[ميلانيه]

سلام ونعمه

انا عندى مشكله لصحبتى الانتيم ( معلش هطول شوية )

صحبيتى بتحبة واحد جدا جدا وهو كل حياتها ومتقدرش تزعله

وهو بيموت فيها وتصرفاته معاها حاجه جميله ميرضاش يزعلها ولو زعلها دقيقه ويتصل يصالحها وبيعملها كل اللى تطلبه وهو بصراحه اثبت انه انسان كويس وانه يستاهلها وهو بصراحه انسان ميتعوضش ياريت كل الشباب زية

لكن المشكله انها اتعرفت عليه من على النت واهلها رفضينه لكن هى مش عايزة تخسرة وهو عاوز يتقدملها وهو مش عارفه تعمل اية وبتسالنى كتير ان كانت هى صح انها متمسكه بحبة ولا غلط انها مش سامعه للاهلها اصحابنا بيقولها متسبهوش لو سبتية تبقى عبيطه وانا مش عارفه ارد عليها بائة انا مش عاوزة اقلها حاجه اندم انى نصحتها بيها

ياريت مساعده لان حاله صحبيتى علطول فحيرة ودايما تبكى ياريت رد بسرعه

المصدر: †† ارثوذكس †† - من قسم: حوار من الاعماق

[منيمو]

هى صحبتك دى يا ميلانة عندها كام سنة اساسا؟

[ramyromio138]

اولا مساء الخير
ثانيا الموضوع ده محير ناس كتير ان البنت او الولد يتعرفوا على بعض فالنت وبعدين نلاقى الاتنين حبوا بعض اللى انا عايز اوضحه انه سن صاحبتك دى كام سنه وهل هيه فعلا مشاعرها بالنضج الكفايه عشان تقرر انها بتحبه ولا؟
وهل هيه اتقابلت معاه وجها لوجه وعرفت تصرفاته واتعاملت معاه كتير واختبرته؟
على فكره راى صحباتها اتانيين ميدولش على تفكير صح هما بيرشدوها على اساس انها ماصدقت لقيت عريس
لكن فنظرى انها تصلى كتير الاول زكمان تسمع راى البيت بالفاهم ومش بالشده وانا فراى الخاص انه بلاش حد يرتبط بحد من النت لاننا نفقد معنى الاسره لان اللى بنرتبط بيهم بتبقى عيله واحده مش عيلتين يعنى اللى نعرفه ونسال عنه احسن من واحد منعرفوش جاى من بره وخلاص
اسف لراى المتواضع

[شنوده جرجس]

من المفروض أن تقوم أسرة هذه الفتاة بعمل تحريات دقيقة عن هذا الشاب

فإذا وجدت انه شاب به كل الصفات التى تؤهله لهذا الزواج فما المانع

أما إذا إكتشفت الأسرة غير ذلك فمن حق الأسرة أن تقوم بالرفض

مع شرح الموضوع لإبنتهم وإقناعها بهذا الرفض وأسبابه

وعليها الخضوع لأسرتها لأنهم أول من يكتوى بنار العذاب الذى تعانيه

إبنتهم فى حالة فشل هذه الزيجة . وهذا رأيى .

أختى المبارك / ميلانية ... ربنا يقدرك على فعل الخير ويباركك

ويعوض تعب محبتك .

[ramyromio138]

انا من راى الشخصى انها تختبر حاجتين اولا مشاعرها هيه هل فعلا هيه بالنضج الكافى عشان ترتبط وتتحمل مسئوليه ولا فقط انها عايزه تحب وبتعيش فتره مراهقه
تانى حاجه هل هوه فعلا ابن ربنا ومحترم بالقدر الكافى انه يتحمل مسئوليه ويقدرها ويحترمها وتكون هيه اختبرت كده؟
وانا من راى انه بلاش حد يرتبط من النت لاننا صعب نسال على حد منعرفوش فالخطوبه وده انا مش بحبه لازم ناخد على الاقل ناس نعرفها او نعرف نسال عليها كويس لان المشاكل كتير بسبب كده

[emmmy]

لو الشاب جاد فى طلبة وهيتقدملها يبقى الاهل رفضينة لية
هتفرق معاهم فى ان كانت عرفتة من النت او اى مجال تانى مدام هيدخل من الباب زى اى شاب غرضة حلو وفى النور
لو الشاب دة اخد ابوة وامة وابونا المسئول عنة اذا امكن وخبط على بابها وقال لابوها انا عاوز بنتك هيقولة لا علشان انت عرفتها من النت
مفتكرشى يعنى
اعتقد ان فى حلقة مفصولة فى شئ غامض ومش واضح فى امر صحبتك يا ميلانية لان مدام الشاب جاد فى طلبة ومتفاهمين ومش ناقص غير المقابلة بينهم يبقى مفيش مشكلة
اعتبروة جاااى من بلد بعيد عن طريق اى حد وعاوز يتقدم
انا مش فاهمة فين المشكلة بجد ؟

