كرسى الاعتراف

bolalover · كُتب : [ 06-23-2008 - 06:38 PM ]

اولا اهلا بيك مدحت حيران و شكرا علي اسئلتك القليلة دي

اهلا بيك يابولا ونبدا بشوية اسئلة نون كدة
اوكي انا معاك اهو

عرفنا عن نفسك من خلال البطاقة الشخصية ومتنساش حاجة
طيب ثانية واحدة اطلع البطاقة من المحفظة ....
بص يا سيدي
الاسم : بولا (( شحات المنتدي ))
العنوان :24 ش الشحاتين محافظة ارثوذكس
المهنة: طالب
النوع : ذكر اوي يعني
الديانة : ابن المسيح
الحالة : اعزب و مش عايز اجوز و مش طايق البنات
السن : 18 عام فقط لا غير (( حد يزود ))
رقم البطاقة : 0000000000000
لديك 3 باقات ورد لمن سوف تهديها ؟
اول باقة : لوالدي الله يرحمه
ثاني باقة : لاحسن ام في العالم كله والدتي
ثالث باقة : لبيتي التاني منتدي ارثوذوكس
ماهو ترتيبك بالعائلة ؟
ترتيبي وسط اسرتي هو الاخير لاني اصغر واحد في اخواتي
وماهى محصلتك الدراسية ؟
لسا طالب في كلية تجارة

وإلى أين تريد أن تصل ؟
اريد ان اصل الي ملكوات السموات

هل سبق ان شاركت في منتديات اخرى ؟
اكيد اه علشان اتعلم و اخد خبرة في مجال المنتديات

هل مازلت تشرب الحليب قبل ان تنام ؟
مبحبش اللبن اساسا يا عمنا و مكنتش بشربه و انا صغير بس ممكن اكله او اشربه في وسط حاجه يعني مثلا رز بلبن

موقف محرج حصل لك.
مممممممممممم
اها افتكرت .. كنت في يوم تعبان جدااا و عيان و عندي برد و سخونية و مسكت الموبايل بتاعي علشان اتصل بوالدتي اقولها تيجي لاني فعلا مكنتش شايف قدامي و مسكت الموبايل و اتصلت بواحدة صحبتي غلط و خرفت معاه في الكلام خاالص و ده كان الحوار تقريبا الي دار بنا
انا : ماما انا تعبان تعالي
صحبتي : انا مش ماما يا بولا في ايه مالك
انا : طيب اديني ماما عاوز اكلمها ضروري
صحبتي : يا ابني مفيش ماما هنا دا موبايلي انا
انا : انتي سرقتي الموبايل بتاع ماما كمان
صحبتي : انا مسرقتش حاجه بس مفيش ماما هنا
انا : طيب لما تيجي ماما قوليلها انا تعبان و عايزها
صحبتي : يالهوووي والهي دي مش نمرة ماما
انا : امال مين انتي
صحبتي : انا مرمر
انا : مرمر بتاعة العسل
و بس تقريبا ده الي حصل و عرفت كده تاني يوم من صحبتي لما حكتلي علي كل حاجه و كان منظري وحش خالص

موقف طريف حصل لك.
بامانة مش فاكر اي موقف طريف ناو خالص و مظنش اني اساسا بعدي علي مواقف طريفة

ماهو عملك الحالي ؟
طالب

هل ضربك أحد امام الناس ؟ .. و لماذا ؟ و من كان الفائز ؟
ههههههههه هي مرة واحدة بس كنت بتخانق مع ذبان وشي بس للاسف هو الي فاز في الاخر
هههههههههه

اين كنت تجلس في الفصل ايام المدرسة ؟ في الامام حيث المجتهدون ام في الخلف مع اصحاب المشاكل ؟
بصراحة كنت بقعد قدام في اول دكة و دايما كنت ببقا انا رائد الفصل بس لما دخلت ثانوية عامة بوظت خالص

اذا اتصل عليك شخصا لا تعرفه و هددك بقتلك عند خروجك من المنزل هل ستخرج ؟
هخرج طبعا لانه هيريحني من حاجات كتير بس قبل ما اخرج هتصل باب اعترافي يجي البيت عندي اعترفله و بعد كده هخرج بقلب جرئ

شخص لا تريده و اتصل عليك و لم ترد ثم اتصل عليك بعده مباشرة برقم آخر وأجبت ما موقفك ؟
عادي خالص مفيش مشاكل هقوله مش عايز ارد عليك و ايه السبب بس

