[fulaa]

1-ماهو هدفك في خدمتك


توصيل كلمة ربنا للمخدومين بطريقة بسيطة وسهلة لانى بخدمة 4 ابتدائى


2-هل تري انك غير راغب في الخدمة

لا طبعا


3-هل تري انك غير مرغوب فيك من جانب الخدام او المخدومين


لا احنا كلنا كخدام فى اسرة 4 - 5 - 6 كلنا بنكمل بعض
والمخدومين بيحبونا لانهم بيروا فينا الاخوات الكبار ليهم
واحنا بنعاملهم بطريقة كويسة مش بنتعامل اننا مدرسين ليهم


4-هل تعتذر لنفسك الاعذار في الخدمة حتي تسكن ضميرك


لا ولو حصل كدة بقول لامين الخدمة او لابونا


5-هل تري ان اسلوب امين الخدمة معك غير جيد


لا تاسونى ( ن ) امينة الخدمة دى حبيبة قلبى


6-هل تري انك تريد الابداع في الخدمة ولكن لاتجد حرية لذلك


لا دا يبقى حرب من الشيطان ليا


7-ماهي من وجهة نظرك الفروق بينك وبين الشخص المسيحي العادي

كلنا واحد
لان الخدمة مش امتياز فكل وكل واحد ربنا يبخلية يخدم بالطريقة اللى ربنا يختارها والمناسبة للشخص نفسة


8-هل لديك افكار جديدة للخدمة ام كما يقال لك تفعل ولاتساهم بايجابية

اكيد وفى اوقات تانى لازم ننفذ كلام امين الخدمة فى مواقف معينة لان خبرتها وسنها يجعلها تتسرف فى الامور بطريقة ناجحة


9-بما تصف المخدوم لديك هل هو مخدومك ام اخوك ام سيدك الذي تخدمه ام اي مسمي اخر


هو اسيادى طبعا لانهم اولاد الملك وانا يادوب خدام عند ابوهم
وهو اخواتى الصغار


10-ماهو الذي لايعجبك في الخدمة بصفة عامة


1- دلوقتى بقى فى انانية
2- فى ناس مش فاهمة الخدمة صح فاهمة ان الخدمة مركز دول بيعملوا مشاكل فى الخدمة
3- الاتكال ( كل واحد بيتكل على التانى فى التحضير والنتيجة بتكون مفيش حد بيحضر )
4- الفجوة بين الخدام الكبار والاطفال وفى التفكير
5- عدم وجود القدوة فى بعض الخدام دا غير اللبس اللغير لائق فى الكنيسة وقت الخدمة
6- تضارب فى تصرفات الخدام ( وهما خدام بشكل وهما برة الخدمة بشكل وبتصرفات تانى خالص بعيدة عن الخدمة )