[ميلانيه]

صحبتى عندها 16 سنه وهو 21

[aymonded]

سلام لك يا أجمل ميلانة
صحبتك عندها 16 سنة فقط !!!!!!!!!!!!!!
وبتاخد رأي أصحابها وزميلاتها في المدرسة وبيرشدوها ويوجهوها !!!!!!!
اعتقد أن الجواب واضح مش محتاجح سؤال
وكل شيء تحت السماء له وقت ، فلا داعي لهذه السرعة
والاعتماد على مشاعر المراهقة لأنها حتماً ستتبدل مع أيام قصيرة
لأن أيام المراهقة ستعبر وعند النضوج سيتغير كل شيء
وانا عن نفسي لو والدها لن أوافق طبعاً ، لا لأنه من النت
بل لأن السن لا يسمح الآن بالاختيار الصائب

والكل جاوب في الإطار الصحيح والسليم بالطبع
مع عدم علمهم بالسن 16 سنة فقط !!!!!!!

[med reny]

سلام المسيح ميلانه

اولا.طريقه التعارف عبر النت طريقه غير صحيحه
في بدايه اي علاقه لاي اتنين يجب ان تكون في النور والتعارف علي النت طريق ظلمه وبعدين هوا مش هيكون عنده ثقا فيها لان طريقه التعارف غلط
ثانيا.صحبتك عمرها16 سنه مرحله المراهقه
هذه المرحله تتغلب عليها العاطفه الكاذبه ففي هذه المرحله لا يوجد نضوج فكري تستطيع الفتاه ان تري ما هوا صالح لحياتها واذا كان النت هوا البدايه هل هيا هيكون عندها الثقا فيه فيما بعد وايه اللي يضمن انه ميكنش اتعرف علي اكثر من فتاه علي النت وده اكيد انها مش اول ولا اخر وحده هيتعرف عليهاااااااااا
ثالثا.رفض الاهل لهذا الشخض المظلم المقار
علي ابن الطاعه تحل البركه واكيد الاهل شيفين اللي هيا مش شيفاه والاكيد ان الاهل عيزين ان ابنائهم يكونوا افضل الناس واسعدهم وان يرو بناتهم مستقرين في بيوت ازواجهم
انصحي صديقتك بان تترك هذا الشاب وان تقطع علاقتها واتصالتها به ولكل شئ تحت السماء وقت
الحب يبدا في فتره ما بعد الخطوبه لانه هيبقا في النور
الرب يحفظنا ويحفظ بناتنا من عدو كل خير

[emmmy]

يا نهارك ابيض بتقولى اية يا ميلانية ؟
كااام سنة ؟؟

انا لو اعرف كدة من الاول مكنتش قلت الكلام اللى قلتة
يا حبيبتى انا نفسى افهم بس انتوا بتحسبوها ازاى
16 سنة تبقى لسة بتدرس اكيد تبقى لسة قدامها مشوار طويل تفهم يعنى اية مسئولية وشركة وزوج واولاد ما الموضوع مش حب ورمانسية وبس
عزيزتى صحبتك مشاعرها دى طبيعية منقدرشى نقول فيها حاجة ومش حرام ولا عيب بس لازم تفهم انها مشاعر سطحية ووقتية ملهاش اساس مبنية على الرمل
هى جواها طاقة حب مفيش مشكلة تشيلها لحد ما يجى وقتة وتاخد خبرة وتكمل دراسة
هى بتحبة وهو بيحبها طيب وبعدين ينفع الارتباط دلوقتى فى السن دة ولا هيفضلوا يحبوا بعض كدة على طول وخلاص ؟
لية تظلم نفسها مستعجلة على اية بس
قوليلها ان الشاب دة بيضحك عليها قوللها انها بتضيع وقتها ومشاعرها وقلبها وحبها ورا سراااب وانة هو كمان مخدوع فى نفسة وفى مشاعرة لان 21 سنة يبقى لسة مينفعشى يتحمل مسئولية الحب
والدليل على كدة
قوليلها تعمل لنفسها امتحان صغير
متكلمشى الشاب دة لمدة شهر خااالص ولا تحاول تشوفة خااالص ولا تدخل اى مكان هى عارفة انها ممكن تلاقية فية
وهى بنفسها هتلاحظ انها بدات تنساة وانة ممكن يحل محلة فى قلبها واحد تانى وثالت لان دى مشاعر متقلبة وعادية وسطحية صدقينى لحد ما بتنتهى فترة المراهقة وتبدا المشاعر تستقر ويعرف صاحبها يوجها للاتجاة الصح اللى هو عاوزة