نسيت التليفون في طاولة مطعم .. ثم عدت الى الطاولة لتبحث عنه .. و وجدت على الطاولة اشخاص معهم تليفونات بنوعية تليفونك .. ماذا تفعل ؟
اكيد انا يعني عارف تلفوني كويس حتي لو النوع واحد هقولهم ده تليفوني و انا نسيته هنا قوليلي لا مش بتاعك هبلغ و مش هسيبهم يخرجوا من المطعم و لو قالي هات دليل ان ده تليفونه هقوله طيب هات انت تليفونه و ارن علي تليفوني علشان يصدق بس

دعوت صديقك تحترمه و تستحي منه في افخم مطعم في المدينة و عند الحساب تتفاجأ بأن رصيدك ( صفر ) و صديقك ينظر اليك .. ماذا تفعل ؟
حاجه من الاتين هقوله ادفع انته
لاما هقوله روح انت و انا هقوم اغسل الصحون و البلاط بتاع المطعم

اتمني يا مدحت ان اجابتي تكون عاجبتك

bolalover · كُتب : [ 06-23-2008 - 06:40 PM ]

هو سؤال واحد عشان مغتتش عليك
اهلا بيكي يا نيرو انتي تقلي برحتك عادي يعني هي هتيجي عليكي يا شيخة
دخلت قصه حب وفشلت ؟مين السبب انت ولاهى؟
اه و السبب هي
والسبب ايه؟
ظروف خارجة عن ارادتنا
اقرب شخص ليك فى البيت؟
امي

جوسى · كُتب : [ 06-23-2008 - 07:30 PM ]

اجاباتك جميله يا بولا بس كمل

bolalover · كُتب : [ 06-23-2008 - 07:36 PM ]

اهلا اهلا
استاذ بولا بنفسة على الكرسى
منور يا استاذ شحات
انا هعمل معاك الواجب
و الواجب لغايت ماتقوم من على الكرسى
دول كدة تصبيرة عقبال الباقى

اهلا بيكي يا اختي
لا بجد تصدقي بتفهمي في الواجب و ايه واجب متكامل بجميع الاصناف و بكل الاشكال
ربنا ينتقم منك

--------------------------------

الأسئلة الشخصية
لا ليكي حق تصنفي اه مش واجب متكامل
الاسم: بولا (( شحات المنتدي ))
العمر :: 18 عام
تاريخ الميلاد : 9 / 4 / 1990
من أي بلدة : الزقازيق
الطول : ثانية هقوم اقيس طولي و اجيلك ..........180 سم
ترتيبك في العائلة : الاخير
لون عينك : عادي بس هو داخل علي عسلي
لون شعرك : اسود
فصيلة الدم : هبقا اسئل في الموضوع ده و اقولك
ايه تخصصك : الشحاته
كم عدد اخوانك : 2 ولاد
لون البشرة : مررمورة حرام عليكي بقا عندك 50 الف صورة ليا علي المنتدي يا ستي ههههههه

الأسئلة النفسية

ماذا تفعل في مثل هذه الحالات
الحزن: الكتمان في النفس
الاكتئاب: البعد عن الناس و نادرا ما يحدث
الخسارة: التفكير في كيفية تعويض هذه الخسارة
إذا جرحك اعز أصدقاءك في كلامه فماذا تفعل؟
لانه اعز اصدقائي فاكيد هعتبه
ماذا تفعل إذا أحسست انك عبء على الآخرين؟
البعد عنهم
متى تعصب؟
عندما اشعر بالضيق و كثرة الغباء سواء مني او من غيري
هل تفكر قبل القيام بأي شيء؟
فعلا انا من النوع الي مبحبش اعمل اي حاجه من غير تفكير
ايه الامنيه الى نفسك تحقاقها بس حسس انها صعبه ؟
التمثيل

