[فرح®]

الارهاب يا جماعة لا دين له :d
يحيا الهلال مع الصليب .. يحيا الصليب مع الهلال

[دميانة لطفى]

اولا انا بحيك وبحى روح المحبه والاستناره اللى جواك
وانا معاك فى كل كلمه انت بتقولها
احنا متربيين مع بعض وعايشين مع بعض

[سيف الاسلام]

ميرسي يا جماعه علي اهتمامك وردك الجميل
وانا اكيد مش زعلان من اي رد حتي ولو قوي وفيه اساءة
لاني مقدر مشاعر الناس في وقت زي ده

وبجد المسلمين والمسيحيين اكتر من اخوات

انا مش عايز افتح الكلام في الموضوع تاني
ومش حابب اننا نفضل نتكلم كتير في موضوع الحادث ده

بس ليا تعليق صغير علي كلام الاخ سامح

بس هختلف معاك في نقطتين
الاولى : ان الحادثة دي مش عشان الفتنة ده إرهاب واضح من قلة غير عاقلة تكره المسيحين فقط لأنهم لا يتفقون معهم في العقيدة ... وانا أعلم انه يوجد مسلمين كثيرين جدا أفاضل وكان شعورهم بالحادث قوي جدا ويحاولوا يدافعون عنا كثيراً ولكن انا بقول قلة قليلة
النقطة الثانية : تقول هذا حدث والنتيجة تكون ضعف كلمة مصر على الدول العربية
يا حبيب قلبي مصر للأسف الشديد ليس لها أي كلمة على الاطلاق على اصغر دولة عربية ولو مش مصدقني تذكر قتل المصريين في الخارج والاهانة التي تحدث لهم كل يوم داخل دول عربية و رد الفعل المصري دايما بكون ضعيف جدا وإسأل أي شخص مصري قادم من اي دولة عربية

اولا ميرسي علي ردك
ثانيا عادي اننا نختلف ...
بس من حق كل حد يبين وجهه نظره

هرد عليك في النقطتين
لا الحادث ده ارهاب وبقصد احداث الفتنة الطائفية بين المسلمين والمسيحيين
ليه ؟
عشان لو للسبب اللي انت بتقول عليه . وكره وعدم اتفاق في العقيده
يبقي مش في يوم زي ده
يعني ممكن يستني لاي يوم تاني ويعمل اللي عايزه والموضوع كان هيتنسي وكده
وكمان مش في المكان ده بالتحديد
علشان المكان ده سبق وحصل فيه خناقات بين الطرفين
واي حاجه تحصل هتبقي رد من طرف علي التااني
ويقولوا بيضربوا في بعض ومضطهدينهم وبيموتوهم والجو ده

وكمان استرجع تصريحات القاعدة قبل الحادث بكام اسبوع
لما هددت باستهداف المسيحيين في مصر

مش هطول كتير في النقطه دي .. لانها باينه اووووووووووي

النقطة التانيه

يا حبيبي قلبي وعيني مصر اكبر دولة عربية
وليها كلمتها في المنطقة
ودورها ريادي وقوي جدا .. ومؤثر علي اي دولة
مش بالكلام .. بالفعل
اي محادثات سلام مش بتحصل الا من خلال مصر ..
اي قمم عربية مصر بتتحلكم فيها اذا كانت تستحق النظر ولا لا
وتقدر تسترجع قمة قطر من سنة .. لما مصر قاطعتها ومن بعدها باقي الدول الكبيرة زي السعودية وسوريا
وكمان اوباما لما حب يلقي كلمة للعالم العربي والاسلام .. جه مصر
مع ان الشرق الاوسط واسع ويقدر يتحكم فيه

مصر دولها كبيررررر اوي واكيد حد مش سياسي زيك مش هيعرفه

انا اتكلمت كتير اوي
بس بجد انا مختلف معاك تماما في النقط دي
وفكر فيها تاني

ميرسي ليكم جميعا

[MOSHAOK]

إسلام شكرا ليك قويي لإهتمامك على الحفاظ على شعورنا
بس انا زيك بالظبط مش عايز اتكلم في موضوع الحادثة لما رأيته من فيديوهات على النت اكيد شفتها ... علشان كده مش عايز اتكلم فيه خالص
أما النقطتين اللي كلمتك فيهم انا عند رأيي بس لوحابب تتكلم فيه ده ايميلي تقدر تكلمني عليه زي ما انت عايز بس بلاش نتكلم داخل المنتدى
[email protected]

[emmmy]

لية يا سامح اتكلموا هنا
انا عاااوزة اسمع

[ofa2011]

شكرآ ليك يا أخ سيف وده كلام مش جديد علينا لأننا كلنا عارفين ان لينا اصدقاءمسلمين بنحبهم وبيحبونا وجيران بنتعامل معاهم طول عمرنا بكل ود واحترام وحب متبادل لكن للأسف ظهر تيار يمثله قلة ينادى بمعاداة مسيحى مصر والاصرار على القضاء عليهم وان سفك دمائهم هو جهاد فى سبيل الله والله تبارك اسمه القدوس سبق وأخبرنا فى كتابه المقدس عن مثل هؤلاء قائلا :"تأتى يظن فيها كل من يقتلكم انه يقدم خدمة لله " فكل مانلتمسه ونرجوه من المتفتحين امثالك وما اكثرهم ان يبذلوا قصارى جهدهم لتوعية هؤلاء غير الفاهمين ونشر ثقافة قبول الآخر فى اطار الحوار الهادئ بعيدآ عن التعصب الأعمى الدخيل على وطننا الحبيب مصر بواسطة شرذمة غريبة عنا للأسف ايضآ وطدت جذورها في فى هذا البلد الآمن وربنا هو وحده القادر على حمايته منهم ومن امثالهم

[aymonded]

سلام ومحبة للجميع ..
الأخت إيمي مش مشرفة القسم ولم تحذف شيئاً ، وأي تعليق تم حذفه في الموضوع أنا اللي حذفته ، كما أرجو من الجميع أن يكتبوا بعيداً عن أي تجريح لا داعي له ، لأن لم يتم التعدي على أحد من كاتب الموضوع إطلاقاً لا من بعيد ولا من قريب ، فرجاء التقدير لمن شاركنا في ضيقاتنا وآلامنا ، والذي له منا جميعاً كل احترام وتقدير لأنه أخ غالي علينا كلنا ، أقبلوا مني كل احترام وتقدير ، النعمة معكم كل حين

[menovich]

اولآ احب ان احيك اخى سيف على روحك الطيبة والجميلة

ثانيآ انا متفق معك فى كلامك فهناك الكثير من اصدقائى من الأخوة المسلمين واعاملهم ويعاملونى كأخ لهم وهم كأخوة لى فليس هناك داعى للكراهية

ثالثآ يجب ان نلتزم بالحكمة وروح المحبة وهذه هى صفاتنا المعهودة

اخيرآ وليس اخرآآآ

الرب ينيح نفوس الشهداء فى فردوس النعيم فى كورة الأحياء السمائية الذكية

ويشفى ضحايا الحادث الأليم ويكون كل هذا سبب نعمة وبركة للكثيرين