[zaza2006]

غريبة الناس كل الناس

وراء كل وش بتلس من تانى وش

ويقولة وش خشب وش حديد والف وش وش

وش فية رتوش واحسايس مبيزهروش

وحاجات لو تعيش او تموت مبيفرقوش

معك ومعايا شى والحقيقة شى عجيب

ازى القلب الى يحب يتولد الكرة فية

وازى رغم الوداعة نخفى بركان غضب

ولما نفرح نطير فى السماء لفوق السحاب

وفى لحظة الحزن يكسرنا ونستخبا وراء الف باب وباب

والغريب والعجيب نرجع وننسا الى كان ولا كانة كان

نرسم بسمة وضحكتنا تعلا تكسر ببان

ونزين وشوشنا ونرجع نلبس وش الانسان

غريبة الناس كل الناس

وراء كل وش فى الف وش وللحقيقة متعرفش

مساء الفل على احلى اعضاء

النهاردة ميعاد اللقاء الحادى عشر لبرنامجنا النهاردة ميعادنا مع عضوة جميلة جدا وهادية وكتير نفسه يتعرف عليها هي

العضوة




بنت الراهب الصامت



اهلا بيكي يانانا نورتي البرنامج فالبداية نحب نتعرف عليكي اكتر

الوجه الاخر : اسمك ؟

نانا: نانا

الوجه الاخر : سنك؟

نانا: 27 سنة

الوجه الاخر :المؤهل؟

نانا: معهد فني

الوجه الاخر : ايه هي هواياتك؟

نانا: كتابة الشعر والنحت على الزجاج

الوجه الاخر : مين هو مثلك الاعلي؟

نانا: مفيش

الوجه الاخر : ايه هى صفات شخصيتك؟

نانا: مش عارفه

الوجه الاخر : ليه يانانا صعب تحددى صفات شخصيتك؟

نانا: مش عارفه بجد يمكن علشان مش بحب اتكلم عن نفسى كتير

الوجه الاخر : ايه هى صفات شريك حياتك؟

نانا: يكون بيحب ربنا وبيخافه ويكون بيحبنى

الوجه الاخر : ايه هو الحلم اللى كان نفسك تحققيه وفشلتى؟

نانا: انى اروح الدير

الوجه الاخر : هل انتى شايفه ان ليكى اكتر من وجه؟

نانا: تقريبا لا

الوجه الاخر : ايه الكلمة اللى نفسك تحذفيها من قاموس حياتك؟

نانا: الخيانة

الوجه الاخر : ليه بنحس ان نانا فيها شوية من الغموض؟

نانا: ههههههه لا صدقينى انا عادى ليه حستى بكده؟

الوجه الاخر : عندى احساس انك بعيدة عن الناس ووحيدة ياترى ايه السبب؟

نانا: لا بالعكس انا بحب الناس ومش وحيدة زى ما انتى متخيلة لانى عشريه اوى المشكلة ان الخدمة وخدانى شوية ومش بدخل كتير ولما بدخل يدوب اشوف ايه اللى ورايا فالقسم وامشى لان بجد مفيش وقت وكمان النت كل شوية بيعملها فيا بس مش اكتر

الوجه الاخر :هل نانا من السهل تحكى اللى جواها؟

نانا: فعلا ومش لاى حد ممكن احكيله

الوجه الاخر : ايه اكتر حاجة بتشغل تفكيرك؟

نانا: لما اموت هل هروح السما واقعد مع ربنا ولا لا بمعنى اخرتى هتكون فين

الوجه الاخر : ايه اصعب احساس حستيه فى حياتك؟

نانا: فراق اغلى الناس عنى

الوجه الاخر : نانا خادمة فالكنيسة ياترى ايه هدفك من الخدمة؟

نانا: نعم خادمة وهدفي اوصل المخدومين لبر الامان واعرفهم ربنا كويس

الوجه الاخر : مين اقرب عضو لقلبك فالمنتدى؟

نانا: ماروجيرافيك

الوجه الاخر : تهدي الكلمات دى لمين؟

فراقك صعب عليا
وحشتنى ايامك
بحبك

نانا: فراقك صعب عليا
لشخصية غليا عليا
وحشتنى ايامك
ماريو
بحبك
المنتدى

الوجه الاخر : نانا لو كنتى مكان البابا شنودة كنتى هتعملى ايه؟

نانا: مكنتش هعمل اكتر من اللى البابا عمله وبيعمله

الوجه الاخر : الي اى مدى بتتاثرى باللى حواليكى؟

نانا: الي ابعد الحدود بالذات لو حد جه وحكالى عن مشكلته وبكى بتأثر منها اوى

الوجه الاخر : ايه الشىء اللى نانا مفتقده فى حياتها؟

نانا: الخلوة الطويلة مع ربنا

الوجه الاخر : راضية عن نفسك بنسبة كام فى الميه؟

نانا: 80%

الوجه الاخر : نانا مرت بتجربة حب؟

نانا: ايوه وفشلت

الوجه الاخر : ياترى ايه اللى استفدتيه سوء من تجربة شخصية او من تجارب اللى حواليكي؟