أسئلة الآراء
رحمتك وسعة يارب

1 ماذا تعني لك
الصداقة: بدونها لا يوجد حياة اجتماعية للشخص
الوحدة: اصعب لحظات تمر علي الانسان في حياته و تجعله يقع تحت اخطاء كثيرة
الحزن: اكتر من الفرح و دائما يكون مفيد جدااا للشخص
الحب: بدونه لا يوجد حياة
الشجاعة: مطلوبة دائما لاستمرار حياتك و فرض شخصيتك
التهور: مشابه للغباء
الغباء: اغبي حاجه بصراحة
انفصام الشخصية: محير جدااا و مقبلنيش قبل كده
الغرور: غباء شخصي للفرد
الشهرة: زيادتها من الممكن انه يوصل للغرور ولاكن الشهرة من ضمن اسباب التواصل في النجاح
التميز: مطلوب للوصل للمجد
القوة: مش في كل الحالات لاكن وجودها ضروري
الجهل: اصعب صفة ممكن يتصف بيها انسان
السرعة: مطلوبة اووي بس بذكاء و عدم تهور
اللامبالاة: برود غبي
الهدوء: برود ذكي
النوم: سرير و مخدة
الشر: حاجه وحشة
الخير: حاجه حلوة
مساعدة الآخرين: اكتر حاجه بتسعدني
ما رأيك بالذي يضحي بنفسه من أجل الآخرين و هو على علم بأنهم لن يقدرو جهده في حال فشله
بايع القاضية خالص بس من جواه محبة كبيرة و اكيد في يوم هيقدروا الي هو بيعملوا علشان ربنا مبيرضاش بالظلم
ما رأيك بالذي يقول أكثر مما يفعل
عيل بوق علي الفاضي
ما رأيك بهذا الكلام
إذا كان السكوت من ذهب فالكلام من الماس
السكوت اغلي من الكلام و المقولة لو اتعكست تبقا افضل
التكرار يطفش الشطار
اها دي مقولة صح و انصح بيها كل ام علشان تقولها لاولدها الي في ثانوية عامة بالذات
قم للمعلم و اشرب الكوكولا كاد المعلم أن يكون دراكولا
ههههههههه انتي بتجيبي الكلام ده منين يا بنتي
عموما انا بحب البيبسي فمش هقدر اعلق علي المقولة دي

أسئلة التفضيل
اللهم ما خدها يا رب
الحيوان المفضل: الكلب لانه اوفي الحيوانات
الأكلة المفضلة: المكرونة البشميل
اليوم المفضل: الخميس و الثلاثاء
الوقت المفضل: من الساعة 1 بليل لحد 6 الصبح
اللون المفضل: الي بكتب بيه ده

الأسئلة الأدبية
يا ستي و انا مالي انا و مال الادب .... لما نشوف ايه اخرتها معاكي
الكتاب إلي عجبك أكثر شيء
مش فاهم انتي عايزة ايه
هل قرأت قصص لأغاثا كريستي و ما هي القصة التي أعجبتك من قصصها
انا كنت عرفت عنها معلومات عن طريق النت بس مش قرتلها حاجه
هل تحب الشعر
مين مش بحب الشعر
هل تحب الخواطر
حسب نوعية الخواطر
هل تحب تأليف القصص و الروايات
الكوميدية فقط
ما هو نوع القصص الذي تفضله(تاريخ،أكشن،كوميدي الخ)
كم صفحة تقرأ في اليوم(جميع الكتب)
ولا صفحة و مش كل يوم
كم ساعة تخصص للقراءة
ولا ساعة بس طبعا بقرا كتير من علي النت
هل تحفظ العديد من الحكم و الأمثال
لا اطلاقا هما كام مثل كده و بس
ما هي الحكمة أو المقولة أو المثل الذي تفضله
بكره نقعد علي الحيطة و نسمع الظيطه
ما رأيك بهذه الحكم
إذا كان الكلام من فضة فالسكوت من ذهب
صحيحة مليون الميه
في التأني السلامة و في العجلة الندامة
اه حلوة
لا تجــــــــــــــــعل مشاعــــــــــــــرك أرضا يـــــــــــــــــــداس عليها
بــل أجعــــــــــــلها سماء يصعـــــــــــــــب الوصـــول إليها
حلوة برده
من يضحك أخيرا يضحك كثيرا
لا دي علط لان الي بيضحك في الاخر مش هيضحك تاني
الدفاع أحب طرق الهجوم
متبقيش تتفرجي علي كورة كتير
الوقت كالسيف إذا لم تقطعه قطعك
علي كده انا متقطع لــــ مية مليون حته
ما طار طير و ارتفع إلا مثلما طار وقع
بعد اذنك ممكن الترجمة
أن لا تعيش خير لك من أن تعيش و كأنك لا تعيش
عيش من ذهب

أسئلة الأكل
الهي يا رب تجوعي طول حياتك من الي انتي بتعمليه فيا ده
الأكلة المفضلة: مكرونة بشيميل
الشراب المفضل: النسكافيه و البيبسي
كم مرة تاكل في اليوم 2 لان مفيش فطار عندي
أيهما تفضل الفواكه أم الخضروات الفواكه
ايه رايك بالطعام الياباني و الصيني لو صيني هيبوظ بسرعة لو ياباني ماشي بس يبقا سوني
هل تاكل باليد أو بالملعقة و السكين و الشوكة
لو في البيت هاكل عادي بالمعلقة و او ايدي زي كل الناس
بس لو في مطعم بالشوكة و السكينة

