أوقات بتبقى مع صديق
ويقولك
تعرف تكتب أغنية زى أغنية تامر بتاعت كذا ؟
أو تعرف تكتب ترنيمه زى ترنيمة فاديه بتاعت كذا ؟
وممكن يجى السؤال أقوى وفيه تحدى أكتر
ويقولك
فاكر لما عمرو دياب قال ورجعت من السفر ؟
تعرف ترد عليها ؟
وتكتب على لسان بنت حبيبها سافر وسابها ومارجعش ؟
أهو
بتحصل وبنبقى فى مواقف معينه
محتاجه سرعة تنفيذ وبردو محتاجه يكون الشغل عالى
طيب مانجرب هنا وناخد كدا فكره ونعمل الموضوع دا لكدا
أنا هنزل دلوقتى أغنيه
وهطلب من حد يرد عليها بأغنيه تانيه
وهو لما يرد
يختار اللى يكتب بعده
وهكذا
أوضح أكتر
أنا هكتب دلوقتى أغنيه
وبطلب من أستاذ عماد حسنى يرد عليا بأغنيه عكسها تماما
يعنى تكون زى رد عليها
وبعدا ما أستاذ عماد هينزل أغنيته اللى بيرد بيها على أغنيتى
يقول إكتب يافلان
هيروح فلان كاتب بدون التقيد بأى فكره
هينطلق وينزل بشعر ويختار اللى يرد عليه ويحدد نوع الرد
هنشتغل ونفهم أكتر لما الموضوع يمشى ويستمر
وللامانه الفكره دى مغشوشه من منتدى تانى وجبتها علشان نستفاد
نبتدى إن شاء الله
شعرى اهو وعاوز الاستاذ عماد حسنى يرد عليه بسرعه
سامحينى
يا غاليه عليا ونبض حياتى
يا حاسه بقلبى وسامعه سكاتى
والله على عينى
بُعدك يا نور عينى
أرجوكى سامحينى
يا نور لياليا
مكتوب على عينى
الدنيا ترمينى
وترّسى مراسيا
على بر مش ليا
كل اما اجيب سيرتك
بفتكر
الفرحه والاحزان وسهرى مع طيرى
قاتلنى خيال صورتك
وانتى
بالطرحه والفستان قاعده مع غيرى
عارف ساعتها هغير
لكنى عندى ضمير
وهسيبك مع غيرى
واطمن وارضى ضميرى
والدمعه والاحزان
هيبقوا خطوط سيرى
لا بأيدى ولا بأيدك
دى دنيا مالكانا
وراسمه سكتنا
نفرح تبكينا
نحلم تصحينا
نصرخ تسكتنا
نرسى تغرقنا
نوصل تتوه بينا
نعشق تفرقنا
وتشل خطوتنا
مشاهدة صفحة طباعة الموضوع
أرسل هذا الموضوع إلى صديق
[] عاوزين القسم انشط من كده ..ادخل واختار اللى هيرد عليك (ارجو التثبيت)
المواضيع المتشابهه
العرض الشجري