[اللة يرعانى]

اولا مساء الخير معلش مش بعرف اكتب موضوعات بس الموضوع الى عيزة اتكلم معاكو فى مهم جدا وخطير جدا جداا هو سهل جدا على بعض من شباب تسيب دينها ومسيحها بسهولة مقابل المال لية بيحصل كدا ومين السبب فى كدا اول سبب ودا رائى اب الكاهن لانى احنا راعيتو لازم يخلى بالو مننا احنا عندنا اب الكاهن مش بيجى خالص ممكن يجى صلاة الاطفال ويكون شقة جنبينا وميكلمناش حتى يقول سلام او اب كاهن مدى علشان يجلنا تعرف مين بيخبط علنا ويقولنا تعالو ناس تنين واكيد فهمين قصدى ياترى المفوض نعمل اية مفيش غير انى نقول ارحمنا يارب

المصدر: †† ارثوذكس †† - من قسم: الموضوعات الشبابية

[روفــــا]

اولا سلام والنعمة ليكى يا مريم
ثانيا ميرسى ليكى على الموضوع الجميل دة وكان المفروض نتكلم فيه من زمان بس احنا كل همنا ان نعيش لينا بس منفكرش فى حد او فى اى حاجة ممكن ليها ضرر علينا زى موضوع زى دة
اسف لو اتكلمت كتير او اللى اتكلمت فيه موش فى موضوعنا
ثالثا الحكاية دى بيترتب عليها حاجات كتيرة موش الاب الكاهن بس وبيكون ضغوط كتيرة فى ايدنا نتغلب عليها ونقول مفيش فايدة علشان مكسلين وكل اعتمادنا الاب الكاهن او الكنيسة هما اللى يتصرفوا
اصل الاب الكاهن موش هيكون ليك انت فس انما لناس كتيرة وليك حق عليه زى ما الناس التانية ليها حق ولازم يخدم دة ودة وغير كدة حكاية انه يكون جمبكوا وميجيش يسلم عليكوا حتى ميقعدش معاكوا دى ممكن تكون غلط وممكن ميكنش قاصد يكون وراه حاجة مهمة موش قادر انه يجى بس فى حد ذاتها غلط
اما اللى يسيب دينه دى بقى حاجة كبيرة دى بسبب انه ممكن يكون الاسرة موش بيتروح الكنيسة ولا يعرفوا حاجة عن دينهم علشان كدة هو موش بيروح الكنيسة او ممكن معاملة الاباء الكهنة له او ممكن يكون ملهوش صحاب يكلموه ويلاقى واحد من المسلمين يلاقيه كدة ملهوش صحاب الاول يقف معاه ويتكلم معاه ويكره فى اخواته اللى معاه اللى فى الكنيسة وبعد كدة يا خد فى كل حته معاه وبعد كدة يشوف نقطة ضعفه اية هى ويدخله منها علشان يقدر يخليه يسيب دينه ممكن يكون عامله مصيبة وعلشان يطلع منها يسيب دينه واكيد القارئ فاهم قصدى او ممكن يكون اغره بالفلوس ودة بسبب المستوى المادى اللى بيكون فيه والفلوس دى موش من صحابه لاء دة من منظمات بيتكون متخصصة فى انهم يخدوا الناس تسيب دينهم علشان يدحلوا فى الاسلام ويقولولوا احنا هنجبلك وهنعملك ونسوى معاك وبعد كدة لما يكون معاهم يتخلوا عنه خلاص دة عمل اللى هما عايزينه خلاص بقى موش هنعملك حاجة انت سيبت دينك علشان خاطر احنا عايزين كدة موش علشان اى حاجة وكدة يكون خسر ميبحه والناس كلها وخسر نفسه كمان وفى حاجات كتيره تانية تخلى الواحد يعمل كدة واكتر بس ربنا موجود وغير كدة المسيح موش بيسيب خرافه

اسف جاد جاد على الاطالة ويارب اكون ربنا استغل صعفى وقدرت اوصل المعلومة
واسف لو ردى موش عجب حد او موش صحيح
اذكرونى فى صلواتكم محتاجها

[Narmar]

شكرا مريم
مساحة محجوزة للرد

[اللة يرعانى]

مرسى يا روفا على توضيحك واكيد الى بيغير دينو بيرجعو يندمو تانى ربنا مع اولادو

[دموع الورد]

مرسى جدا يامريم على الموضوع بجد موضوع مهم جدا جدا
وانا كان شاغلنى فى وقت من الاوقات
وعايزه اقول انى كتير سألت فين ابونا
فعلا ممكن يكون فى ناس انا اعرفها محتاجه مجرد ان ابونا يخبط باب بيتهم مش مهم يدخل يعنى مجرد انه يخبط ومبيحصلش
بس اقولك انتى لو فكرتى كده هتتعبى جدا علشان ممكن تلاقى ناس تقولك ابونا مش غلطان ابونا مش فاضى ابونا عنده مشاكل كتير ودى مشاكل اولاده برضو وردود كتيره قوى