أسئلة الالوان

لون باب غرفتك: ابيض
لون جدار غرفتك: اصفر في بني
هل تفضل السماء عندما يكون لونها ازرق أم احمر أم اسود: ازرق
هل تحب قوس قزح؟ شنو الالوان إلي يتكون منها(ههههههه) : اه حلو
ايه لون فرشاة أسنانك
احمر

أسئلة المدرسة
يارب صبرني و بلاش تجبلي جالطة دلوقتي
المواد المفضلة
الرياضيات
هل تكره المدرسة
لا اكره المدرسة
موقف خاص حصل لك في المدرسة
لا اتذكر بكل امانة
كم مرة هربت من المدرسة
اكيد امال ايه لزمة الثانية العامة
هل تغيب بكثرة عن المدرسة
مكنتش بغيب خالص في ابتدائي و اعدادي
ايه رايك بهذي المواد
الفيزياء: عايزة جمجمة
الكيمياء: عايزة ذكاء
الاحياء: عايزة بوليس الاداب
الرياضيات: بعشقها في الظلمة
العربي: بكره اهله
الدين: مسيحي انا
الجغرافيا: كنت بحبها زمان
التاريخ: بجد بعشقه بس في النور
الجيولوجيا: اسمع عن رخمتها
الانجليزي: نيس

أسئلة الألعاب
هو انتي ايه مكنة اسئلة .. عاملة زي الارانب صحيح
اللعبة المفضلة في المنتدى
الامبراطور
أسئلة رياضية
ماشي و بعدين يعني
هل تحب الرياضة
اكيد طبعا اه
هل توقف إلى جانب منتخب بلادك في مبارياته
ههههههه اه طبعا يا بنتي دا منتخب مصر ام الدنيا
النادي المفضل
الــزمـالـك
اللاعب المفضل
هنري
ايه رايك بمادة الرياضة
حلوة
ايه النشاطات الرياضية إلي تقوم بها
كورة القدم .. السباحة .. تنس الطاولة

مواقف

أذكر لي موقف مضحك حصل لك
كتير اوي و اعلبهم من صحابي بس حاليا غير متذكر
موقف محرج حصل لك
قولته في اسئلة مدحت حيران
موقف محزن حصل لك
اكتشاف الخيانة من اعز احبابي
موقف سعيد حصل لك
سعيد مات من زمان
موقف الحظ وقف فيه إلى جانبك
كنت هتخطف و انا صغير بس حظي ان الي كان هيخطفني طلع غبي و عدي بيا من قدام ابويا و ابويا مسكه

الأعضاء

من العضو إلي نفسك تتضرببه دلوقتى
بصراحة انتي طبعا
العضو المقرب بالنسبة لك
كوكو و بوبا
أعضاء مفضلين
بجد اغلب اعضاء المنتدي اصدقاء ليا عن قرب سواء ولاد او بنات و لو قاعد اكتب اسامي الاعضاء المفضلة مش هخلص هقعد من هنا لبكره
من العضو إلي دايما يحاول يرفع ضغطك
حاليا انتي

من العضو إلي تعطيه لقب المغرور
الدرهم المفقود اخو ابنة بربارة
من العضو إلي تعطيه لقب خفيف الدم
الماجيك
من العضو إلي تعطيه لقب الغامض
الناي الحزين
من العضو إلي تعطيه لقب المشهور
ميكي
من العضو إلي تعطيه لقب الشرير
لا يوجد طبعا
من العضو إلي تعطيه لقب الطيب
روفا
من العضو إلي تعطيه لقب المسلي
مانو
من أول عضو عرفته في المنتدى
قمر 14
من العضو إلي تبقى تعرف عنه أكثر
الناي الحزين
من إلي عرفك بالمنتدى
واحد صحبي اسمه مينا و هو مش بيدخل اطلاقا علي المنتدي ولا مشترك فيه

أسئلة الهوايات
بت انتي انا هقتلك خلصي
ايه هواياتك : التمثيل
ايه أغرب هواية شفتها : القتل

أسئلة الأفلام

من هو الممثل المفضل بالنسبة لك : ذهب
من الممثلة المفضلة بالنسبة لك يسرا

البلدة إلي تحبها اليكس
البلدة إلي تكرهها شبين الكوم
كم مرة تعرضة للخيانة ثلاثة مرات
إذا تعرضت للخيانة ايه شعورك لحظتها حزن غباء ندم حاجات كتير
هل تؤمن بوجود صداقة حقيقية اكيد لاني بعشها

يارب تكون انبسط
بصراحة انا انبسط اوي بجد مش هزار و اسئلتك فيها المرح و فيها الي فكرني بلحظات صعبة في حياتي

