أخويا الصغير

أنا شاب فى العشرينات و أخويا الصغير عنده 15 سنه و هو قريب منى جدا و أنا بحبه أوى يمكن يكون أقرب حد ليا فى العائله.لاحظت مؤخرا بالصدفه أنه بيدخل على مواقع أباحيه و أنا شخصيا كنت مدمن مواقع اباحيه و عاده سريه لسنين لكن أشكر ربنا أنه حررنى بعد معاناه رهيبه عشان كده أنا مش عاوزه يمشى نفس السكه دى تانى عشان أنا أتبهدلت و أتجرحت فيها كتير.أنا عارف أنه فى سن محتاج يعرف فيها بس أنا نفسى أساعده و أقدمله المعرفه الصح بس مش عارف أزاى؟ أقوله يعنى أنى شوفته بيدخل على المواقع دى و لا أكلمه كده و أفهمه ثقافه جنسيه عادى من غير ما أجيبله سيره الموضوع ده؟أنا قولتله قبل كده يقرأ كتب مناسبه لسنه فى الموضوع ده بس هو أصلا زى جيله مش بيحب القرايه و بيقرا مناهج مدرسته بالعافيه.أنا أقدر أكلمه عادى لأننا واخدين على بعض و مش هتكسف منه بس أنا أصلا مش عارف الألفاظ اللى أستعملها معاه أيه لأنى كل مصطلحاتى الجنسيه بالأنجليش و هو أكيد مش هيفهمنى و لو كلمته عربى هبقى أنا نفسى مكسوف و مش على طبعيتى.ممكن حد يقولى أعمل أيه بجد عشان هو غالى عندى أوى و نفسى أساعده.يا ريت تصلوا لينا و مستنى ردودكم و شكرا