[البرنسيسة رانيا]

بصراحة يا جماعة دى اول مرة اشارك بموصوعات فى منتديات
المهم مشكلتى انى بحب واحد بيكبرنى ب11 سنة بس معايا من النفس الطائفة وانا مش عارفة ان كان بيبادلنى نفس الشعور ولا لا وياريت عايزة اسمع ارائكم وردودكم اعمل ايه اعمل ايه

المصدر: †† ارثوذكس †† - من قسم: الموضوعات الشبابية

[krispy]

انتى منورة المنتدى يابرنسيسة
اما بالنسبة لمشكلتك انك مش عارفة اذا كان زميلك بيبادلك نفس الشعور ولا لا
فانا عايزاكى تروحي لقسم الموضوعات الشبابية لموضوع اسمة (كيف تعرفين انة يحبك ) لمرمورة
بس انا عايزاكى متحبطيش لما تقرية لان مرمورة خيالية شوية ومتهيقلي مفيش حد دلوقتى بيحب بالطريقة الي هي كتباها يمكن يكون زمان كان كدة
ربنا معاكي يارب ويوفقك

[aymonded]

السلام لنفسك يا محبوبة ربنا يسوع
أولاً : مش فرق 11 سنة كبير !!!

فرق السن الكبير دايماً بيخلي التواصل بين الطرفين قد يصعب كثيراً ، وطبعاً مش من المستحيل التواصل ، إنما يوجد أشياء أخرى غير المشاعر ، وأهمها لغة التفاهم والتقارب الفكري والقدرة على الحوار بين طرفين متكافئين بقدر الإمكان !!!

لا تندفعي وراء مشاعرك وافحصيها ، واسألي نفسك لماذا أحبه وما هو المميز في شخصيته الذي يشدك إليه ، ولا تقولي كلام هُلامي وتقنعي نفسك أنه شخصية تناسبك ( وربما يكون الموضوع إسقاطات نفسية ، أي تري في نفسك أنه شخصية مثالية محبوبة لديك وأنت لا تعرفي عنه شيء في الواقع العملي وتسقطي عليه أفكارك وما تريه في مخيلتك عن شخصيته ) ، افحصي الموضوع من كل جانب واتجاه قبل أن تستمري في الانجراف وراء مشاعرك ، وحينما تدخلين معه في علاقة تؤدي للزواج ، وتكتشفي أنه يوجد فرق كبير وتشعري بهذا سيكون قد فوات الأوان !!!

رجاء راجعي مشاعرك وأحاسيسك في قيادة العقل والتفكير الإيجابي ، مع استشارة أهل الخبرة في مثل هذه الأمور على ضوء المعرفة والنضوج الفكري والنفسي ...

صلي اطلبي معونة الله ، ولا تتسرعي ، المستعجل برجليه يخطئ كما قال الكتاب المقدس ...

وأن وجدتي كل شيء سليم وفي خطوات صحيحة أبقي دوري على أن تعرفي أن كان يحبك أم لا !!!

أقبلي مني كل احترام وتقدير لشخصك الغالي
النــــــــــــــــــــــ ــــعمة معــــــــــــــــــــــك

[اللة يرعانى]

صلى وربنا يرشدك ويدبر حياتك

[larasmy]

اقولك الحب عامل زي المبني بيتبني طوبه طوبه.اول طوبه انه يكون ابن حقيقي لربنا .تاني طوبه انه العقل يكون موافق يعني يكون ينفع يتجوز دلوقتي و انتي كمان في سن جواز . تالت طوبه يكون متبادل و يستحسن هو اللي يبدا يحاول يقرب و انتي تعامليه باحترام عشان تعرفوا بعض كويس بعيوبكم و مميزاتكم . لما تعرفوا بعض كويس بالعيوب و المميزات و يكون في شعور متبادل بالحب منكم يبقي ده حب حقيقي. يبقي دلوقتي ده مجرد اعجاب بشخص و ليس حبا الحب بيجي بمعرفه عميقه هدفها الزواج في اطار الخطوبه و معرفه الاهل.اما حكايه ال11 سنه دي فانا شايفه انه مش فرق كبير اوي. المهم ما تفكريش فيه الا لو هو حاول يبدا اول خطوه عشان يتقدملك . دا رايي وانتي صاحبه الراي في الاخر

[البرنسيسة رانيا]

با شكركم على مروركم وانا احول فعلا اعمل زى ما قولتو thanks very much............

[كراكيب]

بصي ياستي انا اولا عاوزك تتاكدي انتي بتحبيه ولا لا لان جايز جدا تكوني مبتحبهوش مجرد اعجاب بصفة فيه والاعجاب لايعني حب انما يعني مودة يمكن تكوني شايفة في حاجات كويسة لكن اكيد الحاجات دي موجودة عند ناس تانية فانتي لو قدامك الاتنين يعنب بطريقة اسهل لو انتي عندك اكتر من اختيار وكل الاختيارات متساوية ايجابيا واختارتيه هو يبقي نسبة حبك ليه عالية
طيب لو اتاكدتي من حبك ليه فكري ف ظروفه وف حياته الخاصة واعتبري نفسك متجوزاه وشوفي هتبقي سعيدة ولا كانت تجربة وعدت
طيب لو لقيتي نفسك هتبقي سعيدة اذن متضيعيش وقت عشان مصلحتك خدي خطوة ايجابية طبعا مقدرش اقولك روحي قوليله انا بحبك لكن اعرفي مفاتيحه فين وادخلي بطريقة كويسة واحذري تعبري بطريقة يخليه يكرهك وفكري في فرق السن تاني وافتكري انه لما يوصل لسن الستين هتبقي انتي لسه ممكن يتقال عليكي شباب ربنا معاكي

[imported_nana_god]

انا شايفة ان سنة كبير يعنى التفاهم بينكم هيكون صعب وخصوصا بعد كام سنة حاولى تتاكدى اذا كانت مشاعرك حقيقية والا لاء وبعدين انتى بتقولى انك مش عارفة اذا كان بيبادلك نفس المشاعر والا لاء لازم تحزمى الموضوع متسبيش نفسك وربنا معاكى

[thered flower]

بصى انا شايفة انك متسرعة فى حكمك انك بتحبيه لان فرق سن 11 سنة كبييييييييييييير جدا بينكوا ممكن جدا يكون مجرد اعجابك به فى شئ كنت تبحثين عنه ووجدتيه فيه فاحسست بانك تحبيه ولكن هو مجرد اعجاب بشخصيته او بصفة معينة فيه صلى لربنا واكيد هيقف معاكى ويبينلك طريقك الصحيح واحاسيسك الصادقة

[mrmr246810]

بصى يا رانيا مع احترامى للى حاسين انه فرق السن 11 سنة كتير لا هو فرق السن مش كتير ومش هو اللى هيوقف الدنيا
لكن انا من رائى انك طالما انتى اللى حاسة بحب من ناحيته وهو مش مصارحك بحاجة يبقى حاولى انك تنسيه وتخرجيه من حياتك لحد ما يبان بعدين هو بيحبك ولا لأ
لان ممكن اوى تتعلقى بيه اكتر من كدة وتتفاجأى فى يوم بخطوبته من واحدة تانية ووقتها بجد هتتعبى
عاوزة اقولك نقطة تانية :
انك ممكن تكونى اصلا موهومة انك بتحبيه وممكن يكون اعجاب وبس فحاولى تسيطرى على نفسك وتختبرى نفسك انتى فعلا دة حب ولا اعجاب؟؟؟؟
وربنا يوفقك ويرشدك
صلى من اجلى
اختك مرمر