[MICKEY]

في كل جسم يوجد شريان يسير به الدم ويوصل لجميع انحاء الجسم كي يعيش الأنسان

وكذلك في كل منتدي يوجد شريان يمشي ويسير به الأعذاء ويوصلون من خلاله لجميع الأقسام كي يصبح له كيان

في هذا الموضوع اريد ان اتحدث عن عدة نقاط اساسية وكل هذه النقاط خاصة بـ ( الخروجات الشهرية ) :-

1- ماهو اهم موضوع يدعم شريان الحياة بالمنتدي ؟؟
2- ماهي مقترحاتك كي تدعم وتنشط دائما هذا الشريان ؟؟
3- هل الخروجات الشهرية سوف تنتهي في أحدي الأيام ؟؟
4- ماهو الحل كي تبقي وتستمر هذه الخروجات ؟؟

----------------

وسوف اجاوب عن هذه الأسئلة من وجهة نظري الشخصية كما اود ان اسمع وجهة نظركم حول هذه الأسئلة

1- ماهو اهم موضوع يدعم شريان الحياة بالمنتدي ؟؟

انا من وجهة نظري اري ان موضوع الخروجات الشهرية هي اهم موضوعات ارثوزكس علي الأطلاق وذلك لأنها ليس مجرد تجعل المشاركة مقروءة ولكن مسموعه ومنظورة ايضاً



2- ماهي مقترحاتك كي تدعم وتنشط دائما هذا الشريان ؟؟


من وجهة نظري ان أستمرار الخروجات الشهرية تبث روح الطاقة والمحبة داخل ارثوزكس .. فمقابلة الأعضاء ببعضهم لها اثر ايجابي يظهر ونراه في المشاركات وهذه مايجزب الكثيرين الي منتتدانا الحبيب وهي روح المحبة



3- هل الخروجات الشهرية سوف تنتهي في أحدي الأيام ؟؟


ان روح الملل وعدم التغيير يقتل كل شئ ويجعل الشخص غير قادر علي الأستمرارية
وكذلك لأنه يقول ( الي نبات فيه نصبح فيه )



4- ماهو الحل كي تبقي وتستمر هذه الخروجات ؟؟

أنا اري ان تغيير الأماكن مطلوب ..
واذا كان بعض الأشخاص يودون حضور العظة
اعتقد انه يوجد ثلاث ايام اربع اخري في الشهر من الممكن ان يحضروا العظة بها
وايضا ذهبنا الي الكاتدرائية سبع شهور متتاليه ولم نحضر العظة


وكما يتغير اي مسئول في اي نظام بعد فترة معينه كالوزير او عضو مجلس الشعب او غيره
وذلك لعمل تطور وكل شخص لديه كل ماهو جديد

انا ايضا ارجح ان يقود الخروجه الشهرية احد اخر كي يقدم كل ماهو جديد
لأني بجد مش هعمل اكتر من اللي بعمله
واكيد في غيري هيعمل شغل احسن

وعلي فكرة ده مش عدم ارضاء بالمسئولية
لا بأمانه لكن كل الموضوع عاوزين نشوف افكار الناس ودماغهم



وانا برشح تلاته لقياده هذا الموضوع
وذلك بسبب المواظبة الدائمة وايضا لوجود روح القياده الناجحة بداخلهم وايضا حبهم من جميع الأعضاء

1- ايمن
2- كيرو رأفت
3- نبيل نصيف



وبأمانه من غير الخروجات انا مش هحس بطعم المنتدي
لأني بنتظرها من الشهر للشهر



انتظرونا في الخروجه الشهرية التاسعه
3/12/2008

والأماكن المرشحة

( الكاتدرائية - الطاحونه - الذهبية )



انتظروني في موضوعين للأستفتاء
احدهم عن الأماكن المحدده واخر لزعيم الخروجات القادم

كان معكم مستر : نياهاهاهاهاهاها
واسف اني طولت عليكم
باي ياشباب

المصدر: †† ارثوذكس †† - من قسم: صندوق مناقشات الاعضاء

[miso]

