عتبان قلبي ع البشر كلها
نسوانها وارجالها
كبارها واصغارها
وشايليين حمالها
والي زرع فينا البلاوي وهج واتخلى
عتبان قلبي ع البشر كلها
ورضيان قلبي بس ع الي تمسمروا
لا فرطوا لا تورطوا لا دارورا لا ناوروا
فيهم جمال الكون يتجلى
عتبان قلبي ع البشر كلها
كله من ايدينا اه يا حسرة علينا
سكرنا ابوب المحبة وع الغربة تربينا
كلنا يا دنيا جيران وحيطان تساند حيطان
الحارة كبكوبة خيطان وملفوفة علينا
هجوا يالي هجوا وعتبونا
وضلوا يالي ضلوا يحمونا
تاري كل شي بيشبه كلشي
لامونا جنينا
كله من ايدينا
بدنا بيت يسع الكل
بلكي يداوينا من الذل
ونرجع ناس وما تنداس الكرامة
الي فينا اه يا حسرة علينا
هالاسمر اللون هالاسمراني
تعبان هالقلب خيووووه هواه راماني
من منين بنبدا
من الطربوش وله من تحت الطربوش
وله نركع ع بابوج اليد الي بطعمينا
كله من ايدينا اه يا حسرة علينا
كله من ايدينا اه يا حسرة علينا
يا بيت جدي ضاع هالمفتاح
وبوابك بتبكي ع الي راح
ما ضل طعم ولون قلي شلون يا بيت جدي ماتت الافراح
ليش الغدر والحقد عبى الكاس
والادمي كل يوم عم ينداس
يا سامعيين الصوت وين الناس
صار الاصيل بحارته سواح
قوموا...
قوموا اندور ع المفتاح
قوموا اندور ع المفتاح
ونطوي صفحة كلها اجراح
ونفتح صفحات انعبيها بشرف الكلمة الي بنفديها
ونرجع حبايب حبايب
حبايب ما فينا عايب
حارتنا حارة عجايب
حلوة ومرة خبزتنا
ويا بيت جدي ضاع هالمفتاح
وبوابك بتبكي ع الي راح
ما ضل طعم ولون قلي شلون يا بيت جدي ضاع هالمفتاح
هذه قصيده شاميه اعجبتني فاحببت اشاركم بها فماهو رايكم !!؟؟
مشاهدة صفحة طباعة الموضوع
أرسل هذا الموضوع إلى صديق
المواضيع المتشابهه
.jpg)
العرض الشجري