[ملكه الاحزان]

موضوع مش جرئ اوي او جايز جرئ عند شويه ناس

بس انا فكرت كتير في الموضوع

بس لا حياء في العلم يعني

موضوع انهارضه عن

( ازاي اعرف اي حاجه عن الجنس)

او بمعني اصح انا لسه صغير بس عايز اعرف

بصو بقي

بره في الدول المتحضره

الحاجات دي فعلا بتدرس في المدارس لانه موضوع مهم جدا

لانها غريزه طبعا ربنا خلقنا بيها مش زمبنا يعني

لكن هنا بقي في مصر العزيزه والوطن العربي الاعز

لو حد سأل سؤال يلا بييييييييينا

يبقي قله ادب ومفيش تربيه

وياسلام لو بنت بقي يبقي يعني الوضع صعب

المهم

انا عايزه اٍسالكم سؤال

ايه رائيكم في تعليم الحاجات دي في المدارس؟؟

والموضوع يبقي عادي جدا زي ايييييييي حاجه بنتكلم فيها؟!!


ولا الموضوع معقد وماينفعش حد يتكلم في؟؟

وايه رائيكم في المواضيع دي هل ينفع اننا كاشباب teenager's من ال16 الي 21

نعرف الحاجات دي؟؟؟؟

اتمني اعرف ردكم

المصدر: †† ارثوذكس †† - من قسم: كلام فى الممنوع

[Katy_Archi-Mekhaeel]

توبيك جميل جدا ياقمر

وعندك حق ف كل كلمة بتقوليها

بس الموضوع دا لو اتكلم من ناحية الدين مش هيبقى عيب ولا غلط

وانتى لو كنتى تابعتى الانبا بولا ف بيت ع الصخر كان بيتكلم ف الموضوع دا وماكنش فى اى كلام يجرح الادب العامة

المهم الاسلــووووووب مش الموضوع

ومش شايفة انه غلط ان الشباب يعرفه احسن من يجيب اى معلومة من اصحابه وتكون غلط

[ملكه الاحزان]

انا بتكلم علي كل حاجه ياكاتي
الدين والثقافه
طبعا ناخد المعلومات في شكل كويس ومؤدب اكيد يعني
ميرسي ليكي ياسكر

[magdy totti]

المشاركة الأصلية كتبت بواسطة ملكه الاحزان المهم انا عايزه اٍسالكم سؤال ايه رائيكم في تعليم الحاجات دي في المدارس؟؟ صعب يامارى لسبب واحد ان مفيش حد اساسا عنده الثقافة الجنسية ولا يقدر يوصلها لااطفال وده طبعا ناتج عن عدم الوعى والتخلف اللى احنا عايشين فيه والموضوع يبقي عادي جدا زي ايييييييي حاجه بنتكلم فيها؟!! المفروض دى تقافة زى ااى موضوع اخر بس لاااااسف ولا الموضوع معقد وماينفعش حد يتكلم في؟؟ هو معقد علشان المجتمع والثقافة منعدمه والتخلف موجود زى مانا قوللتك وايه رائيكم في المواضيع دي هل ينفع اننا كاشباب teenager's من ال16 الي 21 نعرف الحاجات دي؟؟؟؟ ااحنا بس نبيتدى بس نتكلم فى كل الكنايس ومع الشباب ونعمل موتمرات عن الثقافة الجنسية للشباب نبيتدى با انفسنا على الاقل وبعد كده ها تلاقى اللى ممكن يدرس الموضوع ده فى المدارس وغيره لانها دراااسة وفى ناس بيتاخد فيها الدكتودراه اتمني اعرف ردكم

موضوع جميل جداا ويااريت كل واحد يكون عنده الثقافة دى
ومش عاايزين نسى ان الجيل اللى جاى جيل رقمى يعنى عاارف كل حااجة فاا احناا لازم يكون عندنا القدرة على التعامل معهم ويكون عندنا تقافة فى كل الاشياااء علشاان نقدر نعرفهم الصح من الغلط
و بشكل علمى كمان هو ده المفروض اللى يحصل
بس انتى عاارفه ان فى كنائس بيتلاغى هذة الثقافه حتى لما جيت الكنيسة واتكلمت فيها الناس نفسهم منعوا الاودهم للحضور
فااايااريت الكنيسة يكون ليها دور لتعليم الكبار انفسهم هذة الثقافة والوعى
يااريت بجد ااحسن كل واااحد بيتكلم من دمااغة والدنيااا بايظة معااه وبيقول كلام غريب
ميرسى كتير لموضعك الرائع