اممممممممممممم بص هو رغم انى مش بروح الخروجات دى
بس حلو التغير برضو
بس الكلام ده يتقال يا ميكى لو الناس ملت منك انت حسيت انها ملت من انك اللى بترتب الخروجات
او انت بتقول المكان وهما يوافقو او لاء
معرفش انا شايفة ان دى احلى حاجة فالمنتدى هنا خروجاتكم دى انا فعلا مشوفتهاش فاى منتدى تانى
على العموم فكرة حلوة والناس اللى اخترتها برضو ناس هتعمل تجديد فالخروجة
ربنا يديم محبتكم اوتزيد يوم عن يوم يارب
وتفضل خروجاتكم دى دايمة على طوووووووووووووول

[MICKEY]

اشكر جميع الردود اللي جت من الجميع
ولكن هعقم علي كم نقطة لفتوا نظري

المشاركة الأصلية كتبت بواسطة miso معرفش انا شايفة ان دى احلى حاجة فالمنتدى هنا خروجاتكم دى انا فعلا مشوفتهاش فاى منتدى تانى على العموم فكرة حلوة والناس اللى اخترتها برضو ناس هتعمل تجديد فالخروجة

شكرا ياميسو علي الرد الجميل وفعلا الخروجات ليها تأثير كبير وسطينا

المشاركة الأصلية كتبت بواسطة aymonded وممكن نقترح نتناقش في أيه المرة اللي جاية ، لأن موضوع ان حد يلقي كلمة صعب جداً ، مش علشان حاجة ، بس علشان كلنا نتحاور مش واحد يلقي كلمة والآخر يسمع

انا معاك ياايم في الفكرة دي جدا
هنخليها ندوة مفتوحه للنقاش بينا جميعا
ونتكلم في حاجات كتيرة تخص المنتدي وغيره
وشكرا ليك ياحبيبي علي تشجيعك الفكرة

المشاركة الأصلية كتبت بواسطة mina_reda مرسى جدا وانا احب اشكرك بس فى ملحوظه هما وهيا ان يوم 3 / 12 / 2008 ديت العشياة بتاعت ابو سيفين فى مصر القديمة الى هوا فى محطة الملك الصالح

هندخل الدير مجال الاستفتاء وربنا يقدم اللي فيه الخير
لكن ياجميل راعي ان عيد زي ده هيكون الدير مليان ناس بكمية كبيرة جدا
واحنا رايحين نلتقي بعضنا البعض لكي نتبادل الأراء
لكن في الازدحام مش هنلحق نتقابل بعد الاحتفال

المشاركة الأصلية كتبت بواسطة كيرو رافت انا هاختار الطاحونه اهوو نوع من انواع التغيير لان اللى بيطالبوا ان احنا نحضر العظه بتاع البابا هناك ثلاثه اسابيع اخرى من الممكن لمن يريد ان يذهب لانى بجد اتحدى ان كل اللى بيطالبوا بحضور العظه الاسبوعيه للبابا انهم بيداوموا على حضورها اصلا انا موش بعترض على حضور العظه اطلاقا لكن انا بقول مجرد رأى شخصى وغير مرغم للاعضاء اولا تفكيرنا داخل العظه هايكون مشتت ازاى هانقابل بعض بعد العظه وازاى هانقعد مع بعض ولحد امتى

وجهة نظر سليمة ياكيرو
مانا بقول ان الكاتدرائية مكان كبير وكويس وقريب للمعظم
ولكن صعب نقعد ونتكلم فيه
علي العموم الكاتدرائية هتدخل الاستفتاء ونشوف الناس عاوزة ايه

المشاركة الأصلية كتبت بواسطة ملكه الاحزان موضوع حلو اوووووووووووووووووووووووي والمنتدي بصراحه مفهوش اي حاجه ناقصه في كل حاجه بس عندي اقتراح صغنون عايزين نغير كل اسبوعين مثلا نعمل استيل جديد عشان يبقي في حاجات احلي ومايبقاش ملل ده اقتراحي ونعمل كمان راديو لينا اي رائيكم؟

