[anadl]

شال الصليب على ظهره من تقله ظهره انحنى والذنب ده مش ذنبه ...الذنب ده ذنبى أنا.

اتصلب علشانى أنا... اتجلد علشانى أنا" مات على خشبة الصليب... ولسه برده أنا بجرحه ومن جديد كل يوم بطعنه.

ارجع قوله سامحنى ياأبويا... يسامحنى...ويلبسنى الحلة الأولى. وتانى اسلمه من جديد وقلبى خلاص بقى كله جديد.

أسمع كلمة على يد أبونا أفكر فيها واطلب معونة... أجرى وأرجعله تانى وأقوله يارب انت الهى فادتنى وبحبك روتنى ومن نهر حنانك سقتنى,

يرجعنى ببركة كبيرة بركة حبه وحنانه بركة قلبه الحانى اللى بكل الحب طوانى.يقولى يابنى أنا جيت علشانك نزلت من السما واتعزبت بدالك يوم تطلبنى تلاقينى قدامك.

يارب أنا لفيت الكون كله مالقيت زيك مثيل ,احتار فى حبك عقل القوى والضعيف عقل المفكر والطبيب حتى العامل البسيط وكثير غيرهم كثير .والمرة دى ارجع بقولك انت هو الاله العظيم.....

المصدر: †† ارثوذكس †† - من قسم: التأملات الروحية والخواطر الفكرية

[nana222]

انت هو الاله العظيم.....

شكرا للكلمات الجميلة جدا

[الماكس مايكل]

بجد موضوعك جميل اوى
وكلماته اجمل
ميرسى جدا ليكى
ربنا يفرح قلبك

[anadl]

مرسى ليكم وعلى تشجعكم ليا ربنا يباركم

[elphilasouf]

رائعه ميرسي ليكى كتير توتا

ربنا يدينا اننا نحبه الحب الحقيقى

[rozy lover]

انت هو الاله العظيم.....
بجد تامل كتير جميل
ميرسى كتير ليكى
ربنا يعوض تعب محبتك

[يسوع ربى]

مرسي يا قمر على موضعك

كلماتك حلو اوى
ربنا يباركك

[anadl]

مرسى ليكم كثير على رددكم الى بتشجعنى اكثير واكثير ربنا يباركم

[hany1982]

كلماتك جميله قوى ربنا يبارك خدمتك

[aser]

شال الصليب على ظهره من تقله ظهره انحنى والذنب ده مش ذنبه ...الذنب ده ذنبى أنا. اتصلب علشانى أنا... اتجلد علشانى أنا" مات على خشبة الصليب... ولسه برده أنا بجرحه ومن جديد كل يوم بطعنه.

تاملا جميلة و كلمات معبرة و رقيقة
ربنا يبارك موهبتك