[ToMa]

موضوع مهم جدا واحب انى اشارك فيه برأيى الشخصى

مبدئياً احب اصحح معلومة صغيرة جدا فى كلام الاخ ظريف :

" الصوره الوحيده الحقيقيه هى لوجه السيد المسيح اللى أنطبعت على منديل مريم المجدليه "

صاحبة المنديل اللى انطبع عليه وجه السيد المسيح هى القديسة فيرونيكا مش مريم المجدلية

ده غير اننا مننساش ان القديس لوقا كان طبيب ورسام فى نفس الوقت

لكن لو رجعنا لاساس الموضوع اللى بيتكلم فيه ميكى هنلاقيه بيقول الاتى :

اولا هو معترض على صورة الممثل لانه انسان زينا واكيد مش هو السيد المسيح

ثانيا هو موافق على الصور المرسومة لانها مجرد رسم مش صورة لانسان


بالنسبة لاعتراضك على صورة الممثل انها مش صورة السيد المسيح الحقيقية

لازم نطبقه على كل الصور سواء مرسومة او لأ .. لان فى النهاية كلها مش صور حقيقية

لان زى ما الرسام تخيل شكل السيد المسيح بالفرشة والالوان وظهر ده على الورق

برضه مخرج الفيلم تخيل شكل السيد المسيح بالمكياج وظهر ده على الممثل

يعنى لو هنرفض صورة الممثل لانها مش صورة حقيقية لازم كمان نرفض كل الصور المرسومة

حتى لو كانت صور طقسية لانها فى الاول وفى الاخر برضه صور غير حقيقية

وبالتالى لازم نطبق نفس المبدء على كل الصور الدينية المرسومة مش بس صور السيد المسيح

ويا سلام لو وسعنا دائرة التطبيق شوية بحيث تشمل الافلام الدينية نفسها

بالتالى مينفعش انى اتعاطف مع افلام القديسين لان اللى بيحصل ده تمثيل مش حقيقة

ولا الاشخاص اللى قدامى فى الفيلم دول هما الاشخاص الحقيقين

على فكرة يا ميكى اللى شاف فيلم الام السيد المسيح وبكى بالدموع

بكى لانه شايف قدامه الالام اللى اتحملها السيد المسيح من اجل خلاص البشر

لكن لو هو شايف الفيلم من ناحية ان ده ممثل وان كل اللى بيحصل تمثيل استحالة هيتأثر

وبعدين انا لما بحط صورة للممثل ده بتكون صورة اقرب للواقع وهو بيمثل شخصية السيد المسيح

زى دى مثلا :



مش بحط صورة عادية للممثل نفسه واقول هو ده السيد المسيح

زى دى مثلا :



.. على فكرة تفرق كتير اوى ..

يعنى الخلاصة سواء صورة او فيلم احنا بناخد منهم الرمز وبس

وملحوظة صغيرة بالنسبة لاعتراض غير المسيحين على صورة الممثل :

على فكرة اعتراض غير المسيحين بيشمل كل الصور والايقونات والتماثيل والصلبان

مش بس صور الممثلين اللى جسدوا شخصية السيد المسيح فى افلام


اما بالنسبة لموافقتك على الصور المرسومة لانها مجرد صور مرسومة مش صور انسان زينا

زى ما قولتلك سواء مرسومة او تمثيل فى كلتا الحالتين اللى قدامى مجرد رمز مش حقيقة

واحب الفت نظرك لحاجة مهمة جدا .. فى صور كتير طقسية مش قريبة ابدا للواقع

وبالمناسبة الصورة اللى انت حاططها وموافق عليها بتخالف الدراسات اللى تمت على الكفن المقدس

لان الكفن بيقول ان اكليل الشوك كان طاقية كاملة (تاج) مش مجرد حلقة دائرية على الراس

ودى الصورة الادق حسب الدراسات اللى اتعملت على الكفن المقدس :



نرجع لنقطة قرب الصور من الواقع .. هنلاقى مئات والاف الصور ما بين طقسية وغير طقسية

من اللى بيصوروا عملية الجلد اللى تعرض ليها السيد المسيح ومع ذلك اغلبها بعيد كل البعد عن الواقع

فى حين ان لقطة واحدة بس من مشهد الجلد فى فيلم الام المسيح قريبة جدا من الواقع

الواقع ده اللى بيقوله الكفن المقدس واللى تنبأ عنه داود النبى لما قال :

" عَلَى ظَهْرِي حَرَثَ الْحُرَّاثُ. طَوَّلُوا أَتْلاَمَهُمْ " (مزمور 129 الاية 3)

فى رايك انت الشخصى انهى صورة من دول تنطبق عليهم الاية وصورة الكفن

دى :



ولا دى :




؟؟؟؟؟؟؟؟؟؟؟؟؟؟

منتظر ردك


وانا اسف .. عارف ان ردى طويل جدا ..

بس كان لازم اوضح كل النقط دى لان الكلام ده للاسف ممكن يعثر ناس كتير

ربنا معاك ويبارك حياتك