[بنت الراعي]

بصوا ياجماعه انا رايي انه متوقف علي نوع المنتدي اللي مشتركه فيه
وكمان علي اسلوبها احنا بنحكم ونقول مش ممكن انه يسيبها وكده غلط لاننا في المنتدي عايشين تحت مظلة السيد المسيح عايشين كعيله واحده لكن مش كل المنتديات كده طبعا اي حاجه في الدنيا فيها الوحش وفيها الكويس انما لو كان منتدي محترم زي منتدانا يبقي ده انسان مش طبيعي فيه حاجه غلط
ميرسي اوي يا حنان الموضوع مهم ربنا يعوضك ويباركك
برده مستنيه ردود استاذ ايمن واستاذ كامل والباقي

[M!SS N@NO]

شكرا بنت الراعى
وجهه نظر تحترم
ربنا يرعاكى

[روفــــا]

على فكرة لو انت قلتلها متكتبيش على النت تانى هى هتقولك وانت متكتبش على النت تانى علشان متكلمش بنات فى معنى اسمه نقاش مع اى بنت
بس المفروض اخليها وتكتب وتقرا علشان اكيد بيتشوف المشاكل اللى بيتحصل وهى لما تقرا اكيد هتحاول متعملش الخطأ تانى
انا هوافق هخليها تكتب فى المنتديات بس دة كله اكون على علم وشايف

[M!SS N@NO]

شكرا لمشاركتك الجميلة روفا
الرب يباركك ويرعاك

[الجوهرة الثمينة]

دة انسان شكله مجنون
لان انا من وجهة نظي لو المنتدي دة محترم وموضوعاته محترمة
ايه المانع
ربنا يسامحه بقة
موضوع جميل بجد
ويستاهل النقاش فيه

[menalouka]

أنا معاكو ... كلكو رأيكو وردكو ممتاز جداً
أنا من رأيى عادى جداً بس معلش يا جماعة إحنا برضة روحنا ولا جينا لينا تقاليدنا كشعب شرقى
يعنى إيه المانع بعد الإرتباط ببعض ممكن نعمل يوزر بإسم واحد لينا إحنا الإتنين وتبقى مشاركة حلوة وفكرة جديدة
وتبقى كل الناس عارفة اننا مرتبطين ببعض
يارب يكون رأيى عجبكو
وميرسى ليكى يا حنان على موضوعك الجميل

[lolaemo]

موضوع حلو اوى
بس ده غلط ازاى يعنى عشان مشتركة فى منتدى يرفض الارتباط بيها المنتديات مش غلط طالما منتديات محترمة وهو طالما واثق فيها يبقى المفروض ميناقش انها مشتركة فى منتدى

[bebo_coach]

الموضوع كويس وانا مش شايف فيها حاجة انى ارتبط بانسانة من طريق المنتدى وكمان القصة دى فيها مبالغة اوى يسبها علشان انها كانت بتكتب فى منتدى او مشتركة