سامحني ... أنا آسف !
ساعات كثير بنضايق ناس بكلمة أو تصرف مننا ..
بقصد أو من غير قصد ..
وساعات كثير بنظلم ناس وندخل في نفوسهم ضيق وهم لا يعلمه إلا الله ..
ممكن برضو نكون قاصدين .. أو مش قاصدين ..
لكن المُحصلة في النهاية واحدة .. وهي اننا بندخل الحزن والألم والهم في قلب إنسان تاني ..
بدل ما نحاول نسعده ونسعد معاه وبيه .. بنجرحه ونظلمه و نؤلمه ..
للأسف احنا مش بنتردد لحظة اننا نعمل كدة ..
وللأسف أكثر اننا لما نحب نعتذر أو نطلب السماح بنتردد ونفكر ألف مرة ( حتى لو احنا الغلطانين )
مع اننا أحوج ما نكون إلى السماح و أحوج ما نكون إلى الغفران من البشر اللي غلطنا في حقهم أو حتى هما اللي غلطوا في حقنا !!
علشان ربنا يغفرل لنا .. ويغفر لهم ..