[جاسيكا]

ما تتجوزوش..
لو بتتكسفوا تقولوا قدام بعض كلام عبيط
لو ما عندكوش حلم مشترك
لو مش بتلاقوا نفسكوا في حواديت بعض
لو بتتكسفوا تعيطوا قدام بعض
لو ماعندكوش فضول تعرفوا عن بعض أكتر
لو ما فيش بينكم كلمة سر انتوا بس اللي عارفين معناها
لو ما بتفهموش نكت بعض وبتضطروا تضحكوا مجاملة
لو مش مستعدين تخسروا كل حاجة مقابل انكوا تبقوا سوا
لو بتزهقوا من الرغي سوا
لو مش مؤمنين بأحلام بعض أو على الأقل محترمينها
لو متقبلين بعض على أمل إنكوا تغيروا بعض بعد الجواز
لو مش ماليين عين بعض
لو مش بتحسوا بالسكن في وجود بعض
لو مش هو/ هي اللي بيخطر في بالك أول ما تحصلك مشكلة
لو مش متأكدين من موقفكم بالنسبة لكل اللي فوق دا.. أرجوكوا ما تتجوزوش

مع تحيات حملة

المشرحة مش ناقصة قتلى

المصدر: †† ارثوذكس †† - من قسم: المنتدى العام

[Team Work®]

هههههههههههه حلوه عاشت ايدك

[elphilasouf]

عاش من شافك

[جاسيكا]

المشاركة الأصلية كتبت بواسطة elphilasouf عاش من شافك

الله يخليك متشوفش وحش

[مرتمريم]

نصايح جميله حقيقى
بس الصراحه
فى ناس بتتعقد منها

[جاسيكا]

المشاركة الأصلية كتبت بواسطة مرتمريم نصايح جميله حقيقى بس الصراحه فى ناس بتتعقد منها

ربنا مايجيب عقد
بس بصراحة لو مكنش في ارتياح من كل الجوانب يبقا اية ﻻزمة اﻻرتباط
ياتبنى البيت صح من اﻻساس ويصمد للابد
يايتهد من اول خبطة
شكرا لردك

[Emar yousef]

كلامك صحيح , وبلا " الحب من النظرة الاولى" الموضوع يحتاج علاقة طويلة

[Emar yousef]

اطلاق موقع جديد من نوعه لزواج المسيحيين الشرقيين

MiddleEastChristians.comhttp://www.MiddleEastChristians.com