رد: ادخلو يا شباب وافرحو فى البنات شوية
كُتب : [ 09-02-2009
- 07:05 AM
]
نرد بقى شوية... أولا اسلوب الكلام مش عاجبني خالص (ههههه بجد زي العسل) إيه الكلام ده... وإيه مطلع الولاد براءة قوي... أنا همسكلك واحد واحد واورلك أنواعهم أنا كمان... هههههههه ناس فاضية بقى.... بص يا سيدي
اقتباس
النوع الاول فشااااااااااااااار ( موجود بكثره .. هتكلم واحده هتاخد اتنين مجانا ) والنوع ده بقى دايما عايش فى المهندسين .. مصر الجديده .. وسط البلد وغالبا ما يكون مدينه نصر ) وطبعا يا اخويا مش هحكيلك على العربيه الاحدث موديل ولا على اشتراك النادى ( الاهلى - الزمالك - الصيد - الشمس - ....... والبقيه تاتى ) ودى دايما يا بتلعب تنس يا اسكواش .... ... وهما فى الاصل بينتموا لمركز شباب الحبانيه ....... حدث ولا حرج ولو جينا للشكل ... الشعر اصفر .. والعينين خضرا ( واليومين دول تلاقى الوان جديده للعينين احمر وبنفسجى و...و....و ........ بيجيبوها منين يا خويا ) وطبعا البياض مش هقولك انت فاهمنى طبعا وبعدين تاتى الصدمه لما يرووووح الشاب الغلبان عشان اول مقابله وهنا تحدث المفاجاه .... ( مبروك كسبت موعد غرامى مع ملكه جمال قلعه الكبش ) ... ااااااااااه يا زمن
|
يعيني غلبان خالص... ال شاب غلبان ال وهو ده لو غلبان كان ماله ومال الناس ... مايسيبهم في حالهم
اقتباس
النوع الثانى :- (مش بكلم ولاد ) .... والنوع ده بقى هوه اللى يجيب الضغط يا خويا .... تدخل الشات وطبعا زى الغلبان عايز تتعرف تكون صداقه .. شىء طبيعى ... فتقولك ( سورى مش بكلم ولاد ) وفين وفييييين بعد ساعه من المحايله على صحبه الصون والعفاف توافق انها تقول اسمها
|
شفت إزاي هما زنانين .. إنتم مالكم إنتم مش راضية تديكم اسمها ولا لا... ههههههههههههههه لازم تزنوا على الواحده... الوحدة منا تبقى قاعدة في سلام وتلاقي واحد فاضي عمال يتكلم معاها وداخل معاها في تحقيق.. إنتي كام سنة؟؟ اسمك إيه؟؟؟ ناس غريبة ... هههههههه
اقتباس
.... (ما كان من الاول ) والنصيبه يا جدع تقولك مش بكلم ولاد وتلاقى الجهاز مفتوح فيه خمستاشر صفحه برايفت ..... حرام عليكى الكمبيوتر اشتكى ...... واللى يغيظ اكتر واكتر .. ان النوع ده فى الشات ماتلاقيهوش
|
على العام طيب انت بتعمل ايه
وطبعا الولد غلبان ومش بيعمل كده... أو أكتر كمان... ياباي عليكم
اقتباس
النوع ( البسكوته ) حاجه كده هستك فستك ..... والنوع ده بقى تلاقيه ياخويا يرفع الضغط تلاقيها بتقعد تدلع الكلام بطريقه غريبه .... على سبيل المثال وليس الحصر ( اسيك = ازيك .... انت عثل = انت عسل .... دقيقه وكايه = دقيقه وجايه ..... بتكزف = بتكثف )...... وهلم جر ... ايه ده يا اخواتى ده هطق .......حرااااام ولما بقى تيجى تتكلم معاه فى اى موضوع يقولك بلاش نتكلم فى الموضوع ده ..... طيب هنتكلم فى ايه ..... ....
واللى يغيظ ان جميع الانواع عندها نفس الاجابات لنفس الاسئله يعنى اجابه موحده ....
على سبيل المثال لو تقولها ممكن تكلمينى عن نفسك تكون الاجابه المعتمده ..... مش بعرف اتكلم عن نفسى...اسال وانا اجاوب ...... (وحياه ابوكو غيروا بقى .... )
|
اها لو احنا بنعمل كده ... الولاد بقى... تلاقي الولد من دول يدخل يكلم كل بنت... ويقعد يثبت فيها... وهي ياعنيي بريئة وأتى مغمضة مش عارفة حاجة... تلاقيه بيقول لكل بنت -يعرفها ولا لا- يا قمر , يا جميلة... الله وإنت شفتها فين ... برده ناس غريبة... هههههه
وبعدين احنا رقاق... حضرتك متغاظ ليه؟؟؟ دايما نازلين فينا تريقة... احنا ربنا خلقنا كده... رقاق خالص مالص .. هههههههههههههههههه
كفاية كده عليك, أصلي طولت عليك ... to be continued ... إن شاء الله ههههههههههههههه
|