[Michael_Sabry]

عاوزين نعرف دماغ الولاد ماشيه ازاى؟

كل ولد وليه دماغ ماشى بيها فى ولاد مشاعرهم صادقه اوى وفى ولاد مش بيحسو اوى بالحب وفى ولاد مافيش حاجه تفرق معاهم غير مصلحتهم وفى ولاد فاكرين ان معرفه بنات كتير دى حاجه كويسه وبيفتخرو بيها

ازاى نتعامل مع الولاد؟

اعملو مع اى طرف فيهم الاول بحرص وانتى هتحسى من جواكى اذا كان بيكدب ولا لا بس ماتحاوليش تقنعى نفسك باى حاجه تانى عشان تخبى الحقيقه بس عامتا البنت المفروض تتعامل معاه كويس وعلى حسب نوع العلاقه المبينهم ياعنى مثلا لو حبايب يئبا المفروض تتعامل معاه برقه و حب وحنان و ضحك وفرفشه بس بارده مع وجود فاصل والهزار مايكونش بالايد بارضه ولو كانو زمايل بارضه بضحك بس بحرص شويه

ازاى نعرف ان الولد الى احنا بتعامل معاه مش كويس وبيمثل؟

عن طريق اصحابه مثلا - عن طريق طريقته فى الكلام - عن طريق حياته ماشيه ازاى - بس دى مش مقياس الحقيقه لان فى ناس كتير مش بيكونو كويسي بس بيحبو اوى ونفسهم يتغيرو بس انتى ممكن تشوفى موبايله مثلا او تكلميه من نمره غريبه وتشوفى رد فعله وكدا اختبارات ياعنى بس دى بارضه مش صح لان مافيش مقياس ثابت عشان نقدر نقيس بيه اخلاق الولاد بس ذى مافى ناس كويسه فى ناس مش كويسه و انتى هتحسى بدى من تعاملاتك معاه

ايه رايكو فى الولد الى ياخد على بنت قوى لدرجه انه يهزر بالايد كانو بيهزر مع واحد صاحبه هل ده صح ولا غلط هتقولو البنت الى سمحتلو بكده وهو ليه سمح لنفسه بكده؟؟؟؟؟

مبدائيا مش صح الموضوع دى حتى لو كانو اكتر من اخوات وواخدين على بعض جامد لان بالنسبه للناس اليعرفوهم عادى وانهم اخوات انما بالنسبه لاى حد تانى مايعرفهمش ممكن ياخد فكره غلط

[SAMOOOOO]

كلام مايكل نفس الكلام اللى كنت هقوله
بس هعلق على اخر جمل من رايى البنت محدش يهزر معاها بالايد غير بنات زيها بس

[sawsaw]

مرسى جدا ليكو على ردكو يا مايكل انت وسامو وعلى التوضيح
يلا الدور على الولاد تسال

[SAMOOOOO]

يلا اسألوااا يابنات
لحد لما يجى سؤال معين فى دماغى

[اللة يرعانى]

انا عندى سوال

لية الولد مش بتجوز البنت الى مشى معها طب مشى معاها وحبها وحبتو لة طلما ممكن ميرتبطش بيها ومش بيعتبرها زى اختو

[sawsaw]

اه بردو سؤال حلو وعاوزين نعرف ليه ايجابه
هتقولوا انها زى ما مشيت معايا مشيت مع غيرى
ليه متحطش فى اعتبارك انك انت اول واحد مشيه معاه؟؟؟؟

[Michael_Sabry]

انا عندى سوال لية الولد مش بتجوز البنت الى مشى معها طب مشى معاها وحبها وحبتو لة طلما ممكن ميرتبطش بيها ومش بيعتبرها زى اختو

مش كل الولاد كدا طبعا واكيد البيعمل كدا مش بيكون كويس و انا بارضه شايف انها ثقه زياده من البنت انها تمشى مع ولد ماتعرفوش تقريبا بس بارضه مش كل الولاد كدا و الولاد البتعمل كدا مش بيكونو حاسين بمسؤليه او اى شيئ ياعنى شباب مستهتر وربنا معاكى وشكر على السؤال الجميل

[اللة يرعانى]

هو فعلا مش كل شباب البعض منهم بيعمل كدا بس اكيد العيب فى البنت انها بتسمح تخرج وتمشى مع واحد واكيد دون علم اهلها لان مفيش اهل هيرضو بكدة

[SAMOOOOO]

بصى يا مريم
اقولك حاجه الولد دايما بيحب يختبر البنت وخصوصا اللى بتكون فى قلبه وبيحبها وده مش عيب لما يكون عاوز يعرفها اكتر
البنت كمان المفروض متسمحش لنفسها تخرج مع اى حد الا لو كانت واثقه فيه اكتر من نفسها
والبنت لما تخرج مع اكتر من ولد ده كمان مش كويس خالص
والمفروض البنت لما تحب شخص معين تنسى الدنيا كلها

يارب اكون قدرت افيدكم

منتظر باقى الاسئله

[بنت الراعي]

كلامك صح يا سامو بس انا اختلف معاك في نقطه
انها ماتخرجش مع اي حد صدقني حتي لو كانت واثقه فيه تخرج بس مش لو حدها تخرج مع حد من اهلها
انما تخرج لو حدها معاه دوت غلط حتي لو كانت واثقه فيه
وكمان مش المفروض يكون في ثقه بين الاتنين ولا ايه
يعني مش كل شويه يختبرها لانها ممكن تتعامل معاه بتلقائيه خصوصا لو كانت بتحبه وهو بقي لان ده
اختبار منه هايفهمها غلط
معلش طولت عليكم وميرسي ليك سامو انت ومريم