[مرموره]

الحب بيوقف قدرتك على التفكير حقيقه علميه لا أأومن بها :017:




الحب شىء جميل جدا فى بدايته أحاسيس جميلة و سعادة و تألق لأقصى حد فى كل شىء .. الخطوة الثانية إضطرابات فى النوم و عدم رغبة فى الأكل و تسارع فى ضربات القلب تصاحبها آلام فى المعدة .. و مع تطور الحالة يبدأ الحب فى مهاجمة مخك و تدريجيا تلاحظ حالة تشتت و بله ملحوظ تبدأ فى التخييم على مخك و تتجسد فى كل تصرفاتك .. مش عارف تركز و لا حتى تفكر فى أى شىء خاصة عندما تقابل من تحب .. تقول كلمتين .. بعدها يطير كل الكلام .. تحاول التذكر.. مخك رايح جاى .. كلمة ثم صمت ثم لعثمة يعقبها شرود ثم إنصراف!
إيه إللى أنا باقوله ده ! حاسس إنك عبيط و أكيد الى بتحبه قال عليك معتوه .. لكن إطمن .. دى حالة شائعة جدا فى الحب و ناس كتير عانت من نفس المشكلة و شعرت بنفس الهبل تقوللى ما انا عارف بس المشكلة فى حبيبى و الفكرة إللى أخدها عنى .. أقولك إهديله أغنية ليتأكد إنك طبيعى و كل دى مجرد أعراض جانبية للحب عند كل الناس .. لكن هل تعرف سبب التشتت و النسيان و عدم القدرة على التفكير ، و الهبل الذى تشعر به فى حالة الوقوع فى الحب؟!
بيقولك إكتشفوا إن الحب يؤثر على نشاط المخ و يقلل القدرة على التفكير بشكل عام ده غير المناطق التى يصيبها الشلل التام و هى المناطق المسئولة عن الإنتقاد و التقييمات السلبية حيث تتوقف عن العمل تماما .. و لهذا قالوا زمان إن الحب أعمى لأننا عندما نحب نرى من نحب أعظم حد فى الدنيا و خاليين من العيوب..
ده غير تأثيره على المناطق المسئولة عن الذاكرة و التركيز .. عشان كده لما أبويا يقول فنجان قهوة بأعمله شاى و فى الآخر باديه لأمى ..وسعات تسرح وانت بتحط المياه فتتدلق على الارض .. و بيقولك كمان إن الحب له نفس تأثير تعاطى المخدرات على المخ بعد تصوير المخ بالرنين المغناطيسى حيث لوحظ أن الحب يؤثر عليها مثل تعاطى المخدرات يعنى لو لاحظت حد مسطول ممكن يكون واخد جرعة حب زيادة..
ياعنى الحب بقى مخدرات
لكن الكارثة إن الأمن يدرج الحب ضمن قائمة الممنوعات و الحب ما يتعرفش غير بروشته من الطبيب.


:36_3_2:
كل هذه التأثيرات أثبتتها عدد كبير من الدراسات التى أجريت فى بريطانيا و أمريكا.
الخطر الحقيقى إن الحالة تقلب على جنان خاصة عند الناس إللى عايشة الدور صح و عندها ضمير فى الحب و وصلت لدرجة عدم القدرة على التفكير و لنا فى قيس مجنون ليلى و عنتر و عبله و روميو و جوليت ، الحب فضل يمسح فى دماغه .. يمسح فى دماغه لحد ما خلاها أبيض يا ورد..
فى النهاية قدامك طريقين .. الأول إنك تنفض الحب خالص و تحافظ على مخك و صحتك على أساس إنهم أنفعلك .. الطريق الثانى إنك تحب بجد و تضحى بعقلك 23: فى سبيل الحب.


نقلا عن جريدة الدستور
بتاريخ 23/11/2005


""ده كلام كان مكتوب فى احدى الجرائد و اثبتوا كمان ان ديه حجات علميه بس الصراحهانا مش مقتنعه بكل الى اتال اه فى حجات بتحصل للناس و اعرض بتحصل بس مش للدرجه على كده العالم كله مجنين و فقدوا عقلهم ياريت يجماعه تعليقك على الكلام لى بيقلوه ده ايه ؟؟؟؟؟؟؟؟؟؟؟؟؟؟؟؟ :36_1_7: """ (17: أختكم مرموره من جريده أرزوزكس ...المنتدى17: )

المصدر: †† ارثوذكس †† - من قسم: الموضوعات الشبابية