[dodo2012]

في حاجة محيراني قوي وكل لما اتناقش مع حد المناقشة توسع وتكبر وبرده ملقيش رد وهي هل الصوم ليه تاثير علي حياتنا مع العلم انا مش بتكلم عن صوم الجسد يعني الاكل لاكن صوم الروح وياريت كل اللي عنده راي او اجابة يدخل ويقولنا

المصدر: †† ارثوذكس †† - من قسم: مناقشات دينية وروحية

[elphilasouf]

هو صوم الروح المقصود بيه اننا نمنع نفسنا عن حاجات وحشه بنعملها
وطبيعي لما الحاجات الغلط والخطايا الى بنعملها تقل هندي مساحه لعمل النعمه والروح القدس يشتغل تاني بقوه اكبر
وكمان الصوم الايجابي لما نصلي اكتر ونصوم اكتر ونعمل مطانيات اكتر
وكده احنا بنزود عمل النعمه فينا والروح القدس
وكل مدول زادوا هنعرف وهنحس بالسيد المسيح اكبر وننمو روحين

[dodo2012]

اوك طيب ليه الحاجات دي كلها بتنتهي بانتهاء الصوم

[bassem8800370]

شكرا ليك للطرح الموضوع

[dodo2012]

ميرسيييييييييييي ليك بس بردة معرفتش رايك بليز تفدني

[سارة@]

يعنى اية بتنهى بانتهاء الصوم اكتر واحد ممكن يفيدك هو اب اعترافك اتكلم معاة وهو اكيد ربنا هيديلة نعمة انة يرشدك وياريت تقولنا علشان نستفيد وفى حاجة كمان كتير من الاباء بيقولة انك بتواظب ع حاجة معينة فى الصوم بمجرد ما ينتهى الصوم بتبطلع الحاجة دى لا فى لازم تستمر لان الصيام بيساعدنا علشان بنتقدم فيها واطلب معونة ربنا وهو اكيد هيرشدك سمحنى طولت عليك محتاجة صلاواتك

[dodo2012]

المشاركة الأصلية كتبت بواسطة سارة@ يعنى اية بتنهى بانتهاء الصوم اكتر واحد ممكن يفيدك هو اب اعترافك اتكلم معاة وهو اكيد ربنا هيديلة نعمة انة يرشدك وياريت تقولنا علشان نستفيد وفى حاجة كمان كتير من الاباء بيقولة انك بتواظب ع حاجة معينة فى الصوم بمجرد ما ينتهى الصوم بتبطلع الحاجة دى لا فى لازم تستمر لان الصيام بيساعدنا علشان بنتقدم فيها واطلب معونة ربنا وهو اكيد هيرشدك سمحنى طولت عليك محتاجة صلاواتك

اولا انا بنوتة ذيك وثانيا ميرسيييييييييييييي لردك يا قمر بس صدقيني انا سالت ابونا وقالي لو كانت الحاجة اللي عملتيها في الصيام حتي لو صغيرة لو اتمسكتي انها تفضل هتفضل يعني تدربي نفسك

[miro_rook]

اولا موضوع رائع جدا للمناقشه
الصوم الجسدي
يعطي نوع من انواع التحكم فيه
زي ما قال معلمنا بولس الرسول
اقمع جسدي واستعبده
طيب ليه اقمع جسدي لان الروح تشتهي ضد الجسد والجسد ضد الروح

عشان كدا الكنيسه حتي بعيد عن ايه هي مناسبه الصوم

عملت الصوم بالطريقه ديه -انقطاعي ونباتي- عشان تكون وسيله نقدر نسيطر بيه علي جسدنا واقصد بجسدنا الشهوات اللي بتسيطر عليه

يبقي الصوم الجسدي ديه بيوصلنا ليه؟

بيوصلنا ان احنا نفكر في ربنا في ازي نكون عندنا مخافته وبعدين ازي يكون عندنا محبته
لانك عن طريق الصوم اللي بيكون معه اكيد صلاه وصدقه
كل ده بيقوي علاقتنا بربنا اكتر

طيب ليه مع نهايه الصوم احنا بنرجع وحشين عشان احنا معرفنش ناخذ حاجه من الصيام ازي ده انا كنت بحضر قداس كل يوم وكنت وكنت

اه بس كان كل ده مرتبط بمناسبه الصوم مش اكتر(الكلام اللي انا بكتبه من كتاب سيدنا البابا معالم الطريق الروحي)

لكن انا من جويا مقعدتش ادور جويا ايه سبب اني كنت بعيد عن ربنا قبل الصيام مثلا كنت عصبي طيب كويس انا لازم ابطل العصبيه وبعد الصوم ارجع عصبي تاني طيب ليه لانك انت اصلا مدورتش ايه هو سبب العصبيه(المرض او الخطيه)

انت اخذت بس مسكن بحضور القداس
وده طبعا كويس جدا بس محولتش تدور علي المرض او الخطيه اللي عندك وتفحصه كويس وتيجي قدام ربنا وتقول اهه الخطيه وادي اسببها اتصرف انت يارب
وساعته ربنا ينور بصيرتك وتعرف ازي تتخلص من الخطيه مش خلال فتره الصيام بس علي طول


تانيا بالنسبه لصيام الروح

بصراحه انا اول مره اسمع عن حاجه اسمها صيام الروح
الروح عمرها متصوم انا عارف انك متقصديش صوم اروح عن الاكل بس انا اقصد ان الروح لما الواحد يسيطر علي جسده
فهي مش بتصوم ديه بتكون نشيطه اوي عاوز تشبع من الروح القدس اللي جوه من المسيح اللي اخذت من علي المذبح
لكن من وجهه نظري ومش متاكد ان صيام الروح هو البعد عن الكنيسه والحياه الليتروجيه

لازم ديما نغذي الروح مش انتي ديما بتسمعي عنا حاجه اسمها غذاء الروح ازي احنا نصيمه
ارجو اني اكون قدرت ارد رد يتفهم عشان انا حسس اني طول

ربنا يباركك وبجد موضوع اكتر من رائع

[dodo2012]

بجد ميرسييييييييييييي جدا يا ميرو علي الافادة الجامدة دي

[الجوهرة الثمينة]

موضوع حلو للمناقشة بس كل اللي اعرفه
ان المفروض نحاول بنعمة المسيح ان الصوم دة مايكنشي لفترة زمنية وينتهي بل يكون مستمر ومتجدد
ومش هنقدر نصوم صوم روحي الا لما تستمد القوة من رب المجد بالخلوة يوميا معه