نانا: استفدت حاجات كتير فى حياتى

الوجه الاخر : نانا دمعتك قريبة وسهل تبكى قدام اى حد؟

نانا: لالالالالالالا يستحيل ابكى قدام حد
الا لو فاض بيا خلاص وجبت اخرى ببكى ومش بهدى ولا بسكت
بس برضو قدام الناس اللى قريبين منى اوى زى اب اعترافى وواتنين اصحابى واختىانا مليش غيرهم اقرب تلاته ليا

الوجه الاخر : ايه هو الحلم اللى شاغل تفكيرك الفترة دى؟

نانا: بصراحة انى اروح الدير نفسى اوى فى كده

لكن خلاص حاسه انى الوقت فات لانى مريت بتجربه وفشلت ويمكن دى تكون عقبه فى سكتى

الوجه الاخر : نانا لو حست بمشاعر تجاه حد سهل تصارح بيها ولا بتفضل الكتمان؟ ؟

نانا: لا الكتمان بالرغم انه هيكون صعب عليا بس الكتمان افضل

الوجه الاخر : ايه اكبر درس اتعلمتيه من الحياة ؟

نانا: انى ادخل ربنا فى كل حته من تفاصيل حياتى
وانى مسلمش قلبى لحد بسهوله حتى ولو الحد دة كان خطيبى
لانى ممكن بسهوله الخطوبه تتفك وقلبى ينجرح
فهمتينى؟

الوجه الاخر : ايه هى الكلمة اللى تحبى تقوليها لاعضاء المنتدى؟

نانا: احب اقولهم

انه بجد وحشونى الفترة اللى فاتت

وانا بحبهم اوى اوى

الوجه الاخر : لو حبيتى تقولى كلمة لبرنامجنا تقولي ايه؟

نانا: اقول لنهى
انى بحبك اوى بجد
وبفتقدك كتير فى المنتدى لما بتغيبى
واقول ان البرنامج دة بجد تحفة وجميل اوى اوى
وميرسى ليكى كتير وميرسى لمجدى كمان
على تعبكم فى البرنامج دة لانه بيقربنا من بعض وبيعرفنا على شخصية الاعضاء
وشكرا على حسن استماعكم

الوجه الاخر : ميرسى يانانا حلقة بجد جميلة انا بجد بحبك جدا واتمنى اشوفك ديما بخير ربنا يفرحك ياجميل ويحققلك كل احلامك

ولو اى عضو حابب يوجه سؤال ل نانا يتفضل وهي هتجاوب عليكم

الحلقة دى قربنا شوية من شخصية نانا انتظرونا الحلقة

القادمة مع عضو جديد نعرف عنه اكتر واكتر
اتمنى تكون الحلقة عجبتكم


لو اى عضو حابب يكون ضيف معانا فالبرنامج يبعتلنا رسالة

انتظروا برنامج الوجه الاخر في ثوبه الجديد

قريبااااااااااااااا جدا

مع تحيات

zaza2006
magdy totti

اذكرونا فى صلاتكم

المصدر: †† ارثوذكس †† - من قسم: الموضوعات الشبابية

[dina_285]

الله عليكي يااااانهي
عرفيتينااااا شخصيه كانت غامضه بالنسبه لياااا انا كمااااااان
ومكنتش اعرفهاااا لانها بعيده عننا
وكان نفسي اعرفهااااا واقرب منها بجد لاني انا كمان
كنت بحس انها غامضه كدااااا حبتين
ميرسي يا احلي واجمل نهي انتي ومجدي
علي البرنامج الرائع داااااااا
اما بالنسبه ل نانا
تعملي ايه لما تحبي بجد وحبيبك قدامك مش بيدافع عن الحب دااا
ولا بيتحرك واقف مكانه محلك سروانتي مش عارفه
تعملي ايه خلاص عملتي كل حاجه علشان تفضلوا مع بعض
علشان متتخطبيش لغيره
ايه ردك في السؤال دا
سوري لو برخم عليكي في الاسئله بس بصراحه فرصه مش هتتكر

[nanas_2010]

