[ramzybeshara]

مديح جديد مرتب على حسب الجروف الابجدية وهو موجود فى شريط\ شهيد وامير
مديح جديد للشهيد العظيم مارجرجس من شريط ( شهيد وأمير) لفريق مِلح الأرض.. كلمات الشَّماس رمزي بشاره
مُرتب على الحروف الأبجديه
[music]
أبدأ فى مديح قديس
الناس بتحِبُّه كتير
حارب وغلب إبليس
ولكل الشهدا أمير

بـمعونه إلهيه
كان طول الوقت يفوز
بفضايل روحانيه
بيعيش جيؤرجيوس

تـاه الملك الشرير
وكفر دقلديانوس
ساب الرب القدير
وعَبَد بى ذيَّا فولوس

ثـابت هو رجاءك
يارومانى فى إلهك
رُحت لدقالديانوس
تشهد له بإيمانك

جـندى مشهور فى الجيش
وشجاعتك مالهاش حَدْ
قلت أستشهِد وأعيش
فى السما وأسيب الأرض


حـصل إنك يافارس
قطَّعت فـ يوم فرمان
بهدم الكنايس
والسجود للأصنام

خـدوك يارومانى جنود
وفـ قلب السجن رموك
ضربوك ربطوك بقيود
وإتفقوا يعذبوك

دعاك دقلديانوس
وبمكر فضل يغريك
قالك لو سيبت إيسوس
أنا ها أغنيك وهاأرقيك

ذاع خبرك فى البلدان
يامارجرجس ياشهيد
ماسجدتش للأوثان
لابإغراء ولاتهديد

ربك إنت ساجد له
وإهتم بأحوالك
بإيمانك تشهد له
يارومانى وأعمالك

زايل وعالم فانى
وهنجرى وراه على ايه
فيه لينا وطن تانى
لازم نتمسك بيه

سـبع سنوات مُرَّه
بتقاسى من العذابات
ماضعفتش ولامَرَّه
قوَّاك رب السموات

شـك الكافر فيك
قال السحر بيحميك
حتى حيل السحرا
دى مابتقدرشى عليك

صـلاتــك للقـدوس
وحد ها تقدر تنجد
والساحر أثناسيوس
بقى مؤمن وإستشهد

ضـل الملك الحيران
قال هاتوا فـ زنزانته
إمرأة زانية علشان
تسرق منه طهارته

طهرها مارجرجس
بكلامه عن الإله
خلاَّها تتقدس
وتتوب وتصلى معاه

ظهرت منه آيات
معروفه لحد اليوم
ده كفايه 3 مرات
كان لمَّا يموت بيقوم

عـلشان كان متـثـبِّت
فى يسوع وفـ قلبه إيمان
خلَّى الأرض إتشقِّت
وإبتلعت الأوثان

غـلب الشياطين وغلب -
- بيسوع. كل حروبهم
ولاجاه ولامال ودهب -
- أغروه . ولا أكاذيبهم

فـتح الرب عينيه
ولمجد السما وَرَّاه
وشاف إن اللى عليه
أقل من إللى معاه

قـادر وبترعانا
يا يسوع وبتحمينا
وإذا كنت إنت معانا
مين يا إلهنا علينا!

كـان يشتد عذابك
وجراحك نارها تقيد
تلقى يسوع قدامك
وساعتها تبقى سعيد

لـمَّا بيلمس جرحك
فى الحال الجرح يطيب
وزوِّدلك فرحك
وسط الألم الرهيب

مـارجرجس ياحبيبى
أنا لمَّا باأتأ مِّل -
- فى عذابك. أقول إزاى
تصبر وبتتحمِّل؟!

نـُلت يابطل الأكاليل
سبعة بعدد السنوات
إللى قاسيت فيها الويل
علشان رب القوات

هـــانِـــت كُــــل الأتــــــعــــــاب
في السَّما بيسوع فَرحان
وقابــلــَك بالتّـــِرحــاب
وأَخَــــدَك بالأحـــــــضــــــــــــ ـــــان

واثــــقيــن لو بَـحـرِنا هـــاج
إيــــديــك لـيــنا سَفـينَه
نَجِّــيـــت مـــارجِرجِس
يــــا إلَـــهـــنــــــا نَـــجـــــّـــِيـــــنــ ا

لا مُــــنَـــجِّي ولا مُـــنقـــِذ -
- لينا . غيرَك يا يسوع
وبصَلَوات مارجِرجِس
و َصَّلنا إليك يا يسوع

يـابطل إرفع صلوات
لجميع النصارى
وإذكر كاتب الأبيات
إبنك رمزى بشاره

تفسير إسمك فى أفواه -
- المؤمنين . ما أحلاه
الكل يقولون : "يا إله- -
- مارجرجس . أعنا

[/music]

"

المصدر: †† ارثوذكس †† - من قسم: تماجيد ومدائح قديسين

[Team Work®]

الله حلوة قوى واشكرك جدا جدا جدا واهلا بيك معانا فى الموقع

بجد حضرتك منور الموقع معانا ونتمنى انك تكون سعيد معانا

لكن في حاجة بسيطة

هل الشريط موجود او رابط الترنيمة موجود

لان انا شايف كود لتشغيل ترنيمة

وشكرا ليك

[bolalover]

مع استاذ رمزي مش هتقدر تغمض عنيك
بجد مجهودك رائع جدااا و بداية نشطة جدا
بامانة انا مبسوط جدااا بموضوعاتك الرائعة
ربنا يحميك يا غالي و يفرح قلبك زي ما بتفرحنا

[CursedMyth]

thxxxxxxxxxxxxxxxxxxx

[Marina Samir Kamal]

شكراً ليك يا أستاذ رمزي علي التمجيد الرائع، لا فعلاً عجبتني بجد، ويارب تعمل تماجيد أحلي وأحلي

[الزملكاوى البرنس]

شكرا ليك يا مان

[بنت الراهب الصامت]

جميل اوى اوى
ميرسى او ى
ربنا يباركك

[mo73eb]

جميلة اووووووى ،، ميرسى جدا ،، روعة