[emmmy]

انا بجد مش عارفة اقول ولا لا وخايفة حد يفهمنى غلط ويزعل منى هو بصراحة موضوع حساس جدا وانا صدقونى مش هكتبة علشان ندخل فى موضوعات ادانة لكن علشان اعرف رايكم
اقول يا شباب ولا مقولشى
طيب طيب خلاص هقول محدش يتنرفز على بس
بصوا احنا عارفين ان الانسان اللى بيعيش حياة البساطة والهدوء بيكون عندة فرصة للالتصاق بالله وبيكون موضع تكريم واحترام وثقة من الناس وخصوصا لو كان خادم او اب كاهن
دلوقتى بشوف الاباء الكهنة عايشين حياة الترف موبايل احدث موديل وعربية مش عارف اية وشقة فخمة الكلام دة بيسسب عثرة لناس كتير جدا وخصوصا الشباب وخصوصا للفقراء والبسطاء بيبقوا مش مقتنعيين ولا مصدقين منة كلام او تعاطف لو قالهم حاجة بيقولوا ما مش حاسس بينا اصلة عايش فى ترف
الكلام دة بنسمعة فعلا وبسمع شباب بيقول حتى ولو على سبيل الهزار انا عايز ابقى كاهن على الاقل اجيب موبايل عيدل وعربية ترحمنى من الموصلات واعمل شقة زى ابونا فلان صدقونى دة بيحصل
الكهنوت بقى وسيلة للوصول لحياة الترف والشبع المادى
الاب البسيط الناس بتتلهف علية بس مابقاش فية منهم كتير للاسف
انا طولت عليكم معلش سامحونى لوالموضوع ضايكم ممكن يتم حذفة لو المشرف حس انة هسسبب عثرة ممكن يحذفة انا بكل امانة عايزة اعرف المشكلة دى موجودة فى كل مكان ولا عندنا بس واية رايكم فيها واية الحل
وعايزين الكبار والاستاذة يقوللنا نعمل اية علشان نتخلص من العثرة اية الصح وانا المفروض افكر ازاى فى الحالة دى بحيس انى معملشى خطية ادانة

المصدر: †† ارثوذكس †† - من قسم: كلام فى الممنوع

[الجوهرة الثمينة]

موضوع رائع يا ايمي ويستحق المناقشة
والموضوع دة بقي موجود في كل الكنايس
وفعلا فاقد الشئ لايعطيه
يعني انا لو معنديش بساطة وعايشة حياة الترف استحالة اروح اخدم واتكلم عن البساطة وعدم محبة العالم والاشياء التي في العالم
بصي يا ايمي كل واحد ربنا هيحاسبه حسب عمله
انا اسفة للتطويل ومستنية اشوف اراء الباقي

[emmmy]

مرسى يا جوهرة على مشاركتك وكلامك الجميل
ويا ريت نسمع باقى الاراء يا ريت الكل يشاركنا

[البوب الجديد]

انا سمعت الكلام دة على شوية كهنة وانهم عملوا من ورا الكنيسة فلوس وملايينن وففعلا سمعت كدة لكن مشوفتش ومصدقتش بس الى بيروح علشان بيبقى كاهن بيبقى غرضة الخدمة وضم الناس للكنيسة مش اكتر وسمعت فعلا ان فى كهنة عملوا كدة ربنا قادر يحافظ عليهم ويحميهم من التفكير الخاطىء ويحافظ علينا

[elphilasouf]

شوفى يا ايمى انا ليا راي غريب فى الموضوع ده ويمكن كتير مننا ميتفقوش معاه

لا تتدخل فيما لا يعنيك

[emmmy]

المشاركة الأصلية كتبت بواسطة elphilasouf شوفى يا ايمى انا ليا راي غريب فى الموضوع ده ويمكن كتير مننا ميتفقوش معاه لا تتدخل فيما لا يعنيك

ههههههههههههههه
طبعا دا راى يحترم يا جورج جدا واد اية انا منحنية اما اتضاعك بس احنا لازم نقتنع بالاب اللى بيعلمنا ويوصل لينا صورة المسيح على الارض
انا مش قصدى ادانة صدقنى انا قصدى ان احنا بقينا بشوف اوضاع بتعثرنا وتسسب لينا تشتت وعثرة
يعنى مليش دعوة وفى نفس الوقت ليا دعوة بردوا انا عايزة قدوة ومثالية يا جورج علشان اتعلم منها انا بيصعب عليا بجد لما بسمع كلام يمسهم ويمس الكنيسة بسبب الموضوع دة
عموما انا اسفة

[elphilasouf]

المشاركة الأصلية كتبت بواسطة emmmy ههههههههههههههه طبعا دا راى يحترم يا جورج جدا واد اية انا منحنية اما اتضاعك بس احنا لازم نقتنع بالاب اللى بيعلمنا ويوصل لينا صورة المسيح على الارض انا مش قصدى ادانة صدقنى انا قصدى ان احنا بقينا بشوف اوضاع بتعثرنا وتسسب لينا تشتت وعثرة يعنى مليش دعوة وفى نفس الوقت ليا دعوة بردوا انا عايزة قدوة ومثالية يا جورج علشان اتعلم منها انا بيصعب عليا بجد لما بسمع كلام يمسهم ويمس الكنيسة بسبب الموضوع دة عموما انا اسفة