زي ماقالك استاذ ايمن ياجميل انه صعب جدا جدا تغير استايل كل اسبوعين
ده بالميت لو اتغير كل سنة يبقي كويس

احنا علي العموم بنغيره في الأعياد الكبير والصغير

المشاركة الأصلية كتبت بواسطة @m@r!n وموضووع الخروجاات ده فعلا هو اللى بينشط المنتدى و وبيزيد المحبه مابيناا وبجد بجد بجد يوم الخروجه ده بحضر نفسي ليه من قبلها باسبوعين تلاته عشان اليوم ده بيكون جامد مووت ....

شكرا يامارينا علي كلامك الجميل
مع اني عاوز اعرف بتعملي ايه في اسبوعين يعني عشان تقابلينا
ههههههههههه
بتيجي بردوا وكلنا بنسد مناخيرنا من الريحه
نياهاهاهاهاا

علي العموم ميرسي علي الرد الجميل
وانا عارف انك عاوزة تعمليها في حديقة الازهر
لكن ممكن نخلي خروجه خاصة بالمنتدي فالعيد للأزهر مثلا او حاجه

وبرضوا ياجماعه اللي بيرشح الازهر بارك مع مارينا يقول

انا تحت امركم

المشاركة الأصلية كتبت بواسطة نبيل نصيف جرجس بس اخر مرة مش كانت حلوة خالص مش تزعل منى انا صريح واللى فى قلبى بقولة وكل واحد عندة وجة نظر هل لو كانت من جوة قلوبنا لبعض كنا نسيب بعض وكل واحد يروح يقعد فى مكان مختلف عن التانى

شكرا علي رائيك يابلبل
وصدقني الناس اللي كانت قاعده لوحديها دي مكنش بقصد حاجه
كل الموضوع مكملش خمس دقايق
وكمان انا كنت بره رايح جاي اجيب في الناس
وكمان يابلبل الكاتدرائية كان كل شوية مع نفسيهم ومش اتكلمت عن الانفرادات
فلماذا تتحدث عنها الان
متزعلش مني ياحبيبي
انا بس بوضح وجهة نظر

المشاركة الأصلية كتبت بواسطة io-mena شكرا يا ميكى على الموضوع وانا اول مرة اقابلك وحبيتك وكل الى موجودين حلوين ومش عايزك تسيب موضوع الخروجه ده انا اعدت بعيد اول لما جيت مفيش كام دقيقه علشان بس كنت جايب معايا صحبى ومش من المنتدى وهو كان تعبان من المشى الى مشيناه انا وهو فكان بس بيريح كام دقيقه وبعد كده دخلنا اقعدنا وسطيهم...

احنا كمان حبناك جدا يامينا
انت شخصية لزيزة جدا جدا
وكوكو كمان زي العسل بجد
هاتوا معاك كل مرة وسلملي عليه كتير جدا

المشاركة الأصلية كتبت بواسطة الناى الحزين انا عندى اقتراح لو يعجب الناس ياريت ننفذه اولا الناس زعلت علشان المكان اللى كنتوا فيه مش كنيسه او دير طب ايه رائيكم لو نخليها المره اللى جايه فى كنيسه العدرا فى المعادى اهى على النيل وكمان كنيسه

اول مرة من ساعت ماعرفتك ياناي ياحزين
تقول فكرة حلوة
هندخل العدرا المعادي داخل الااستفتاء
وشكرا للجميع

[aymonded]

الله عليك يا أروع ميكي وعلى أفكارك الحلوة التي نراها منك رائعة عن صدق ...
ولكن موضع القيادة ، أنا بصراحة مش شايف أنه جوهري قوي بالنسبة لأننا جميعاً نشعر أننا مسئولين معاً ، وانا طبعاً رأيي أنك انت اللي تكون دايماً في القيادة ...
مش مجاملة مني ولا حاجة ، ولكن لروح المحبة والبساطة اللي فيك وتعجبني جداً ، وصعب حد يقبل حد غيرك بالبساطة اللي فيك وروح المحبة الحلوة اللي عندك حقيقي وبشهادة الجميع دون مبالغة ...

