[jakleen]

سلام ونعمة

أولا أحب أقول لكل اللي يدخل يقرأ الموضوع للاخر !!! علشان مايفهمش الموضوع غلط !!! معلش الموضوع طويل شوية
+++

وندخل في الموضوع على طول

على النت بتقول بتحبها طب إزاي ؟

شاف أول حرف شافت أول حرف ... حبها من أول حرف؟؟؟

عجبه لون خطها عجبه نوع الخط اللي عاملاه
عجبتها النيك نيم بتاعه عجبتها الصورة اللي هو حاطه

وقال ماشي هي خلاص اللي أنا عايزها وبحبها

وقالت هو ده فارس أحلامي وبحبه

+++

أنا عارفه إن كل اللي هايخش يقرا ها يستغرب الموضوع أوي والعنوان كمان ,

بس اى حب فى الدنيا بيبقي مبنى على اسس وانا هجيب ابسط الاسس ونطبقها على الحب ده

1-معـــرفه جيده(شكل -اسلوب-طباع)
2- صدق ومشاعر حقيقيه
3- توافق

نشوفهم بالتفاصيل بقي:

1-المعرفه

أ- الشكل:
انت تعرف شكلها؟؟ شوفت صورتها اه.... واثق منين انها دى صورتها !!
طب بالوصف يمكن مش وصف حقيقي
شوفتها يبقي كده نقطه
لكن لو مشفتهاش كده حاجه ناقصه من بدايه العلاقه

ب- اسلوب:
دى بقي هتقدر تحددها ازاى من الشات
نفترض شوفتها مره هتقدر تحدد اسلوبها ازاى مع اصحابها يمكن اللى بتعاملك بيه ده مش اسلوبها الحقيقي نفترض شوفتها كتير كده يبقي عرفت اسلوبها لكن لو مشفتهاش يبقي متعرفهاش واعرف انه مش حب

ج- طباع:
فى النت طبعا كل واحد بيحاول يظهر اجمل ما عنده ... انا مؤدب واخلاقى عاليه ومش بحط سيجاره ف بوقى وهو احتمال يكون مدمن اساسا انتى هتعرفى منين!!!!!!!
والطباع دى بقي مبتظرهرش من مره ولا اتنين دى لازم مواقف جامده ومحتاجه وقت
لكن لو مشفتوش اساسا ازاى هيبقي حب بجد !!!!!!

+++

2 -صدق ومشاعر حقيقيه

أ- الصدق:
دى نقطه مهمه جدا فى اى علاقه على النت او بره لكن بره ممكن تحسيها من نظره عين من كلمه او من حركه لكن النت!!!!!!!!!!!!
ازاى دى بقي هتحسى الصدق ؟؟؟ لنفرض انكم شوفتوا بعض هتقدروا تحددوا مين الصادق ومين الكذاب ...
هتقدروا تحدووا عيوب ازاى ؟؟؟

افرض مشفتوش بعض هيبقي حب ازاى كده بالعقل !!!!!

اللى بيحب بيبقي نفسه يشوف حبيبه دايما تخيلى هيبقي حب ازاى وهي مشافتوش اساسا وازاى بيقولها بحبك واحنا منعرفش بعض لا شكل ولا اسلوب ولا طبع ولاحتى عارفه هو صادق ولا لا

اسمحلي/اسمحيلي أقول مش حب ده وجع قلب وحيره جامده

3-التوافق

دى نقطه اهم من كله
عرفتى منين انه متوافق معاكى ؟؟؟ ميمكن واحد شغال فى سايبر وبيقولك انا ابن مش عارف مين وعربيتى نوعها كذا ولا يمكن بواب متمدن بيقعد على النت وبيقولك انا فى الفيلا بتاعتنا!!! منتي مشفتيش هتعرفى منين بقي...

