مره مراتى جت وقالتلى
قوم فسحنى بسرعه اوام
قلت ف نفسى واللهى فرصه
اخلص منها وارجع انام
راحت مشاوره لسواق تاكسى
سابتنى ورا وركبت قدام
السواق بصلها اتعكنن
طول السكه يقول ف كلام
مش فهماه بس انا فاهمه
واسمع منه واقول ياسلام
نفسى اقوله مره ف عمرى
وتسمعه منى الست مدام
كله شتيمه وتف ونف
وضرب بوانى شلاليت واقلام
دى قرفانى والله ف عيشتى
ومطلعه عينى سنين وايام
سيبنا التاكسى وروحنا الممشى
قلت اتفسح انا وياها
ماشى ورانا شويه صييع
وهات تأليس ع الست بتاعتى
ياواد ياتقيل ياتخين ياملظلظ
وانا مطنش وببص فـ ساعتى
ماشيه معايا م الغيظ هتفرقع
م التئليس وكلام الصييع
راحت باصه أوام ف وشاشهم
سابو الممشى وهربو بسرعه
والله زعلت شويه جبناء
ضيعوا منى ماتش مصارعه
سبنا الممشى دخلنا المطعم
راحت طالبه بسرعه كوارع
غير الفته وطبق الشوربه
وفضلت تاكل وتصارع
خبط ورزع فوق الترابيزه
وهات تخبيط بماسوره الكارع
اتلموا علينا زباين المطعم
وكمان ناس كانت ف الشارع
قلت ياناس دا مافيش حاجه
دا طقم اسنان محشور ف الكارع
سبنا المطعم روحنا السينما
وجابت لب لبان وسودانى
وهات طرقعه ف لبان وتقزقز
وترمى القشر فى قفا قدامى
وقبل الفيلم العربى ما يبدأ
سمعت صوت هيهد ودانى
راحت نايمه وهات ياشخير
واتلمو علينا الناس من تانى
وادى حكايه الست بتاعتى
طول اليوم نفس الكلام
حد يديني مروحه بايظة
وياخد مني ياناس المدام ؟؟؟
مشاهدة صفحة طباعة الموضوع
أرسل هذا الموضوع إلى صديق
حقا وراء كل رجل عظيم امرأة :))
المواضيع المتشابهه
العرض الشجري