وبالنسبة للمكان انا نفسي نروح الطاحونة ، ولكن طبعاً في النهاية راي الجماعة هو اللي يمشي ...

وممكن نقترح نتناقش في أيه المرة اللي جاية ، لأن موضوع ان حد يلقي كلمة صعب جداً ، مش علشان حاجة ، بس علشان كلنا نتحاور مش واحد يلقي كلمة والآخر يسمع ، لأن هذا منوط باجتماع في داخل كنيسة ومعظمنا بيحضر اجتماعات ولا تنقصة كلمة يسمعها ؛ ولكن روح المناقشة بتخلينا نقرب من أفكار بعضنا البعض ببساطة وسهولة جداً وكمان ممكن حد يقترح برنامج صغنون وخفيف جداً

وانا هاحاول المرة اللي جاية اضحي واعمل مفجأة بس ربنا يستر ومش نروح المستشفى ههههههههههههههههههههههههه ههههه

أشكرك يا جميل على اقتراحاتك الرائعة للغاية جداً
النعمة معك يا محبوب الله الحلو

[mina_reda]

مرسى جدا وانا احب اشكرك بس فى ملحوظه هما وهيا ان يوم 3 / 12 / 2008 ديت العشياة بتاعت ابو سيفين فى مصر القديمة الى هوا فى محطة الملك الصالح بس فى نقطة المفروض لزم تخالى بالك منها هويا التلات خروجات دول صح بس اخر خروجة هيا بتاعت الدهبية شيل الدهبية وحط مكنها دير ابى سيفين بمصر القديمة وانا برجح الدير لئنة العيد بتاع ابو سيفين الكل بيحضرو ومرسى جدا

[كيرو رافت]

اولا :
لا طعم لاى خروجه بدون المعلم ميكى
انا شخصيا موش بحس بطعم الخروجه ولا بقيمتها الا بعد الموضوع اللى بتكتبه
والمجهود اللى موش ممكن حد يغفله ابدااااااااااااااااا
انت الاجدر والاحق والافضل فى موضوع الخروجاااااااااااااات

ثانيا :
انا هاختار الطاحونه اهوو نوع من انواع التغيير لان اللى بيطالبوا ان احنا نحضر العظه بتاع البابا
هناك ثلاثه اسابيع اخرى من الممكن لمن يريد ان يذهب
لانى بجد اتحدى ان كل اللى بيطالبوا بحضور العظه الاسبوعيه للبابا انهم بيداوموا على حضورها اصلا
انا موش بعترض على حضور العظه اطلاقا لكن انا بقول مجرد رأى شخصى وغير مرغم للاعضاء
اولا تفكيرنا داخل العظه هايكون مشتت ازاى هانقابل بعض بعد العظه وازاى هانقعد مع بعض ولحد امتى واسئله كتير هاتدور فى زهننا موش هاتخلينا مستمتعين ومركزين فى العظه
علشان كدا بفضل وده للمرة التانيه رأى شخصى بفضل الطاحونه وده طبعا موش هايحصل كل شهر لكن مرة من المرات فى الشهور المقبله
ثالثا :
انا شايف ان روح المحبه السائده بينا هى المحرك الرئيبسى للمنتدى وهى مصدر وسر نجاحه الوحيد
وبدون المحبه لن تقوم او تنجح اى مملكه مهما كانت

رابعا :
ميكى بجد اوعى تفكر فى يوم من الايام انك تسيب الخروجه مهما حصل ومهما قابلت من انتقادات
لان الناس بتتكلم دايما سواء كان التنظيم ليها ناجح او لا
المهم ان الخروجه تسود عليها لمحه روحيه زى ما حصل فى خروجه امبارح فى الدهبيه ودى مجرد بدايه وبجد شئ كويس وكل مرة الوضع هايكون افضل واكثر التزاما
وهاتكون المتعه روحيه وترفيهيه

