[magdy totti]

بسم الاب والابن والروح القدس الاله الواحد امين

اازيكم ياا اخواااتى اناا عاارف انى بتقل عليكم
بس باا امانه غصب عنى فى موااضيع كتير جداا ومحتااج ااعرف راايكم وبسرعة
والمشااكل فعلناا كتير جداااا
فعل ورد فعل رقم
12

مختلف انااا عااايز كل وااحد يتخيل اناا صااحب المشكلة صديق او ااخ ..............الخ
عاايز كل وااحد يقول نصحيته اية
الموضوع يختلف عن بااقى الموااضيع لكن لايقل اهمية عن باقى السلسه
القصة وماا فيهااا

بنت اتقدم ليها شاب

والشاب دا تربطهم صلة قرابة

كان دايم الزيارات ليهم بسببب ومنغير بسبب

ومعاملتة ليها كانت فى غايةالزوق والرقة

وكان مبينلها انو انسان مفيش زية

وبعد ما اتقدم هى وافقت من مبدأالمثل

اللى بيقول

اللى نعرفة احسن من اللىمنعرفوش

وجة وقت الكلام عن تحديد موعدالخطوبة والشبكة والجهاز و..... الخ

المهم الاسرتين اختلفو مع بعض

فى حكاية الشبكة والجهاز

فالبنت رفضت لانها لقت انو داخلمش حب ليها هو داخل طمع فيها او بمعنى انها قريبتىهترضى بالامرالواقع

او بمعنى القريب اولى من الغريب

او القريب هيرضى بالقليل

المهم بعد ما اترفض الشخص دا

وهو ماشى من عندهم

اهلة قالو لاسرة البنت احنا

نتمنالها الخير بس لو جة حد احسن من ابننا هنفرحلها انما لو العكس متزعلوش مننا

؟؟؟؟؟؟؟

والوش التانى للشخص ظهر

طلعو فى البنت وقالو عنها كلام كتير

قالو انها متكبرةمغرورة

وبتبص لفوق قوى وطالبة طلباتفوق الخيال

وبقت سيرة على كل لسان فىالعيلة

البنت دى كرهت الارتباط وبقتب ترفض كل اللى بيتقدملها لانها خايفة يكون زى الاول

والموقف يتكرر

تنصحوها بإية؟؟؟

وكماان

فى المستقبل يعنى

ان لو اتقدملها حد اقل منمستوى الانسان اللى كان متقدملها الاول

توافق ولا لا ؟

المشكلة زى ماا تبعتت وعاايز ااعرف ااية رايكم وااية النصيحة اللى تنصحوهااابيهاا

واى استفساار عن ااى شى

اناا تحت امركم ومستعد للرد

ويااريت اللى عنده مشكلة وعاايز يعرضهاا فى فعل ورد فعل

يبعتلى على الرسائل الخاصة

فعل ورد فعل 1

فعل ورد فعل 2

فعل ورد فعل 3 حلقة خاااصة

فعل ورد فعل 4

فعل ورد فعل 5

فعل ورد فعل 6

فعل ورد فعل 7

فعل ورد فعل 8 كارثة

فعل ورد فعل 9

ف ورد ف 10 عاجل

فعل ورد فعل 11

المصدر: †† ارثوذكس †† - من قسم: الموضوعات الشبابية

[Team Work®]

فعلا الموضوع مهم جدا جدا وفى غاية الاهمية اشكرك جدا واتمنى من الجميع المشاركة وشكرا

[ماروجيرافك]

