سلام لكم مبدئيا أنا مش عارفة ينفع أقول الكلام ده هنا ولا لأ بس جالى أحساس أنى هرتاح وانى هلاقى علاجى هنا من كتر ماسمعت عن المنتدى, انا فتاة عمرى 26سنة مخطوبة وبحب خطيبى جدا انا بكالريوس هندسة قسم communication بحب القراءة جدا والسباحة انا بس حبيت أعرفكم عن نفسى عشان تعرفونى كويس وتعرفوا ميولى.
انا فى خطية معاية من وأنا صغيرة وتعبانى جدا وانا مش مكسوفة انى أعرى نفسى قدامكم لأنى محتاجة مشورة وعلاج وهى خطية العادة السرية أأأأأأأأأأأأأأه خطية مره مره
وصدقونى أنا بكرهها جدا جدا ونفسى أبطلها,مش عارفة كنت متابعة مع أب أعترافى وبطلتها فعلا لفترة وكل ما ابعد عن الأعتراف والتداريب الروحية ال بيدهانى أبونا أرجع لها تانى وانا أرادتى ضعيفة جدا وللعلم انا مش بتفرج على اى مشاهد أو أفلام تثير الشهوة ورجعت توبت تانى وبطلت بس للأسف مرشدى ومعلمى وأبويه الروحى والدكتور بتاعى تنيح وبقيت مشتتة ومقولكوش مدى الأنحدار ال وصلتله وخصوصا من بعد خطوبتى لفارس أحلامى وحب عمرى كل كلمة حلوة بيقولهالى أو حتى مسكة أيد بتتعبنى جدا جدا ورجعت أسوأ من الأول وبقيت أشوف أفلام أباحية وبقيت أنا أل أدور على المواقع بنفسى بس أنا تعبت بجد الخطية أخدت منى كتييييييييييير ~أقصد روحيا ونفسيا ,وأكيد هايقصر عليه جسديا انا بجد بطلت كل ده من فترة قريبة بالنسبة للأفلام لكن الخطية لسه.

لا المشكلة الحقيقية انى مش عارفة أتوب وخايفة أروح عند أب أعتراف تانى يهيننى وبطل مايطيطب يضرب وعندى شعور قوى ان ربنا مش هيقبل توبتى وخلاص مابقاش يحبنى مع الرغم ان ايد ربنا كانت موجودة دايما فى حياتى وكان مدلعنى جدا كأنه مجبش غيرى انا بحبه أوى ونفسى مزعلوش وعايزة ارجع لحضنه بس هرجع له إذاى وانا كل هدومى متوسخة وأيدى مش نضيفة حتى مابقتش أقدر أبص لأى صورة ليه مابقتش أقدر أقوله بابا يسوع زى الأول حتى القديسين ال أنا بحبهم وبينى وبينهم صداقة قوية جدا بقيت خايفة منهم انا مش عايزة أرجع للخطية دى تانى وحيات الست العدرا كل ال يقرى موضوعى يصلى لى كتييييييييير
انا عايزة أتوب بجد ومرجعلهاش تانى مش عايزة أخد الخطية دى معاية لحياتى الجديدة وبيتى الجديد عايزة فى يوم عيدميلاد بابا يسوع اعرف اقوله أتفضل خد قلبى هدية عيدميلادك ويكون نضيف
وأشكركم

المصدر: †† ارثوذكس †† - من قسم: حوار من الاعماق

[mr_desigen]

ربنا يكون معاكى يارب ويعدى الفترة دى من حياتك
والموضوع دا هيساعدك جدااااااااااا
اتمنى من حضرتك تقرية
https://www.orsozox.com/forums/f158/t19080/

ربنا يكون معاكى

[aymonded]

سلام لنفسك يا محبوبة الله والقديسين ، الأخت الحلوة الذي لها دعوة سماوية للفضيلة والمجد في شخص ربنا يسوع الذي يشع فينا روح الرجاء الحي والنُصره ، لأن من آمن به ولو مات [ بالخطية ] فسيحيا ، لأن ناموس روح الحياة في المسيح يسوع يعتقنا من ناموس الخطية والموت ، وروح الحياة في المسيح يسوع يقيم نفوسنا من أشر خطايانا وأسوأ أخطاءنا ، لأن من يؤمن به لا يخزى بل يُقام في قوة ويحيا في قداسة ، لأنه يُخرج من الآكل أُكلاً ومن الجافي (الميت الذي انتن) حلاوة ...

وأن آمنتِ ترين مجد الله - وهو من أقام لعازر بعد أن مات وأنتن ....