اولا واخيرا ده مجرد رأى متواضع وشخصى منى وغير ملزم على اى عضو من الاعضاء

[ملكه الاحزان]

موضوع حلو اوووووووووووووووووووووووي
والمنتدي بصراحه مفهوش اي حاجه ناقصه في كل حاجه
بس عندي اقتراح صغنون عايزين نغير كل اسبوعين مثلا
نعمل استيل جديد عشان يبقي في حاجات احلي ومايبقاش
ملل ده اقتراحي ونعمل كمان راديو لينا اي رائيكم؟

[aymonded]

المشاركة الأصلية كتبت بواسطة ملكه الاحزان موضوع حلو اوووووووووووووووووووووووي والمنتدي بصراحه مفهوش اي حاجه ناقصه في كل حاجه بس عندي اقتراح صغنون عايزين نغير كل اسبوعين مثلا نعمل استيل جديد عشان يبقي في حاجات احلي ومايبقاش ملل ده اقتراحي ونعمل كمان راديو لينا اي رائيكم؟

أشكرك على رأيك فعلاً لأنه رأي حلو للغاية
بس موضوع تغيير الاستايل دية مش بالسهولة اللي الناس فكراها ، ده مجهود جبار ، مش في التصميم فقط ، بل بالأكثر في تركيبه وضبطه على المنتدى
لأن في قوالب وحاجات تانية بتتظبط ، فهو مجهود مضني جداً ، يعني لو التصميم اتعمل في خلال يوم أو يومين حسب الفكرة ، تركيبه بياخد وقت طويل وتعديلات كثيرة
يعني لو اتركب استايل جديد كل 6 شهور يبقى كويس جداً ، ولو اتعمل كل 4 شهور يبقى انجاز ولو اقل من كده يبقى معجزة بقى .

النعمة معك يا أحلى أخت حلوة لنا جميعاً

[@M@R!N]

مااااااااايكل
موضووعك حلووو اوووووووووووووووي بجد
وموضووع الخروجاات ده فعلا هو اللى بينشط المنتدى و وبيزيد المحبه مابيناا
وبجد بجد بجد يوم الخروجه ده بحضر نفسي ليه من قبلها باسبوعين تلاته عشان اليوم ده بيكون جامد مووت
....
ياريت فعلا يكون في تغير في مكان الخروجه
لكن المسؤول عن الخروجه اللى هو انت يا مايكل
فانا من راي انك احسن واحد يقدر يكون مسؤول عن الخروجه لانك انت صاحب الفكره اصلا
....
فميرسي خالص يا مايكل على مجهودك ده يا جميل
ويارب تستمر الخروجاات

[نبيل نصيف جرجس]

سلام يا ميكى كويس انك كتبت الموضوع دا
هية صحيح الخروجة حلوة
بس اخر مرة مش كانت حلوة خالص مش تزعل منى انا صريح واللى فى قلبى بقولة
وكل واحد عندة وجة نظر
اهية فعلا المحبة بتبان اوى بس هل ياترى المحبة دى من جوة
هل لو كانت من جوة قلوبنا لبعض كنا نسيب بعض وكل واحد يروح يقعد فى مكان مختلف عن التانى
انت اكيد فاهمنى انا اقصد اية انا مش بجرح حد وبعدين انا اتعودت اقول اللى جوايا
الحب مش كلمة يا ميكى على فكرة انا مش بجمع الناس كلها
فية بعض الناس عملت حاجات تضايق كتير
وبعدين عايزين الكاتدرائية مش عايزين تغيير
سلام يا ميكى
مرسى يا ميكى على موضوعك ومش تفهمنى غلط يا ريت انا بروح المحبة بكلمكم وبجد عشان يبقى ارثوزكسى زى الاول المحبة مش بتتغير مع الزمن يا ميكى
المحبة ثابتة على مر الزمان