مشكلة حب ممنوع

مساء الخير ياجماعة انا عندى مشكلة وعايز حد يساعدنى فى حلها ياريت تساعدونى ..... انا مشكلتى انى بحب واحدة -- بحبها جدا اكتر من نفسى كنت بحبها قبل ماتتجوز وماقلتلهاش بس للاسف اتجوزت ومعاها ولدين دلوقتى -- هى قريبتى ودة كان سبب انى اشوفها تانى بعد 5 سنين من جوازها بعد ماكنت قربت انساها لما شفتها اتحرك جوايا الحب من جديد وفضلت اقاوم لكن ماقدرتش ابطل حب فيها - وهى ماتعرفش - كان كل تصرفاتى معاها على اساس ان احنا اخوات بس ف الحقيقة دة حب جوايا -- هى كمان كانت بتحس احساس غريب ناحيتى والاحساس دة فضل يتطور جواها لحد مابقت تغير عليا وتتجنن لو مارحتش زرتها--- وكانت بتبين كل دة على اساس انة عادى يعنى احنا اخوات - المهم انة شائت الظروف وجمعتنا فى بيت العيلة انا وهى وجوزها واولادها - قعدنا مع بعض شهر -- القرب الزيادة دة شعللنا احنا الاتنين لحد ماجينا ف يوم قبل مايمشوا سهرنا مع بعض طول الليل وكنا مبسوطين جدا ونعسانين جدا ومش عايزين ننام ولما عينى كانت تيجى ف عنيها كانت ضلوعى بتتقطع - جة الصبح بسرعة جدا واتمنينا ان السهرة دى تتكرر تانى وفعلا تانى يوم سهرنا مع بعض واعترفتلى انها بتحبنى وانا كمان طبعا اعترفتلها ان انا مش شايف غيرها ف الدنيا ... وعرفت منها بردو انها كانت بتحبنى من زمان وبتغير عليا وشاكة ان انا ببادلها نفس الشعور ... المهم انا مش قادر اوصف انا بحبها قد اية -- انا عارف ان دة مش من حقى ولا من حقها لكن مشاعرى اتحكمت فيها كتير قوى وكتمت جوايا الحب كتير لانى عارف ان كدة مايصحش - قولولى اعمل اية المشاعر دى مش بايديا ولا بايديها .. انا خلاص تعبت وجبت اخرى وبحاول ابعد عنها لكن انا مش قادر .. وياريت ماحدش يقولى ابعد عنها - عشان انا عندى الموت اهون.