نانا شخصيه جميله واتمنالها انها تحقق كل احلامها ان شاء الله
وبشكرك مره تانيه يانهي انتي ومجدي علي الحوار الجميل
وانكم كل مره بتعرفونا علي شخصيات جميله في المنتدي

[بنت الراهب الصامت]

المشاركة الأصلية كتبت بواسطة dina_285 الله عليكي يااااانهي عرفيتينااااا شخصيه كانت غامضه بالنسبه لياااا انا كمااااااان ومكنتش اعرفهاااا لانها بعيده عننا وكان نفسي اعرفهااااا واقرب منها بجد لاني انا كمان كنت بحس انها غامضه كدااااا حبتين ميرسي يا احلي واجمل نهي انتي ومجدي علي البرنامج الرائع داااااااا اما بالنسبه ل نانا تعملي ايه لما تحبي بجد وحبيبك قدامك مش بيدافع عن الحب دااا ولا بيتحرك واقف مكانه محلك سروانتي مش عارفه تعملي ايه خلاص عملتي كل حاجه علشان تفضلوا مع بعض علشان متتخطبيش لغيره ايه ردك في السؤال دا بص يادينا بجد اديكى انتى قولتيها عملتى كل حاجه علشان تفضلوا مع بعض وهو مش بيتحرك ومطنش انتى كمان طنشيه لانه لو بيحبك بجد مكنش استحمل انك تتخطبى لغيرة او هتتخطبى لغيرة دة مش اسمه حب وخلاص دى تسليه سورى يعنى سوري لو برخم عليكي في الاسئله بس بصراحه فرصه مش هتتكر

لا ولا يهمك انا تحت امرك بس يارب اكون قدرت افيدك

[بنت الراهب الصامت]

المشاركة الأصلية كتبت بواسطة nanas_2010 نانا شخصيه جميله واتمنالها انها تحقق كل احلامها ان شاء الله وبشكرك مره تانيه يانهي انتي ومجدي علي الحوار الجميل وانكم كل مره بتعرفونا علي شخصيات جميله في المنتدي

ميرسى لردك الجميل دة
ربنا يباركك

وميرسى اوى يانهى على انك خليتنى فى البرنامج بتاعك لان الناس فاكرانى غامضه كده
صدقونى عادى بس مشغوليات
هههههههههههههههههههههه

[aymonded]

نانا الأخت الحلوة الذي لوجودها مذاق خاص
بسيطة بطبعها محبة للجميع تلتزم بالصمت
تأسر المنتدى بتعليقاتها الحلوة واختيارها للموضوعات المميزة
لقاءها حلو وكلماتها رقيقة والنشاط فيها طبع مميز وحبها لله واضح
فلكِ منا كل تقدير واحترام يا أروع أخت محبوبة في منتدانا الذي مُيز بأروع أعضاء
فكل عضو يشترك معنا بالحب صار مميزاً واصبح له مكانه خاصة جداً
وبالطبع يا أجمل نانا صرتي أنشودة محبة هادئة في المنتدى
فاقبلي تقديري الخاص لشخصك الحلو
وأشكر كل من له تعب في هذا اللقاء
الذي صار لنا نغم رائع فرح قلبنا
النعمة معكم آمين

[بنت الراهب الصامت]

استاذ ايمن
بجد انا سعيدة اوى بردك فى الموضوع
ميرسى اوى على كلامك الجميل دة
ربنا يبارك حياتك

[aymonded]

المشاركة الأصلية كتبت بواسطة بنت الراهب الصامت استاذ ايمن بجد انا سعيدة اوى بردك فى الموضوع ميرسى اوى على كلامك الجميل دة ربنا يبارك حياتك

أنا اللي سعيد بالطبع جداً يا محبوبة الله الحلوة
لأني اقتربت من أجمل أخت حلوة أفتخر أنها صارت أخت حلوة لي كما للجميع
فوجودك له أثر واضح في المنتدى والجميع شهود لذلك يا محبوبة يسوع والقديسين
غنى نعمة الله تملك قلبك وتفيض سلام ومسرة

[la tristeza y el dolor]

يا نانا ياااااااااااا صريحه ,

شخصيتك طيبه اوى يا نانا و كمان عاقله ,

مكنتش هعمل اكتر من اللى البابا عمله وبيعمله

عجبتنى بجد اوى الاجابه ديه ,

ميرسى لنهى ونانا على الحلقه الجميله ديه .

[بنت الأنبا هدرا]

ميرسى اوى يا نهى
انا كنت فكرة ان نانا مش اجتماعية شوية
لكن فهمت هى لية مش بتدخل كتير
ربنا معاكى يا نانا