طب خلينا نفرض انك شوفتيه وطلع استايل ونضيف او حتى عادى مناسب معاكى مش شرط كده
مستواه العلمى متناسب معاكى هتقول اه عرفتى منين وانتى مشفتيش؟؟؟ بالأحساس يعني؟؟؟

طب ومستواه الاجتماعى بيقولك انا ساكن فى حته نضيفه وهو ساكن فى منطقه بيئه هتعرفى منين هتمشي وراه بقي؟؟
ولا اصحابه ميمكن مصاحب ناس وحشه دى هتعرفيها منين وكذلك مع الاولاد هتعرف منين!!!

كل ده وكمان ازاى هتقدرى تحدددى مدى التوافق الفكرى وانت متعرفيش طبعه ولا اخلاقه !!!!
.................................................. ...

يا جماعه الحب مش كلمه سهله
الحب احساس مش سهل نحسه بلاش نخلى مشاعرنا رخيصه لاى حد منعرفوش !!! كل حاجه ليها وقتها ... انت مش بتخش الجامعه غير لما تعدى على الابتدائى والاعدادى والثانوى صح؟؟ الحب برده كده ليه وقته الصح

كتير بنحب فى اوقات غلط واحنا مش حاسين ومش بنحس ده غير بعد مننجرح بلاش نخسر اجمل مشاعر جوانا
...

في الاخر انا عايزه أوضح ان النت ممتاز جدا في توصيل المشاعر الصادقة وبيسهلها جدا بين اتنين يعرفو بعض بجد والصدق فعلا موجود بينهم وطبعا مابيكونش العلاقة بتاعتهم مبنية على النت ومن النت وكل عيشتهم على النت وعايزيين يفضلو يحبو على النت بس!!! نووو

لا هانقول انة وسيلة زيادة لتقريبهم ببعض يعني بعد مايشوفوا بعض ويعرفوا بعض ... ممكن يكلموا على النت برده ... والميزة انهم فعلا من الاول صادقين فهايكون النت وسيلة ذهبية ليهم

وانا شوفت في الحقيقة امثلة بضرب بيها المثل في الحب لانهم بنو من الاول علاقتهم الحقيقية على الصدق

لكن لو مبني على كذب من الاول هايكون وسيلة غلط وهايضيع الطرفين
+++

دول شوية اسئلة ياريت تسأل نفسك قبل ماتوهم نفسك إنك بتحب!!!

هل انت متاكد ان ارتباطك عاطفيا من النت نابع من الصدق منك ومنها؟؟؟
هل انت متاكد معـــرفه جيده(شكل -اسلوب-طباع)؟؟؟؟
هل انت متاكد من التوافق؟؟؟؟

وطبعا أهم أساس وأهم سؤال... هل ربنا هو الترف التالت في العلاقة ده؟؟؟ هل العلاقة ده مبنية عليه وبيه؟؟؟ ولا إيه؟

لو عرفوا وبنوا علاقتهم بكل الاسس دي اكيد هاتنجح

سوري طولت عليكم قوي

م
ن
ق
و
ل

المصدر: †† ارثوذكس †† - من قسم: الموضوعات الشبابية

[abanoobwadie]

هاااااااااااااااااااااااا ااااااااااااااااااااااى
المضوع جميل بس طويل اوى
ومن الاخر دة عمرنا ما نقول علية حب ده بيكون محاولة شاب للايقاع بفتاه ساذجة حتى ينجح وياخد غرضة وبتتنتهى الحكاية هنا
وعايز اقول حاجة ان مفيش شاب هيتجوز وحدة عرفها من النت ابدا ولو كانت ملاك
وانا مش موافق على حكاية المستوى الاجتماعى لان فى شباب كتير مستواهم الاجتماعى ضعيف افضل من كثير جدا مستواهم عالى
aba

[eng_fofa]

موضوع راااااااااااائع ياجاكلين
وطريقة عرضك للموضوع جميله جدا
واحنا اتكلمنا ف الموضوع ده كتير قبل كده
بس صدقينى اوقات الانسان مهما الناس تنصحه
بردو بيحب يجرب كل حاجه بنفسه
ميرسى ليكى ياقمر

[jakleen]