شوف يا مجدي انا معاك انها لازم تخاف شويه من كلام الناس لان للاسف بيكلموا كأنهم بيتهمو الي قدامهم
لكن ارجع واقول طول ما البنت واثقه من ايد ربنا الي ممدوده ليها وواثقه في نفسها يبقي خلاص متديش للموضوع اكبر من حجمه
وصدقني ياما مشاكل كتير بتحصل في المواضيع دي ولما بتنهي الانسان بيضحك علي الايام دي لما يفتكرها
شوفي ثقي في ربنا ومدام انتي صح يبقي متتعبيش نفسك بكلام الناس لانهم مثلا لو اخترتي حد اقل مستوي هيقوله شوفه اهي الي عامله نفسها حاجه جالها مين ولو اخديت حد اعلي مستوي هيقوله اه ده الكلام كان صح دي فعلا متكبره
يعني في كلا الحالتين هيكلمو حاصل تحصيل يعني
واخير لكل شئ تحت السماء وقت هي بس تنسي الموضوع القديم وكأنه لم يكن
ربنا معاها ويدبر كل امور حياتها

[emmmy]

بص يا مجدى طبعا انت مش بتقل ولا حاجة احنا كلنا بنشكرك على محبتك واهتمامك باخواتك دى حاجة
الحاجة التانية البنت دى صاحبة المشكلة غلطت فى حاجة انها وافقت على الشخص دة لمجرد مبدا اللى نعرفة احسن من اللى منعرفوش يعنى اية ازاى يعنى ؟؟؟
وانتى يا عزيزتى صاحبة المشكلة انتى حبتية ولا لا حاسة انك عايزاة ومستعدة نقضى باقى عمرك معاة ولا هو مجرد قريب واخ مش اكتر وافقتى بناءا على اية عايزة افهم ؟؟ لو كنتى بنتيها صح على الحب والتفاهم كانت النتيجة هتكون افضل من كدة بكتير
وصدقينى كويس انك ماخدتهوش دا من ترتيب ربنا ومحبتة ليكى لانك مش بتحبية والدليل اللى حصل لو كنتى بتحبية كنتى هتتنزلى انتى شوية وتقنعقى اهلك مضضغطوش فى الطلبات انا مش عايزة كذا وكذا ممكن يجى براحة بعد كدة وهو لما يشوف قناعتك وتضحيتك هيعمل المستحيل علشان يرضيكى ويفوز بيكى --- الموضوع كلة من الاول مش صح ومش حلو بصراحة
اما بقى حكاية خوفك وكرهك للارتباط فدى مجرد حالة نفسية وهتزول بسرعة بس بشرط انتى متحبسيش نفسك فيها ابدا انا مش هقولك متزعليش علشان اكون صادقة معاكى انت عندك حق وانا لو مكانك اكيد هزعل وهتعب نفسيا كمان بس هعتبر ان دة ترتيب ربنا لى لانة بيحبنى واكيد شايف حاجة انا مش شايفاها وعارف انى هتعب لو كنت ارتبطت بية صدقينى كل الاشياء تعمل معنا للخير للذين يحبون اللة حاولى تخرجى من دائرة احزانك وميهمكيش كلام الناس الناس فى الاحوال بتتكلم ومش بسكت خالص بكرة هينسوا ويزهقوا ويدورا على حاجة جديدة يتكلموا فيها وانتى بصفاتك الحلوة اثبتى عكس كلامهم للناس كلها عملا مش قولا وربنا مش هيسمح باذيتك لو طلبتى منة التدخل فى حياتك سلمى قبلك وعمرك ومستقبلك بين ايدية وهو هيقودها لبر الامان ولاحسن مما كنتى عايزة وبتتمنى كمان
ولو اتقدملك واحد اقل فى المستوى اذا كنتى تقصدى المستوى المادى مش مشكلة ياما ناس كتير بدات صغيرة وكبرت وبنت مستقبلها بالجهد والكفاح ولو انتى شاركتى فى الكفاح دة بالصبر والايمان هتكونى سعيدة وراضية عن نفسك
الموضوع لا يستحق انك تتعبى علشانة انتى اهم من كنوز الدنيا كلها دا اميرة بنت ملك الملوك ورب الارباب يسوع المسيح ازاى تخافى اعرفى وصدقى ان من جواكى ان الف واحد يتمناكى بس انتى ترضى وتوافقى يا حبيبتى
وربنا معاكى يفرحك و يدبر حياتك للخير والصالح