[emmmy]

هو بالنسبة للكنائس هتبقى صعبة يا مارى لانة مفيش جراة فى الكلام فى المواضيع دى بالذات ولا فى ثقافة اصلا زى ما قالك مجدى بس احنا ممكن بقدر المستطاع نحاول نعلم اولادنا فى الاجتماعات امور عامة بسيطة زى مثلا طبيعة الولد بيميل لاية وطبيعة البنت بتميل لاية وازاى الولد يفهم شخصية البنت علشان يعرف يتعامل معاها والبنت كمان تفهم شخصية الولد علشان تتعامل معاة لان فى فروق كتيرة بينهم
اما بقى حكاية انك تعلمى الثقافة الجنسية فى المدارس فدة مستحيل ولاسباب كتير معقدة يا بنتى وزى ما انتى قلتى فى مصر العزيزة لو حد سال سؤال يااااااااة مشكلة
دا غير انة حتى لو حصل ودة مش هيحصل هيتكلمو فى الثقافة الجنسية من وجهة نظر الاسلام ودى فى حد ذاتها كارثة بالنسبة لاولادنا لانهم هيدمروا عقولهم بتعاليم غلط فالاحسن بلاش الله يخليكى
مرسى يا مارى على مناقشاتك الجميلة الرب يبارك حياتك

[dr mina]

أشكرك على موضوعك القيم , لكى نحدد أى شئ يجب أولا أن نتطرق لتعريفه , لأن كما يبدو مفهوم الثقافة التى تمارس فى الغرب مختلف عما نتحدث عنه هنا بل بالعكس ستدهشون إذا قلنا أنه يتم تدريس بعض الأشياء منه فى مدارسنا ولكن كما قالت صديقتنا مسبقا إن الأسلوب هو الذى يصنع الفرق
الثقافة الجنسية : هى تعريف النشأ بما يلزمه من معلومات فى كل مرحلة سنية إجابة عن متطلباته واحتياجاته , وهذا هو الفارق الذى قد يجهله البعض , لكل مرحلة عمرية فهمها الخاص وطريقتها الخاصة وسلوكها الخاص , فمثلا دراسة جسم الإنسان والجهاز التناسلى هو جزء من الثقافة و لا يقدم إلا فى مرحلة عمرية معينة
أخيرا , لفهم أى شئ نحتاج" مادة نشرحها , اشخاص يقدرون على توصيل المعلومات , جدول زمنى يناسب تطور الطفل فما نقوله له وهو ابن الخامسة مختلف عن ابن العشرين , مشاركة الأباء لأنهم ركن أساسى و قد نسيتى ذكرهم فى حديثك يا صديقتى , تفعيل سياسة safe sex < لأن البعض أن الثقافة تشجع على الممارسات وهذا بعكس المفهوم مطلقا لأان أول بنود ال safe sex : is to kepp away from premature sexula relations
شكرا على موضوعك و أسف للإطالة

[سيزر الروش]

ربنا يباركك يا مارى ويفرحك

وبجد موضوعك جميل اوى اوى بس مينفعش نتكلم فية زى اى موضوع

او بمعنى اصح مينفعش فى المنتدى وربنا يباركك ويفرحك

[انا عابر]

الموضوع مهم جدا لانو شبابنا الايام هاي صار تعليمهم بالامور الجنسيه..عن طريق الاقلام الاباحيه
والمواقع المش كويسه..ونتيجه ليها الشباب صار عندهم هوس بل انحراف بمعتقدات..بالنسيه لللامور هاي
ضروري جدا الوعي الجنسي..
وشكرا للطرح الجريء

[ملكه الاحزان]

شكرا علي الردود
بس معلش كلمه لسيزر
انا مقولتش اي حاجه مش كويسه ياسيزر انا بناقش موضوع
واظن ان القسم اسمه كلام في الممنوع
يعني بنتكلم في حاجه عند ناس كتير اوي ممنوع
شكرا ليك

[سيزر الروش]

اوك اوك فعلا عندك حق يا تاسونى مارى سمحينى لو ردى زعلك وبجد انا ماختش بالى وربنا يفرحك ويكون معاكى اسف مرة تانى