المشاركة الأصلية كتبت بواسطة abanoobwadie هاااااااااااااااااااااااا ااااااااااااااااااااااى المضوع جميل بس طويل اوى ومن الاخر دة عمرنا ما نقول علية حب ده بيكون محاولة شاب للايقاع بفتاه ساذجة حتى ينجح وياخد غرضة وبتتنتهى الحكاية هنا وعايز اقول حاجة ان مفيش شاب هيتجوز وحدة عرفها من النت ابدا ولو كانت ملاك وانا مش موافق على حكاية المستوى الاجتماعى لان فى شباب كتير مستواهم الاجتماعى ضعيف افضل من كثير جدا مستواهم عالى aba

سامحني يا ابانوب طولت عليكم كتير... وأنا معاك في كل كلمة قلتها... لكن كان قصدي من مستواهم الاجتماعي هنا الكذب - لما يقول أنا مستوايا الاجتماعي علي لكنه مش كده خالص... وأكيد عامةً المستوى الإجتماعي مش هو اللي بيحدد الشخصية... مرسي كتيررر لمرورك بجد بجد اسعدني ... ربنا يباركك

موضوع راااااااااااائع ياجاكلين وطريقة عرضك للموضوع جميله جدا واحنا اتكلمنا ف الموضوع ده كتير قبل كده بس صدقينى اوقات الانسان مهما الناس تنصحه بردو بيحب يجرب كل حاجه بنفسه ميرسى ليكى ياقمر

ردك اللي فعلا فرحني كتير يا أجمل فوفة !!! وفعلا اتكلمنا عن الموضوع ده كتير لكن مفيش مانع نتكلم عليه تاني ويكون في توعية كل شوية... ربنا يباركك ويحفظ على ولاده... مرسي كتير يا جميلة

[لينا ميخا]

موضوعك جميل جدا ياجاكلين واحنا محتاجين فعلا لعرض الموضوع دة مرات كتيرة لان في بنات بتنسي الكلام دة فلازم يفضل قدام عينيهم
وانا من رايي ان الموضوع دة يتثبت
ميرسي ياقمر ع المواضيع الجامدة دي

[jakleen]

المشاركة الأصلية كتبت بواسطة لينا ميخا موضوعك جميل جدا ياجاكلين واحنا محتاجين فعلا لعرض الموضوع دة مرات كتيرة لان في بنات بتنسي الكلام دة فلازم يفضل قدام عينيهم وانا من رايي ان الموضوع دة يتثبت ميرسي ياقمر ع المواضيع الجامدة دي

شكرا يا لينا يا عسل لمرورك الرائع ده... وفعلا محتاجين نفكر حتى نفسنا إن مش أي حد نكلمه ومش أي حد نفتحله قلبنا ... والكلام ده برده شامل للولاد برده... مرسي يا جميلة لمرورك فعلا اسعدني كتير ... ربنا يباركك ويحافظ على ولاده ... j

[menalouka]

الموضووووع دا فعلاً جامد يا جاكى
وكلامك فعلاً واقعى جداً ومفهوش أى حاجة غلط
ميرسى على الموضوع الجامد دا

[جانيت سمير]

جميل جميل جدا الموضوع
وكل حاجة فية صح بس ياريت حد يسمع
ميرسى كتير يا قمر

[jakleen]

المشاركة الأصلية كتبت بواسطة menalouka الموضووووع دا فعلاً جامد يا جاكى وكلامك فعلاً واقعى جداً ومفهوش أى حاجة غلط ميرسى على الموضوع الجامد دا

لمرورك اللي أجمدددددددد يا mena ... ربنا يباركك ويحافظ على ولاده ... مرسي ليك

جميل جميل جدا الموضوع وكل حاجة فية صح بس ياريت حد يسمع ميرسى كتير يا قمر

يا رت يا جميلة بجد... اديني بقرفكم كل شوية بـموضوع عن الموضوع ده ويا رب بجد الكل ياخد حذر... ربنا يباركك يا جميلة...

[جانيت سمير]

اديني بقرفكم كل شوية بـموضوع عن الموضوع ده
انتى ربنا يبارك حياتك وتعملى اكتر من كدة بس بلاش تقرفينا دى
ربنا يبارك فى خدمتك