بس هما مش كتتير بس كان لازم اعمل معاك الواجب ولسة لغايت ماتقوم هبقى اكمل بعيدن

يالهووووي هو انتي لسا هتكملي بعدين
اشوف فيكي يوم يا مرمورة
ههههههههه

bolalover · كُتب : [ 06-23-2008 - 07:38 PM ]

اقتباس

المشاركة الأصلية كتبت بواسطة نيرو

يالهوى حرام عليكى معلش استحمل

ربنا يخليكي يا نيرو علي شعورك الحلو ده
و انا مستحمل لاني مبسوط باسئلتكم و باجمل اخوات ليا

bolalover · كُتب : [ 06-23-2008 - 07:39 PM ]

اقتباس

المشاركة الأصلية كتبت بواسطة sawsaw

يا خبر ابيض الواد هيموت فى ايديكو
انا مشهسال كفايا عليك دول

هو انا لسا ممتش يا سوسنة
عليه العوض بقا
بس بجد انا مبسوط
و اسئلي يا اختي يعني هي هتيجي عليكي

bolalover · كُتب : [ 06-23-2008 - 07:40 PM ]

اقتباس

المشاركة الأصلية كتبت بواسطة اسامه سمسم

ههههههههههههههههههه
يالهو ربنا يكون فى عونك
اى مساعده انا تحت امرك

ربنا يخليك يا اجمل اسامة
شكرا ليك يا جميل
بس بيني و بينك انا منفوخ هنا
ههههههههههههههه

بنت الراعي · كُتب : [ 06-23-2008 - 07:45 PM ]

بص بقي يا بولا انا هااسال اسئله قليله اوي
ايه اكتر حاجه بتعيطك ومش بتقدر تحوش دموعك فيها
عمرك غنيت بصوت عالي امتي وليه
عمرك حسيت احيانا انك محتاج تعقد في ركن لوحدك تعيط ليه
امتي اخر مره اتخانقت مع حد وصالحته ازاي
ايه اكتر حاجه ندمت عليها
ايه الحاجه اللي تمنيت بشده انها تحصل وللاسف محصلتش
بس يا بولا كفايه كده مؤقتا ومنور الكرسي

bolalover · كُتب : [ 06-23-2008 - 07:45 PM ]

ازيك يابولا ويارب تكون بخير
اهلا بيك يا سامو باشا
تعالى يانجم
ولا نجم ولا حاجه يا عم دا انا حتت شحات ولا راح ولا جه
1-ياترى انت راضى عن حياتك؟ ولو لا ايه السبب؟
الحمد الله راضي عنها
2- اكتب ملحوظه صغيره لولد وبنت من المنتدى؟
توني : ياريت ترجع تركز معانا في المنتدي من تاني
قمر 14 : وحشتينا موووت و نفسنا نشوفك تاني
3-ايه اكتر حاجه بتحب تعملها غير النت؟
التمثيل
4-نفسك تبقى ايه فى المستقبل؟
ممثل
5- هل انت قريب من ربنا؟
الحمد الله بحاول اكون قريب علي قد ما اقدر
6-ايه رايك فى الصداقه بين الولد والبنت؟
في نظري الشخصي لابد منها و بعتبرها زيها زي الصداقة بين الولد و الولد او البنت و البنت

كفايه كده لحين وصول افكار جديدة
في انتظار افكارك يا جميل
و شكرا علي اسئلتك
و علي تنازلك عن الكرسي ليا في الاسبوع ده

جوسى · كُتب : [ 06-23-2008 - 07:48 PM ]

ههههههههههههههههههههههههه هههههههههههههههههههههه

كمل يا بولا انا مستنيه ردودك بجد عجبانى موووووووووووووت

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
( كلمة منفعة ) اب الاعتراف	اشرف وليم	كتب وأشعار قداسة البابا شنودة الثالث	0	12-29-2011 09:16 PM
اهمية الاعتراف للتوبة	اشرف وليم	التأملات الروحية والخواطر الفكرية	2	06-10-2011 06:53 PM
ما ينبغي أن لا يكون في أب الاعتراف - الجزء 8	aymonded	الطقس الكنسي الارثوذكسي	8	09-15-2010 12:56 AM
مرشد لمحاسبة النفس قبل الاعتراف	nana222	التأملات الروحية والخواطر الفكرية	12	06-12-2009 11:34 PM
لماذا الاعتراف للكاهن	marooooo	الطقس الكنسي الارثوذكسي	7	08-03-2008 12:26 AM

		†† ارثوذكس †† > كل منتدايات الموقع > المنتدى الترفيهى > الالعاب والمسابقات بين الاعضاء
كرسى الاعتراف

	تذكرنــي