[keroo82]

تعمل ايه انت لو في يوم جت لك بنت وقالت لك انها بتحبك او معجبة بيك هاترد ازاي
لو انت كنت بتحبها هترد عليها بسرعة وتقولها وانا كمان معجب بيكي؟
ولا ها تقل في نظرك علشان هي اللي جت وقالتك وزي ما انت متعود في مجتمعنا علي ان دايما الولد اللي بيروح للبنت ويقولها بحبك ؟

ولو بتعتبرها اخت ليك هاترد عليها وتقولها ايه ؟؟؟؟؟؟
انا عاوزة اعرف رأي الاولاد في الموضوع ده وكمان البنات برده رايهم ايه في البنت دي

المصدر: †† ارثوذكس †† - من قسم: الموضوعات الشبابية

[cat girl]

على فكره صعبه اوى على البنت تقول كده اما بالنسبه للولد لما تقوله كده افتكر انه ممكن يحاول يقعد معاها ويفهمها حتى لو مكنش بيحبها انما يصدمها دى كمان صعبه اوى وميرسى ليك يا كيرو

[mina kma]

شكرا اوى ع الموضوع الجميل دة

بس على فكرة صعب جدا على اى بنت انها تقول كدة بس هى لو معجبة بواحد ممكن تقولة بطرق كتير غير الكلام والولد كمان لازم البنت تديلة فرصة انة يقلها انة بيحبها

[mina kma]

انا واقع فى نفس المشكلة ومش عارف اعمل اية وعايز حد يقولى راية :

انا فى واحدة اتعرفت عليها فى الكلية بصراحة هى اللى بدات معايا واتعرفنا على بعض وكان فى جروب كبير مسيحى فى الكلية وانا كنت بتعامل مع الكل زى اخواتى لاغية ما بدانا نتقرب لبعض اكتر ونتكلم ع النت وطبعا الكلام دة مش معايا انا بس هى بتعمل كدة مع كل اللى فى ال Ch ومع الوقت بدات تلفت نظرى ليها وانا بكلمها ع النت وتقولى اسمع اغانى معينة عن الحب وتقولى مثلا هات اغنية انت الحب لاكمل طبعا انا مختطش الكلام دة فى بالى ابتديت الاحظ انى كل ما اكلم واحدة تضايق وتزعل منى حتى لو جيت اتكلم عن واحدة واقول انها حلوة تزعل لما بدات اخد بالى والاحظ وبدانا نروح مع بعض كانت تقولى تعالى وصلنى ومرة تانى تقولى لا مينفعش انك توصلنى تانى وتانى يوم الاقيها بعتالى رسالة تقولى استنانى استنها وكالعادة واحنا راجعين تقولى متوصلنيش تانى ومرات كتير تقولى مينفعش نمشى مع بعض علشان محدش يفهمنا غلط ولما بدات اهتم بيها وبينلها اهتمامى بيها بداءت هى تهتم بصديق ليا وطنشنى ولما اسبهم مع بعض تضايق بس بتهرج معايا اكتر ما بتهرج مع اى ولد تانى حتى صديقى اللى بيمشى معانا انا مش عارف اصلا هى بتفكر ازاى ولا عايزة اية كل ما تقول حاجة ترجع فيها وبتعل منى لو كلمت حد غرها مع انى كل ما اسئلها عن اى حاجة تحرجنى وتاخد المواضيع بتهريج لو حد عندة راى يقولى

[Team Work®]

الموضوع كبير ويحول الى الاستاذ ايمن

[digitalman_5]

أولا أهلا بيك يا mina kma في المنتدى
ثانيا بالنسبة لمشكلتك فأسمحلي أني أقول رأيي فيها
أنا من رأيي أنك تعامل البنت دي عادي خالص سواء كانت مهتمة بيك أو لأ, وحاول تعمل ده من جواك مش بتصرفاتك بس لأن السن الجامعي بتكون الشخصية فيه لسه مكتملتش وبيكون الواحد مش عارف ياخد قرار كويس وخصوصا في الأمور المصيرية زي دي وزي مانت بتقول شوية تحسسك انها مهتمة بيك وشوية لأ , لأنها هي كمان مش قادرة تاخد قرار
وأهم حاجة لازم تعملها إنك تصلي لربنا وتقوله أنه يوضحلك أنها مناسبة ليك ولا لأ, وتقوله لتكون مشيئته
وبكده انا بقولك أطمن واكيد ربنا هيحللك المشكلة دي ولو هي مناسبة ليك أكيد ربنا مش هيخليها تبعد عنك عشان انت طلبت منه, لكن لو اعتمدت على نفسك فاحتمال الفشل هيكون كبير
واعمل زي الأية اللي بتقول " أطلبوا تجدوا , أسألوا تعطوا, اقرعوا يفتح لكم "
معلش انا طولت عليك بس في النهاية ده رأيي الشخصي معرفش إذا كان سليم ولا لأ
ونصيحة برضه إنك تحكي المشكلة دي لأب أعترافك أو لمرشدك الروحي وتشوف هيقولك إيه

[اللة يرعانى]

صعب البنت تقول للولد انها بتحبو بس ممكن يبان من تصرفتها او نظرتها او اى اسلوب غير انها تقول

[melanora]

متهيالي صعب علي البنت انها تقول كدة لانة من طبيعة البنات الخجل وكمان هي متضمنش هو ممكن يقول عليها اية وكمان لان البنات مش بتحب هي اللي تبتدي بيحبو البداية من الولد
ومنتظرين رد الاستاز ايمن
وميرسي علي الموضوع الحلو دة

[جوسى]

ااامممممممممممممممممممممم ممممم


مش عارفه

بس بالنسبه لموضوع مينا

البنت دى تتعامل معاها عادى
لانها باينن كده انسانه هوائيه

يعنى دى تبقى مجرد زماله جامعه و بس
وربنا معاك و معانا

و ربنا يحافظ على بناته و اولاده

[ملكش دعوة!]

شكرا على الموضوع

بس اعتقد ان مفيش بنت ممكن تعمل كدة