[emmmy]

ليه يا كنيستى

ليه يا كنيستى فى يوم العيد
ابنك يصبح جريح وشهيد
كان خارج منك وهو سعيد
فرحان بيرتل للطفل الوليد

سيبتيه يخرج وفين حمايتك
ندهت عليكى وما وجدتك
ليه يا أمى جمدتى قلبك
وسبتى اخويا وصاحبى وابنك

مش عارف اسكت واقول دى مشيئته
ولا ابكى واثور لأخويا وحقه
اصرخ فى الجانى واقول ليه قتلته
ولا اسكت ويكون ده دليل برائته

مش عارف افرح بعيد الميلاد
ولا ألبس معاكى يا أمى سواد
ارنم ولا ابكى لدم الولاد
اعيد ولا اعلن حالة الحداد

سامحينى يا امى قلبى حزين
ارسلتى ولادك للسمائيين
فطوباهم اللى فى السما فرحانين
عزائنا انهم مع المسيح و القديسين

*********
اذكرونا امام عرش النعمة

المصدر: †† ارثوذكس †† - من قسم: التأملات الروحية والخواطر الفكرية

[nana222]

موضوع حلو جدا

[ريم الخوري]

ايمي الكنيسة دائماً ما تقدم لمجد المسيح وثقي
"إن الله يعمل في كلّ الأشياء للخير للذين يحبّونه"
الرب يبارك ويحفظك بنورة

[تاماف]

ايمى يسلم لسانك انتى عزفتى على وتر حساس بس عزانا الوحيد ان ولادى الشهداء فى السما فى احن حضن الكل يعرف ان مفيش احن من حضن الام ......لا لا فيه حضن ابونا السماوى وامنا العدرا هما في احن حضن بس الكلام ده يمكن يصبرنا احنا شويه بس بالحق ما ينفع يصبر اهاليهم ربنا بس هواللى يقدر على تطفئة النار الموجوده جواهم انا حاسه بقلب كل ام وكل اب من اهاليهم علشان انا ام واعرف كويس حرقه القلب على الضنا لانى مررت تقريبا بنفس ظروفه مع الفارق البسيط ربنا يابنتى يعوضك تعب محبتك

[emmmy]

المشاركة الأصلية كتبت بواسطة ريم الخوري ايمي الكنيسة دائماً ما تقدم لمجد المسيح وثقي "إن الله يعمل في كلّ الأشياء للخير للذين يحبّونه" الرب يبارك ويحفظك بنورة

طبعا ياريم انا عارفة دة كويس
كل الاشياء تعمل معنا للخير للذين يحبون الله
مرسى لمرورك الجميل صلى من اجلى ومن اجل كل المسحيين فى مصر

[emmmy]

المشاركة الأصلية كتبت بواسطة تاماف ايمى يسلم لسانك انتى عزفتى على وتر حساس بس عزانا الوحيد ان ولادى الشهداء فى السما فى احن حضن الكل يعرف ان مفيش احن من حضن الام ......لا لا فيه حضن ابونا السماوى وامنا العدرا هما في احن حضن بس الكلام ده يمكن يصبرنا احنا شويه بس بالحق ما ينفع يصبر اهاليهم ربنا بس هواللى يقدر على تطفئة النار الموجوده جواهم انا حاسه بقلب كل ام وكل اب من اهاليهم علشان انا ام واعرف كويس حرقه القلب على الضنا لانى مررت تقريبا بنفس ظروفه مع الفارق البسيط ربنا يابنتى يعوضك تعب محبتك

مرسى يا تاماف لكلامك الجميل وربنا يعزى اهالى الضحايا والشهداء
ويملا قلوبهم باعزاء والصبر والايمان ويثبت شعب المسيح
ويقويهم بالنعمة والصبر والنصرة دايما
الرب معك يبارك حياتك

[mera 4]

[hard_age]

الظلم ساد
فى زمن الحق كلمات فى كتاب
دقلديانوس عاد
واكتب ياتاريخ معلكش عتاب
شهداء وعذاب
وسيوف وضباب
وشعار مجهول الحل فى دول
اشميل يامسيحى اصبحت سراب
مصر المحروسة
قصدى المخروسة
صبحت اشباح
الظلم مباح والحق اهة راح
يامسيحى ملكش حقوق ولاصوت
تنداس على طول
و لو فكرت تقول هاتكون منقول فى مكان مجهول
واخترلك خيار من دول
لتعيش مخروس
لتعيش محبوس
سجل ياتاريخ عظات ودروس
عنوان الدرس طير محبوس
وسؤالى اليك امتى الافراح

لاتعليق
نفسى حزينة حتى الموت

[ادروسيس]

الظلم ساد
فى زمن الحق كلمات فى كتاب
دقلديانوس عاد
واكتب ياتاريخ معلكش عتاب
واية ال خلى التاريخ معلهوش عتاب؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟
مش احنا مش بيدنا
لازم نعرف امتى الواحد متنازلش عن حقة
شكرا لكى كتير واسفة عن خروجى للموضوع
ربنا يفرح شعبة

[emmmy]

المشاركة الأصلية كتبت بواسطة hard_age الظلم ساد فى زمن الحق كلمات فى كتاب دقلديانوس عاد واكتب ياتاريخ معلكش عتاب شهداء وعذاب وسيوف وضباب وشعار مجهول الحل فى دول اشميل يامسيحى اصبحت سراب مصر المحروسة قصدى المخروسة صبحت اشباح الظلم مباح والحق اهة راح يامسيحى ملكش حقوق ولاصوت تنداس على طول و لو فكرت تقول هاتكون منقول فى مكان مجهول واخترلك خيار من دول لتعيش مخروس لتعيش محبوس سجل ياتاريخ عظات ودروس عنوان الدرس طير محبوس وسؤالى اليك امتى الافراح لاتعليق نفسى حزينة حتى الموت

مرسى ليك كتير على مشاركتك
ومرورك الجميل