اولا انا مش بحب كلمه اسف كده من غير سبب انتى بتتأسفى على ايه مش فاهم
انتى ليكى دعوه وفى نفس الوقت ملكيش دعوه ..
طبعا لانه ابوكى وابويا لازم يكون ليكى دعوه ... بس احنا مدخلناش جوا نوياه ولا نعرف هو جاب الفلوس دي منين .. ومش هنسيب حالنا ونقعد نبص ع ابونا ههههههه
ومش لازم بردو يكون ابونا بسيط جدا وهدومه مقطعه وحاله مبهدل
لأ الغلط يمكن يكون ع ابونا لو هو اوفر اوي اكتر من الازم
واكيد بردو فى غلط علينا احنا عشان بنبص بعين مش بسيطه
يبقى احنا نخلينا فى غلطنا وملناش دعوه بغلط حد تانى :d

انا مش عارف بصراحه ان كان رايي ده صح ولا غلط بس انا شايف كده اريح

[emmmy]

المشاركة الأصلية كتبت بواسطة elphilasouf اولا انا مش بحب كلمه اسف كده من غير سبب انتى بتتأسفى على ايه مش فاهم انتى ليكى دعوه وفى نفس الوقت ملكيش دعوه .. طبعا لانه ابوكى وابويا لازم يكون ليكى دعوه ... بس احنا مدخلناش جوا نوياه ولا نعرف هو جاب الفلوس دي منين .. ومش هنسيب حالنا ونقعد نبص ع ابونا ههههههه ومش لازم بردو يكون ابونا بسيط جدا وهدومه مقطعه وحاله مبهدل لأ الغلط يمكن يكون ع ابونا لو هو اوفر اوي اكتر من الازم واكيد بردو فى غلط علينا احنا عشان بنبص بعين مش بسيطه يبقى احنا نخلينا فى غلطنا وملناش دعوه بغلط حد تانى :d انا مش عارف بصراحه ان كان رايي ده صح ولا غلط بس انا شايف كده اريح

مش قلت لك ان بنحنى امام اتضاعك ربنا موجود

[Narmar]

المشاركة الأصلية كتبت بواسطة elphilasouf شوفى يا ايمى انا ليا راي غريب فى الموضوع ده ويمكن كتير مننا ميتفقوش معاه لا تتدخل فيما لا يعنيك

لا يا حبي انا معاك طبعا فلا تتدخل فيما لا يعنيك
لان انا اكتر واحد بيكرة الحشرية الموجودة في الشعب المصري

لكن ........

هنا الامر مختلف لان انت مش بتبص علي اشخاص مثلا واقفين علي الكورنيش
ولا واحد عريان في الشارع
ولا واحدة لابسة براحتها
كل دة انت مالك فيه ملكش دعوة

لكن الامر هنا يتعلق بانتم ملح الارض وانتم نور العالم
ويتعلق لينظروا اعمالكم الحسنة فيمجدوا اباكم الذي في السموات
ولا انت اية رايك في ابونا كوكي ؟ صورة مشرفة صح ؟
واوعي تقولي حالة فردية :@ وتغيظني


ودة لا يعني ان مفيش ناس مش كويسة في ناس جامدة جدا وكويسين
زي ابونا مكاري يونان وعبد المسيح البسيط ومتاوس وغيرهم كتير ,
لكن الاغلبية للاسف زي ما هي بتقول كدة

[elphilasouf]

المشاركة الأصلية كتبت بواسطة Narmar لا يا حبي انا معاك طبعا فلا تتدخل فيما لا يعنيك لان انا اكتر واحد بيكرة الحشرية الموجودة في الشعب المصري لكن ........ هنا الامر مختلف لان انت مش بتبص علي اشخاص مثلا واقفين علي الكورنيش ولا واحد عريان في الشارع ولا واحدة لابسة براحتها كل دة انت مالك فيه ملكش دعوة لكن الامر هنا يتعلق بانتم ملح الارض وانتم نور العالم ويتعلق لينظروا اعمالكم الحسنة فيمجدوا اباكم الذي في السموات ولا انت اية رايك في ابونا كوكي ؟ صورة مشرفة صح ؟ واوعي تقولي حالة فردية :@ وتغيظني ودة لا يعني ان مفيش ناس مش كويسة في ناس جامدة جدا وكويسين زي ابونا مكاري يونان وعبد المسيح البسيط ومتاوس وغيرهم كتير , لكن الاغلبية للاسف زي ما هي بتقول كدة

مش لازم يكون هدومه مقطعه عشان يبقى راجل قديس ومش لازم يكون مش لاقى ياكل عشان يبقى راجل قديس
. يا جماعه ابونا ده راجل عادي جدا زينا بجانب طبعا انه مرشد وخادم ومعلم وكل ده بس ركبهم ع انسان

ده غير انه مينفعش يكون شال شغلانه تانيه مباشره يعنى
وفى اصلا كهنه كتير بيكونوا من اسر غانيه وبيخدو معاش من شغلتهم الاول معاش كويس
يعنى منعرفش الفلوس دي جياله منين
يعنى لو ابونا راكب عربيه مكيفه ... وقاعد فى فيلا ولا شقه فخمه ايه الى عمله غلط فى كده ؟؟
وبعدين واحنا مالنا اصلا
مايجيب الى يجيبه احنا لينا خدمته لو مقصر فيها
ولو مقصر فيها فى رئيس ليه بيتبعو وهو الاسقف والاسقف لو مقصر ليه رئيس ليه

بقيت حشري اوي يانارمر ع فكره