[الامير الحزين]

السلام على اجمل اعضاء فى الدنيا
اعضاء ارثوذكس الذين احبهم

لانهم عائلتى اخواتى واصدقائى وصديقاتى

مش عارف ابدء موضوعى من فين

لكن انا هسيب مشاعرى تتكلم
انا ملاحظ فى منتدى ارثوذكس ان فى بعض الاعضاء واضعين صورة رمزية وصورة توقيع لهم
صورة رومانسية سواء كان مشهد من فيلم او الخ
وفى البعض الاخر واضعيين صورة للممثل الفلانى او مطربة الفلانية

وفى بعض الاخر واضع صورة شخصية

نبدا بالصورة الرومانسية
هل يليق بمنتدى مثل منتدى ارثوذكس فى قيمتة وحجمة الدينى وموضعاتة الشيقة التى يقدمة اعضائة
ان نضع صورة مثل هذة الصور
او نضع صورة شخصية لاى عضو

وانا ليا تحفظ على الصورة الشخصية لان مش كل اللى بيدخل ارثوذكس بيكون مسيحى وممكن الشخص اللى يدخل المنتدى احتمال ان ياخذ هذة الصورة من منتدانا ويستغلها استغلال سى قصدى الفوتوشوب

انا هنا ليس قاضى ولا انصب نفسى حاكما عليكم ولا استطيع ان ادين اى عضو فيكم

انا مثلى مثل اى عضو فى ارثوذكس يحبة ويخاف على المنتدى وعندة غيرة

وانما احب اعرف لماذا تضع صورة كهذة فى منتدانا
انا بتكلم مع الفئة من الاعضاء الذين يضعون الصور التى لا تليق بمنتدانا

بصراحة انا زعلان علشان كدة سالت الاستاذ ايمن وطبعا هو معروف لدينا وغنى عن التعريف
سالتة لماذا يفعلون ذلك ولماذا ادارة المنتدى لم تاخذ موقف اتجاة ذلك فاجاب عليا وارسل رسالة وقال فيها الاتى

معلشي يا جميل سبق نبهنا مراراً وتكراراً بمحبة وهدوء بس الناس فاكرنا بنتدخل في حريتهم الشخصية وبيزعلوا وبيشتكوا لأنهم غالباً مش فاهمين أو مش قادرين يميزوا ما بين المنتدى والمنتديات الأخرى ، فماذا نفعل يا جميل ، ولو مسحنا احنا الصور هاتبقى مشكلة أكبر لأن بكده يبقى احنا بنجبرهم انهم يفعلوا شيء غصب عنهم ويفتكرونا اننا بنحد من حريتهم ، وعموماً لازم يكون الموضوع جاي من داخلهم ، لأنهم مش ممكن يميزوا الأمور إلا لو كان هناك رؤية داخلية واضحة ، وربنا يهدي يا رب ...

أشكرك على غيرتك الحلوة اللي اتمنى أنها تكون عند الجميع ، النعمة معك يا محبوب الله الحلو

بعد قراءة الرسالة اعتقد انك تشعر ان ادارة المنتدى خائفة على شعور الاعضاء
ولكن هل الاعضاء خائفيين على المنتدى
اصدقاء وصديقاتى
هل نحن ك مسيحيين فقط نتدخل ارثوذكس ولا فى غيرنا بيدخل ويريد ان يتعلم والاخر يريد ان يهدم
هل الاعضاء الجدد الذين سجلوا فى ارثوذكس قريبا والاعضاء والاشخاص الذين يودون ان يصبحوا
اعضاء فى ارثوذكس
عندما يشاهدوا هذة الصور ماذا يفعلون
اعتقد ان البعض يريد ان يقلد لان فى اعضاء واضعيين الصورة يصبح الموضوع مفيش حاجة غلط
العضو الجديد بيقلد وبيشوف صورة مطرب بيحبة علشان يرفعها الى المنتدى
ونصبح قدوة لهم لكن الاسف قدوة غير حسنة
احبائى
هل انتم موافقين على رفع الصور مثل هذة الصور
انا كنت اريد ارفع مع موضوعى هذا بعض الصور ولكن فكرت لا اريد ان اجرح احد
الاعضاء الذين يرفعون الصور كهذة لماذا يرفعونها
صدقونى فى صور جميلة جدا
صور قديسيين صور شهداء
صور اولا اخيرا مسيحنا
ومااكثر هذة الصور
وفى ايضا صور اطفال جميلة جدا
لماذا نظهر اما الضيوف بالمظهر لا يليق بنا
لماذا نكون قدوة غير حسنة

