[بحبك يا مناهرى]

اولا مساء الخير
عندى مشكلة ومحتاجة رائيكو

انا مخطوبة وخطيبى بيزعل بسرعة من اقل حاجة وكان خاطب قبلى وخايف اكون زى الاتنين الى خطبهم وانا بحبو ومش عارفة ارضى ازاى وبيقول انى مش مهتمية بى مش عارفة اهتم بى ازااااى
مستنية رائيكووووو

المصدر: †† ارثوذكس †† - من قسم: حوار من الاعماق

[aymonded]

سلام لنفسك يا محبوبة الله
أولاً لا تخافي من كلامة انك تصيري مثل من سبقوكي ، لأن غالباً العيب فيه هو ، من جهة أنه من اقل شيء بيزعل وهذه عاطفة تحتاج لانضباط ، وشوية ثقة في النفس وفي الآخر !!!

أولاً مش ينفع كل شوية يزعل من أتفه الأسباب ويقول انك مش مهتمه ، وواضح من كلامك أنك بتحبيه ، ولكن لازم من وقفة صريحة ومواجهة فيها شجاعة وفيها يتم كشف واضح بينكم ، ووضع النقاط على الحروف ...

لابد من أن تجلسوا سوياً بهدوء ، لتحلوا المشكلة من جذورها ، وتفهمي منه ايه المشكلة أصلاً ، وايه هي وجهة نظره في زعله الدائم وايه الشيء اللي بيحس فيه أنك مش مهتمه به !!!

ولازم تعرفي منه ايه اللي مضايقه من تصرفاتك ، وتصارحية بكل شجاعة وهدوء وحب ، بأن مش كل سبب يزعل منه ويحور معناه لعدم اهتمام ، وأن يعطي كل موقف حقه ، ولا يضع تصورات خاصة من فكرة إلا بعد سؤالك ، لأن ليس له الحق ان يزعل لمجرد تصور أو فكر ظنه ؛ لأن أكيد ليكي اهتماماتك ومشاغلك الاجتماعية والأسرية ، بمعنى انه مستحيل تتكلمي معاه 24 ساعة وفي كل وقت وكل لحظة !!!

عموما اجلسوا سوا وحلوا المشكلة بينكم ، ومش تحاولي ترضية من أجل أن ترضيه وخلاص ، لأن في هذه الحالة ستضعي إرهاق على نفسك أنك تكوني على غير طبيعتك وهذا ضد الحب ، لأن الحب الحقيقي ارضاء الآخر بالالتزام والاحترام المتبادل ، وليس مجرد أرضاء من أجل الأرضاء وخلاص أو ترك الآخر يظن كيف ما شاء وانا ارضية واريح نفسي من المواجهة وحل المشكلة لئلا تتفاقم مع الوقت ولا يوجد لها حل نهائي ...

وهو لازم يفهم أن الحب التزام بين الطرفين بالاحترام المتبادل وأرضاء كل طرق الثاني دون تشويش أو قلق أو حث الآخر على أنه يكون على خلاف طبيعته لكي يرضية ، هذه أنانية تجعل الحياة بعد ذلك كلها خلافات وقد تصل لحائط صد ورفض في النهاية ....

هناك حب يشعر الآخر بالحرية فيزداد محبة والتزام واحترام ، وهناك حب يخنق ، لأنه عاطفة وميول نفسية ناتجة عن قلق واضطراب داخلي وعواطف غير منضبطة بالحب الصحيح ...

ربنا يوفقكم وتقطعوا رحلة حياتكم بالحب الملتزم وترك مساحة لكل واحد يعبر عن نفسه للآخر بطبيعته وبلا تكلف أو ضغط ، ولا يترك نفسه للظنون والاستنتاجات التي غالباً ما تكون وهمية بسبب مشكلة نفسيه تؤثر وتشوش على الفكر ...

أقبلي مني كل تقدير ؛ النعمة معك كل حين

[anosh]

واضح فعلا ان ممكن تكون المشكله فيه هو بس عايزه اقولك حاجه لو انتى فعلا بتحبيه و هو مميزاته اكتر من عيوبه بمعنى ان ممكن عيوبه اللى بضايقك تتعالج ... يبقى استغلى حبك ليه و حبه ليكى فى تعديل الطباع ... المشكله ان الواحد او البنت لما بترتبط مش بتتعامل مع الشخص اللى قدامها بس لالالالالالالالالا ديه بتتعامل مع تقليده و عاداته و عادات بيته و طريقة تعامل والدته معاه و طريقة تعامل والده و اخواته كمان يعنى بتتعامل مع تراكم علاقات و مواقف بقالها سنين ...... من غير ما اطول عليكى فى الكلام حاولى بشكل ودى تتكلمى معاه بكل حب و تعرفى هو ليه بيزعل بسرعه بمنتهى الصراحه ...و لو فعلا هو بيزعل و خلاص من غير لازمه او موقف يزعل اطلبى منه انه لو بيحبك بجد يبقى بلاش يزعلك كل شويه بزعله اللى على الفاضى و المليان ... عايزه اقولك نصيحه حاولى انتى بذوقك و معاملتك الجميله ليه تكسبيه ... اهتمى بيه و بشغله و بحالته...كونى امه و اخته و حبيبته ... صدقينى اى انسان فى الدنيا مش محتاج اكتر من شويه حنان و اهتمام من اللى بيحبه .......و حاولى تحلى كل مشاكل تعاملتكم مع بعض قبل الجواز لان بعد الجواز مافيش مفر .....ربنا يبارك حياتكم و خطوبتكم و ياريت انتى و خطيبك تتناولوا من الاسرار المقدسه كتتتتتتتتتتير ...... ربنا يرعاكم و يفرح قلبكم .

[joseph_tno]

السلام لك
انا مش هقدر اقول حاجة اكتر من اللى قالها aymonded لكن انا عايز اقولك حاجة صغيرة اوى لو فضلتى حاطة فى تفكيريك انك ممكن تكونى زى اللى قابلك مش هتعملى حاجة وهتيأسى بسرعة و هتخسرية لكن حاولى تحطى فى دماغك انى انا مش هخسرة طالما انى بحبة وهو بيحبنى وهو شخص كويس و هيقدر يحافظ عليا
اتمنى ان اكون افدتك و لو بقدر بسيط
الله معك و يرعاكى دائما