بس اقولك ممكن احنا بدل ما نعتب ونقول ابونا مزرش وابونا ملحقش ده وكان فين فى الموقف ده
احنا ممكن نساعد ودى هى الى اسمها خدمه
زى ما فى بطرك للشعب المسيحى وفى اسقفه للأبرشيات وفى كاهنه للكنائس وفى خدام للشعب
الخدام هما الى يحاول يعرفوا مشاكل الناس اكتر ويقدموها لأبونا

انا حاسه انتى اقد ايه تعبانه من الموضوع ده بس متخليش موقفك سلبى واخدمى انتى وحطى فى دماغك ان لو فى مثلا حد ساب مسيحه وانتى عارفه حطى فى بالك انك انتى كمان قصرتى مع الشخص ده مش ابونا بس

ربنا معاكى ويساعدك
ويارب ارحمنا

[maro52]

ميرسي يا مريم علي الموضوع المهم ده هي فعلا حاجه تزعل وتجرح كمان ان الاب الكاهن يكون جنب باب البيت وميخبطش عليكي بس اقولك حاجه الناس اللي بيسيبوا المسيح بيسبوه عشان مش قريبين منه مش عارفينه ومش راضين عن حياتهم عايزين الحب والمال وبس ميعرفوش ان المسيح هو الحنان والمحبه تاني حاجه انتي لو بصيتي علي الكاهن هتلاقيه شايل هم ربنا اللي يعلم بيه من خدمه كنيسه لمرضي لقدسات ده غير الهموم والمشاكل اللي بيقابلها في الاعتراف فمينفعش نرمي كل الحمل عليه ده مهما كان انسان عادي وميرسي مره تانيه علي الموضوع ومعلش اني طولت في الكلام

[Sherifsoj]

يااا مريم الأب الكاهن مهما كان قدسيته و إحترامه و تقديره و المرتبة الكهنوتية بس هو بشر برده يعنى أكيد ليه هفوات و نسيان و حاجات زى كده وده بتتوقف على حالته الروحية فهناك فرق بين الحالة الروحية و الرتبة الكهنوتية ..... المهم دلوقت لو أب كاهن زى ما بتقولى شعب الكنيسة كله مش راضى على خدمته روحوا قولوا للأسقف المسأول أو البابا شنودة نفسه

[مينا الحديدى1]

اولا ميرسى على الموضوع دة يا مريم انا كنت افتكر الموضوع دة عندنا احنا بس اترية موضوع شائع احنا اللى اكتر من كدة الاسقف بيعمل كدة وربنا يرحمنا

[جاسيكا]

ميرسى كتر ليكى يا مريم على طرحك للموضوع المهم دا
هو فعلاً اه فى شباب وشابات كتير بيسيبو المسيح
لاجل المال لكن صدقينى لما هما يعملو كدة
دول مش ممكن اننا نهتم بيهم لانهم ميستحقوش انهم
يطلق عليهم اسم المسيح لانهم زى ياهوزا باع سيدة لاجل المال
وصدقينى مش هيحسو بية غير بعد مدة ربنا هيسيبهم يتمتعولهم كام يوم
لكن الثمن هيبقى غالى قوى

[وردة حزينة]

جماعه مشكله الانسان ده مشكلته لوحده
حرام نرمى الذنب على الاب الكاهن
الاب الكاهن ده مابيدخيليش بيته قبل 2 و3 الفجر
واكيد عنده خدمات ومشاكل ولف وصيام واعترافات
بجد بيتعبوا جدا
بس احنا ممكن نساعد بعض يعنى ليه فيه خدام فى الكنيسه عشان كل خادم راعى ومسول عن وزنته لو خادم شاف او حس او سمع ان نفس بتروح يجرى على ابونا يحكيله وابونا اكيد ميش هايتاخر
او حتى احنا البشر العادين لو شوفنا حد بيصيع ليه احنا مانجريش على ابونا ونحكيله بدل مااحنا عاملين نقول الاب الكاهن السبب الاب الكاهن انسان زيه زينا ميش سوبر مان معاه العصايه السحريه ياجماعه
الدور دور البيت التربيه الانسان نفسه الخدمه الاب الكاهن كل دول مسولين يبقى من الظلم اننا نجيب اللوم على طرف واحد من الاربعه ولا الخمسه اطراف دول
ومااعتقديش ان الانسان اللى اخد قراره بالبعد عن المسيح يكون اخد القرار ده عشان ابونا ميش بيخبط على بابه
الانسان ده بيقى خلاص ميش شايف ولا عايز يعرف ربنا وبيهون فى سبيل كده كل ثمين وغالى
ربنا يرحم ويحمى ولاده
ميرسى مريم على المناقشه