[nona queen]

أنا فاعل ولا مفعول به؟؟

فاكرين يا جماعة دروس العربي؟؟

الفاعل مرفوع بالضمة والمفعول به منصوب بالفتحة.. فاكرين الكلام ده؟


أيام ما كنت في المدرسة لفت نظري حاجة ظريفة قوي.. هي العلاقة بين الفاعل والمفعول به..
ملاحظين إن دايما الفاعل هو اللي بيكون متفوق على المفعول به؟؟
الفاعل دايما بيكون مسيطر والمفعول به غلبان وبيقع عليه الفعل وبس.. يا حرام!!


لاحظ كده مثلا الجمل دي:



أكل "عماد" التفاحة..

"عماد" هو اللي ماسك التفاحة الغلبانة وبياكلها.. مين المسيطر هنا؟؟


كمان مثال

ذاكر "عماد" المهرجان..

طبعا المسيطر هنا هو "عماد".. هو اللي ماسك المهرجان وقاعد يقراه.. مين فيهم متفوق على التاني؟
دي مقدمة بس للكلام اللي عايزه أقوله ليكم النهارده..
يا ترى إنت فاعل ولا مفعول به؟؟



هل أنت فاعل؟


عشان تكون ناجح في حياتك لازم تكون (فاعل) وليس
(مفعولا به)..
كده بكل بساطة..

فيه ناس بتعتبر نفسها دايما (مفعول به) طول الوقت.. وناس تانية بتعتبر نفسها (فاعل) مهما حصل..

والنوع التاني ده هم اللي بيكونوا ناجحين في حياتهم.. عايزين توضيح أكتر؟


الشخص (المفعول به)


هو الشخص الذي لا يذهب لعمله لأن الدنيا بتمطر!

هو الشخص الذي يظن أنه دائما ضحية الظروف.. وأن من حوله وما حوله هم سبب شقائه وبؤسه..

أمثلة من مقولاته:


- أنا لو كنت في بلد تانية كان زماني نجحت.
- المدير بتاعي هو سبب تعبي.
- أنا رسبت في الامتحان عشان المدرس ما بيعرفش يشرح.
وغالبا الشخص ده بيكون فاشل.. لأنه مجرد مفعول به.

الشخص الفاعل:


هو الشخص الذي يحضر شمسية ليذهب لعمله لو الدنيا مطرت!

هو الشخص الذي لا تتحكم فيه الظروف، بل هو الذي يتحكم بها.. وأن أي عقبة في طريقه هي مجرد تحدٍ آخر له يجب أن يواجهه ليصل لهدفه..

أمثلة من مقولاته:


- أنا هانجح رغم كل الظروف.
- سأصلح علاقتي بالمدير الجديد أو أجد وظيفة أفضل.
- المدرس لا يشرح جيدا.. هذا يعني أن أهتم بالمذاكرة أكثر لأفهم الدرس.
ودايما الشخص الفاعل ده بيكون ناجح في حياته وبيصل لكل اللي هو عايزه..



حكمة:

يجب أن تؤمن دائما أن حياتك من صنعك أنت وليست من صنع الظروف التي حولك.. وأن العقبات وجدت في طريقك كي تواجهها وتتخطاها لا لتستسلم..

عشان كده لازم تؤمن تماما أن حياتك دي إنت المسيطر عليها تماما.. وإن إنت سبب نجاحك أو فشلك.. فكر في الموضوع من الزاوية دي: كل اللي بيحصل لك بسببك إنت, مش بسبب أي حاجه أو حد تاني.. إنت اللي بتصنع حياتك مش الظروف..

كفاية كلام عن الظروف والبلد والأقدار.. إنت اللي بتصنع حياتك وإنت اللي لازم تواجه مشاكلك وتحلها.. لأن ماحدش هيحلها ليك غيرك إنت... لأنها –ببساطة– حياتك إنت مش حياة حد تاني..

علشان كده في أي موقف أو مشكلة تواجهك في حياتك اسأل نفسك السؤال ده:

أنا فاعل ولا مفعول به؟؟

منقوووووووووووووول

المصدر: †† ارثوذكس †† - من قسم: الموضوعات الشبابية

[eng_fofa]

امممممممممم
حكاية فاعل ولا مفعول به دى محتاجه كلام كتير
لان صدقينى احيانا بتلاقى الواحد فى مواقف فاعل واحيانا كتير نفس الشخص فى مواقف تانيه بيبقى مفعول به غصب عنه
لان احيانا الظروف بتبقى ضده
هو كل اللى مطلوب مننا اننا نعمل اللى علينا ونطلب من ربنا انه يكمل
مفيش حد بيتمنى انه يكون مفعول به كل بيتمنى انه يكون فاعل لكن فى حاجه مهمه مش لازم ننساها وهى
العجز
اللى بيبقى اقوى من اى محاولات للنجاح
موضوع جميل يانونا
ميرسى ليكى ياقمر

[samornotika]

ميرسى يانونا ع الموضوع الحلو دة ربنا يفرح قلبك

[fadylave]

لكل قاعدة شواز..فيه مثل بيقول بات مفعول ولا تبات فاعل قصدي بات مظلوم ولاتبات ظالم..

[لينا ميخا]

ميرسي موضوع رائع