مرسى يا مجدى لمحبتك مرة تانية

[بنت الراهب الصامت]

انا رأيى مع مارو انها تحاول تنسى الموضوع
بس فى حاجه البنت بتتعرض ليها كرامتها واحساسها بعد المشكله دى
مش ممكن يتنسو الا لو فكرت ان دة يكون بترتيب من ربنا ليها وان دة اللى عايزة ربنا
ولازم كمان متخافش من كلام الناس
لان على راى مارو الناس فى كلا الحالات هتتكلم
فبقولها متخافيش واشكرى ربنا انها جت على اد كده وكمان من قبل الخطوبه ولا كانت فعلا هتبقى مشكلة
وربنا معاكى

[جاسيكا]

بأمانة ارائكم كلها جميلة فعلاً
وانا مش هعرف اقول اكتر من اللى قولتو
ورايى مع مارو فعلاً فى الحالتين هيتكلمو عليها لانهم
مبيبطلوش كلام
وايمى كمان كلامها صح هى غلطت
انها وافقت من باب المبدأ دا
وانا مع بنت الراهب فى اللى قالتو
بس فى حاجه البنت بتتعرض ليها كرامتها واحساسها بعد المشكله دى
لان الكلام دا من اقرب الناس ليها
وهى اتصدمت فيهم لانها كانت فكراهم اقرب الناس اللى بيحبوها وخايفين عليها واتصدمت وطلعو بتوع مصلحتهم زى ما بيقولو
بامانة بيكون صعب قوووووى ان حد يحس الاحساس دا
لكن ربنا يبعد عننا اى احساس وحش
ويرتبلها الخير يارب
ويسعدها ويسعد كل البنات والولاد
امين

[my_life]

ارائكم كلها جميله
رائى مارو وايمى ونانا وجاسيكا حلو اوى
بص يامجدى
الارتباط مفيهوش القريب احسن من الغريب
ولا المثل اللى بيقول زيتنا فى دقيقنا
الكلام دة مينفعش فى ارتباط
لان انتى هتوافقى وهتختارى شخص هتعيشي معاه طول عمرك
لازم تحسي معاه براحه وامان وانه هيصونك ميتعبكيش فيما بعد
لان بأيدك انتى اللى هتختارى حياتك من بعد ترتيب ربنا
لان ربنا مقالش ارمى نفسك فى التهلكه وقول يارب انقذنى
ربنا قال جعلتك ياعبد بصير انتى شايفه كل حاجه قدامك متخليش حاجه تأثر عليكى
واحمدى ربنا انها جت لحد كدة وانك لسه فى اول السكه
وانسي اى حاجه حصلت وكأنها محصلتش علشان تقدرى تعيشي ايامك زى مكانت
الناس مش سايبه حد فى حالها اتخطبتى هيتكلموا اتجوزتى هيتكلموا
انجبتى اطفال او مأنجبتيش برضه هيتكلموا لانهم مش سايبين حد فى حالهم مهما كان
انتى انسي واى شخص من اللى بيتقدملك ارتاحتى معاه وحسيتى انك متفاهمه معاه يبقى اقبلى
لكن مش معنى ان مستواه اقل او اعلى دة على حسب راحتك انتى متسمعيش لكلام الناس
لانك يوم ما توقعى محدش هيسمى عليكى كله هتلاقيه بعيد ومش هيساعدك
ربنا معاكى ويرشدك للصالح
ميرسي ليك يامجدى
وربنا بجد يبارك حياتك ويعوضك خير لشعورك بأخواتك ومحبتك واهتمامك بيهم
ربنا يكون معاك

[kottah_sh]

موضوعك جميل يا مجدى وفيه بنات كتير بتتعرض للموضوع ده
انا بس عايزه اعرف حاجه صغيره
انا فهمت اول جزء لكن التانى ده لا

اهلة قالو لاسرة البنت احنا
نتمنالها الخير بس لو جة حد احسن من ابننا هنفرحلها انما لو العكس متزعلوش مننا