عايز اعرف دلوقتى العيب فى مين فى المنتدى الذى اعطى الحرية ولا فينا نحن الذين لا نعرف استخدام هذة الحرية

ارجوكم تشاركونى ومش عايز اى عضو يغضب منى انا بحب الاعضاء كلهم فى ارثوذكس بس بحب اكتر دينى وارثوذكس
منتظر ارائكم

المصدر: †† ارثوذكس †† - من قسم: الموضوعات الشبابية

[aymonded]

أشكرك على اهتماك الحلو يا أحلى أخ غالي
كما أرجو من الجميع أن يعرفوا أننا لم ولن نتدخل في حريتهم الشخصية وهذه مجرد ملحوظة للانتباه ليس إلا ، وفي النهاية كل واحد منكم حرّ ولن نتدخل في اختيار توقيعات الناس على الإطلاق ، وقد نبهنا منذ فترة بعيدة عن هذا الوضوع ولم نرد أن نكرر التنبية لئلا نكون مكثرين في التنبيهات ونسبب في مضايقاتم يا أروع إخوة احباء ، أقبلوا منا كل حب وتقدير ، النعمة مع جميعكم آمين

[armia1987]

انا مع استاذ ايموند والامير الحزين لان كلامهم صح شكرا على الموضوع الحيوى ده

[mena awad]

اضم صوتى وبكل قوه للامير الحزين لان عنده حق فى كل اللى بيقوله وصدقونى المشاكل الكبيره بتبتدى بحاجه هايفه اقصد موضوع الفوتوشوب وكلكم فاهمين طبعا يارب نحكم عقلنا شويه

[الامير الحزين]

المشاركة الأصلية كتبت بواسطة aymonded أشكرك على اهتماك الحلو يا أحلى أخ غالي كما أرجو من الجميع أن يعرفوا أننا لم ولن نتدخل في حريتهم الشخصية وهذه مجرد ملحوظة للانتباه ليس إلا ، وفي النهاية كل واحد منكم حرّ ولن نتدخل في اختيار توقيعات الناس على الإطلاق ، وقد نبهنا منذ فترة بعيدة عن هذا الوضوع ولم نرد أن نكرر التنبية لئلا نكون مكثرين في التنبيهات ونسبب في مضايقاتم يا أروع إخوة احباء ، أقبلوا منا كل حب وتقدير ، النعمة مع جميعكم آمين

شكرا على مرورك يااستاذنا
ويارب نحكم عقلنا شوية
ونعرف العيب فى مين يارثوذكس
مرورك على الموضوع اعطى لها اضافة جميلة واشراقة مبهرة

[الامير الحزين]

المشاركة الأصلية كتبت بواسطة armia1987 انا مع استاذ ايموند والامير الحزين لان كلامهم صح شكرا على الموضوع الحيوى ده

شكرا على مرورك
واجو الاعضاء يتفهموا الموقف
شكرا ارميا على مرورك الجميل على الموضوع

[الامير الحزين]

المشاركة الأصلية كتبت بواسطة mena awad اضم صوتى وبكل قوه للامير الحزين لان عنده حق فى كل اللى بيقوله وصدقونى المشاكل الكبيره بتبتدى بحاجه هايفه اقصد موضوع الفوتوشوب وكلكم فاهمين طبعا يارب نحكم عقلنا شويه

شكرا على مرورك
وارجو من باقى الاعضاء يشعروا بخطر الفوتوشوب
مرورك اسعدنى ونور موضوعى
ربنا يبارك حياتك

[menalouka]

فعلاً كلامكم صح الصح
وياريت كل إخواتنا اللى فى المنتدى يعملوا بيه بمحبة
ومحدش يكون زعلان
وربنا يبعد عننا الكراهية وحب الذات وربنا يديم محبتنا

[ابانوب حربي]

هو كلامه صح انا بصراحه حده فتره ورصوه مش مسحيه وانا اسف بس غيرته من زمان
ويرد الاعضاء كله يعمل كده
وشكرا علي الموضوع الرائع ده

[ماروجيرافك]

احنا فعلا يا امير اكلمنا كتير في الموضوع ده وبصراحه محدش رد

في انتظار رد اصحاب التواقيع
منعا للاحراج