرك و يصحيكي

ربنا يبفكر فينا كلنا وعاوزنا كلنا
وان كن اتمجد و ظهر بعلامه فأكيد ده عشان حكمه الاهيه

ربنا يدينا القدره ع الاحساس بحبه لينا ويسامحنا ع كل خطايانا

ميرسي جدا جدا ع لموضوع الرب يبارك حياتنا جميعا

[فلافيا]

يبختك لان بابا يسوع اداكي اشارة بنفسه انه زعلان واكيد انتي بنت كويسه وقريبةمنه جدااااااااا وانا بشكرك كتير لانك كتبتي الموضوع دهفي المنتدي ده وربنا معاكي ومعانا جميعا

[maro$$]

ربنا معاكى وبيمينة يسندك ويكون معانا كلنا آمين
بس عاوزة اقولك حاجة مهمة جدا متخليش الاحلام تبقى شى يقينى وانها كلها من ربنا اكيد طبعا انى ربنا علشان بيحبك فنبهك فى الحلم بس الشطان ممكن يستغل دة ويحربك فى احلام علشان يبعدك عن ربنا شوية اويخليكى تمشى حياتك بناء على اوهام
على فكرة الكلام دة قريته فى نبذة للانبا موسى الى وضح قدرة الشيطان على التشبة حتى فى صور قديسين

[M@@@NOOOO]

مش انتى بس اللى بتجرحى السيد المسيح
كلنا خطاااااااه وكل يوم خطايانا بتجرح وبتألم فى ابونا السماوى
وبرغم كده هو مستحملنا ومستحمل ذنوبنا الكتير دى
ودايما فاتحلنا حضنه فى اى وقت نرجعله

ميرسى على القصه الجميله دى وربنا ينور حياتك ويفرح قلبك

[bentelmalek]

معجزة رائعة تبيييييييييييين اد اية ربنا بيحبنااااااااااا ويخااف علينا ياريت احنا نفكر فى كل حاجة نعملها هل الحاجة دى لو اتعملت باباااا يسوع هايعد يبكى ولا هايبقا فرحان ميرسى ليكىاوى وربنا يسندك

[Monique]

يا بختك ان بابا يسوع بنفسة بيفكر فيكى رحيلة بيتة وصلى من قلبك اكيد هيلمس قلبك و ترجعى زى ما كنتى . ربنا معاكى .