والنصيحة الذهبية التي لابد أن تكون في ذهنك يا أختي الحلوة هي كما قال الأب صفرونيوس :
النصيحة الأولى [ لا تطلب الغفران لكي تنجو من العقاب ، أي عقاب الخطية ، بل اطلب الغفران لكي تعود إلى الشركة في الثالوث الآب والابن والروح القدس ]
النصيحة الثانية [ من يقف بعد السقوط مباشرة – إذا كانت لدية محبة – يدوم وقفوه . أما إذا كان الندم هو الذي يحركه ، فقد يسقط مرة ثانية وثالثة ؛ لأن الندم الحقيقي ليس في الخوف من العقاب ، بل في خسارة شركتنا مع الثالوث ]

ورجاء الدخول على هذا الموضوع للأهمية القصوى : https://www.orsozox.com/forums/f173/t61087/

ربنا يسوع يقيمك بقوة نعمته ، آمني فقط واطلبي اسمه القدوس ، لأنه هو من يغسل القلب ويطهر الضمير ، ولا تخافي لأن هذه الخطية ستنتهي تماماً ، وعلى الأخص بعد الزواج المقدس ، فقط ابعدي عن كل مؤثر خارجي ولا تفعلي شيء سوى الثقة في محبة الله والتمسك به للنفس الأخير ، والإصرار على أنك تكوني له ، لأنه هو حياتك ويحبك بدليل انه ترك لك حياة لتقدمي توبة وتعودي إليه ، وهو معينك وحده يا أروع أخت حلوة ...

النعمة تملأ حياتك فرح ومسرة دائمة ، آمين

[aymonded]

لنقوم بثورة على أنفسنا ولا نكف قط عن مناداته مهما كانت أحوالنا أو ظروفنا أو سقطاتنا ، ولنتقدم للاعتراف الحسن أمام الله والتوبة الصادقة من كل القلب ، ونتقدم للكتاب المقدس والإفخارستيا والصلاة بكل حب وإصرار وبلا توقف ، وإن توقفنا لا نخور بل نعود نمسك به مرة أخرى بإصرار كمن يتقدم للاستشهاد باذلاً كل طاقة فيه ...

[samo1984]

المشاركة الأصلية كتبت بواسطة aymonded لنقوم بثورة على أنفسنا ولا نكف قط عن مناداته مهما كانت أحوالنا أو ظروفنا أو سقطاتنا ، ولنتقدم للاعتراف الحسن أمام الله والتوبة الصادقة من كل القلب ، ونتقدم للكتاب المقدس والإفخارستيا والصلاة بكل حب وإصرار وبلا توقف ، وإن توقفنا لا نخور بل نعود نمسك به مرة أخرى بإصرار كمن يتقدم للاستشهاد باذلاً كل طاقة فيه ...

امين فى اسم يسوع
الرب يباركك
والرب يديكى قوة ويعلمك بالروح القدس اختى فى اسم يسوع

[اناستاسيا]

اختى العزيزة لا تقعى فى خطية اليأس من نعمة ربنا هذة الخطية مثلها مثل اى خطية اخرى
عدو الخير يدقق فى اختيار نقاط ضعفنا فاذا كانت هذة الخطية هى نقطة ضعفك فأطرحيها تحت اقدام السيد المسيح وقولى لة انا اضعف من ان يحاربنى ابليس فأمسك يدى واغلب عدو الخير معى لا تتكلى على ذاتك فى التحلص منها ولكن ضعى حياتك تحت قدمية واطلبى منة ان يحميكى من عدو الخير لانة هو ابوكى وهو المسؤل عنكى
اتمنى لكى زيجة سعيدة فى ظل رب المجد يسوع

[ادوارد ادوارد ادوارد 3]

سلام ونعمة
الاخت العزيزة :عايزك تعرفى حاجة مهمة .ربنا بيحبنا احنا
وكويسين واحنا ووحشين . لانة :لايحتاج الاصحاء الى طبيب
بل المرصى .لانه فيما هو قد تالم مجربا يقدر ان يعين المجربين.
لكن المهم ان تكون عندنا ارادة:يعنى ما ينفعش تشوفى الافلام
الاباحية لان ده هيخليكى ترتبكى كتير وتضطرب نفسيتك.
لازم تاخدى خطوة حازمة تجاه هذا الامر .
ومافيش فى كل الكتاب كلمة فشلت ابدا . لانه فيما هو قد تالم
مجربا يقدر ان يعين المجربين .
هل اتون تجربتك مرتفع عشرة اضعاف :هذا هو الوقت لرؤية الرب
وسط الاتون . خلى بالك وعده بيقول
عوضا عن خزيكم ضعفان وعوضا عن الخجل يبتهجون بنصيبهم.....
......فرحا افرح بالرب .تبتهج نفسى بالهى لانه قد البسنى ثياب
الخلاص اشعياء 61 :7-10
ياذاكرى الرب لاتسكتو ولا تدعوه يسكت حتى يثبت ويجعل اورشليم (اورشليم : قلبك ) تسبيحة فى الارض اشعياء 62 :6
اطلبى معونة الرب بكل ثقة انه حقا يستجيب
ويعوضك عن السنين التى اكلها الجراد
لارم تتقدمى للاسرار المقدسة فى اقرب وقت .
وعايزك تعرفى حاجة مهمة : ان كنا غير امناء فهو يبقى امينا
لا يقدر ان ينكر نفسه .ربنا هيتمجد ويفرح قلبك