يعنى ايه متزعلوش مننا؟
ياترى هترسى على انهم يقولوا كلام كده وخلاص
ولا يعملوا حاجه يضايقوا البنت مثلا
او يقفوا فى جوازها

لو على الكلام انها مغروره ومتكبره والحاجات دى
فمن رأيى انها ترمى ورا ضهرها ولا كأن حد قال حاجه
ولازم تكون واثقه فى نفسها
لما يجى عريس يتقدم هيسأل ناس كتير جدا
مش واحد ولا اتنين
مش معقول كل اللى هيسألهم هيقولوا نفس الكلام
اكيد الاراء هتختلف

ولو هيكون الموضوع اكبر من كلام
يببقى تروح لكاهن معروف عندهم فى العيله ويتكلم معاهم
ويوقفهم عند حدهم

نصيحتى لصاحبه المشكله انها تكون واثقه فى ربنا
واختياره الصح ليها مهما كان
وتكون واثقه فى نفسها جداااااااااااااااا
طول مانتى صح يبقى متخافيش

ربنا معاكى ياقمر وينورلك طريقك
وميرسى يامجدى

[اسامة ابن المسيح]

الاخ العزيز مجدي شكرا ليك على محبتك واهتمامك بمشاكل الاخرين ربنا يعوضك كل خير

وشكرا ايضا لمجموعة الاراء والنصائح الجميلة اللي انا متفق معها جميعا .

بالنسبة لأختنا الحبيبة صاحبة المشكلة نستطيع ان نضع المشكلة في عدة نقاط
النقطة الاولي . اختيارك من البداية كان خطأ لانك لم تسلمي موضوع ارتباطك لربنا من الاول ولكن اعتمدتي علي انطباعك الشخصى وعلي مبدأ اللي نعرفة احسن . وطبعا انتي شفتي النتيجة علشان كدة في خطوة الارتباط القادمة بأذن المسيح لازم تسلمي هذا الموضوع برمتة بصدق وبأمانة وثقة لربنا وهو اكيد اكيد ها يختار لكي الخير

النقطة الثانية.انت لم تنظري للارتباط بنظرة للمستقبل ولكن بصيتي تحت رجليكي واختارتي القريب وتناسيتي ان الارتباط توافق كامل بين الاثنين ولازم يتولد بينكم حب حقيقي من خلالة ممكن التنازل عن اشياء كتير وكمان اقناع الغير بكدة وبالتالي ومن خلال القصة انتم غير متوافقين ولا يوجد حب بينكم ولكن كل اللي كان بينكم ما هو الأ استسهال في الارتباط.
النقطة الثالثة . تأثير ما حدث عليكي وخوفك من الارتباط طبعا دة من حقك واكيد ما حدث كان لة التأثير القوي عليكي وعلي مشاعرك ولكن الحياة لا تقف وثقي ان كل ما يعمل يعمل للخير ولازم تثقي انى اللي انت فية دلوقتي احسن بكتير من ارتباطك بذلك الشخص ومحدش عارف كان ممكن تكون النتيجة اية دلوقتي متخافيش اكيد ربنا مرتب ليكي حاجة احسن وشخص افضل بصرف النظر عن مستواة سواء اعلي او اقل لان المهم التوافق والحب والاهتمام وصدق المشاعر والامان وفوق الكل اختيار ربنا
النقطة الرابعة . خوفك من الناس صدقيني الناس مش بتسيب حد في حالة لا تهتمي بالناس ولا كلامهم لانهم في كل الاحوال مش ها يسكتوا اهتمي فقط بحياتك واختيارك الجديد وعيشي حياتك طبيعي جدا ودايما قولي ربنا موجود واعتمادي علية .

ربنا يباركك ويكون معاكي

[magdy totti]

المشاركة الأصلية كتبت بواسطة team work® فعلا الموضوع مهم جدا جدا وفى غاية الاهمية اشكرك جدا واتمنى من الجميع المشاركة وشكرا

ميرسى هيماا على المتاابعة والتشجيع الجميل
بس كنت عاايز اعرف راايك